محتزم لظروف الايام بالصبر الجميل ومن نشدني قلت طيبّ واموري طيّبة مارجيت من البشر لا كثير ولا قليل في رجا اللي من رجا رحمته ماخيّبه .

أنا طالبك يالله بطيبٍ مع أهل الطيب وحسن الختام ومنزلٍ مع هل الجنة .

التماس العذر لـ الطيب كرامه  اتركوا لاصحابكم مخرج طواري من تعذر جنبوا عنه الملامه  لا تصير حلوقكم مثل البواري  التسامح . . يقفل ابواب الندامه  والعتب بابٍ من ابواب الذواري .

مواقف الطيب محسوبه ومشهوده ورجلٍ بلا طيب لا يذكر ولا يحسب واللي كسبها بعرفه قبل مجهوده فعايله طيّبه " ومجالسه مكسب " .

تعجبني الطنخه ويعجبني الطيب و تعجبني عزوم الرجال القويه ويعجبني اللي يجتلد كنه الذيب هقوات راسه فالشدايد جريه .

لا كثرو اللي ما يسدون اللزوم سلّم على راسه ومد أم الشحم إما يلبسها جديدات الهدوم ولا يوقفها على ساق . . وقدم .

لـ الدروب رجال وللخوه طعم والسعيد اللي من احزانه صفا جعلني ما احتاج غير اللي بهم خوه ، وشيمه ، وتقدير ، و وفا .

عسانا لاخسرنا مانخسر الا ضعيف الراس و عسانا لا ربحنا نربح اللي . . ذايعٍ صيته .

لا تلتفت يـ ابن عمي في صغار العقول الناس من حسدها تحكي وهي شايشه الله عطاك الطناخه و السطر و القبول يوم إن بعض العرب يمشي كما الهايشه لا تجادل الكل واحذر من كلام الخبول خبل الرياجيل كلماته تجي طايشه .

عين الردي يقصر نظرها من الطيب لو كان شوفه شوف زرقاء اليمامه يغويه شور قريّبين المحاضيب ويعميه من كسب الجميل الرخامه .

المجلس اللي يكرم الضيف والجار من ضاق صدره قال بروح صوبه جعله بعد من مجلسٍ كله اغبار ما يندخل ياكود نوبه . . و نوبه .

رغم صكات الزمن ماني بـ نادم زودتني عزم و اصرار و جساره والله إني ماخسرت من الاوادم غير من كانت معرفتهم خساره .

ترا الظروف وعسر الايام والضيق تظهر خفايا صاحبك لا جهلته اما ارتكى مثل الجبال الشواهيق ولا صغر في ناظرك واحتقرته .

ان طابت الأيام . . حنا نزيد الطيب طيب وان شانت الأيام نضرب عرضها في طولها .

عسفت الصعايب لين راحت وجيه عداي من الغبن يسفي فوق هاماتها السافي نجاحي مكفّي عن تعب رمحي وشلفاي كشف لي من الكذاب والصاحب الوافي تراكيت يوم الناس بانت على مركاي ولا عاد به شيٍ مغطّى ولا . . خافي هل الطيب والمعروف شفهم على يمناي وهل الخبث وعلوم الردى شفهم خلافي .

منهج كرامتنا على العز ما مات نموت لـ أجل نصونها ما ارتخينا من طيبنا نرقى بروس الطويلات ولا ننشد اللي قال وش قال فينا .

صدقنا و صادقنا ولا همنا مصلوح على الطيب والمعروف مبدى مناهجنا ليا احتاجنا الصاحب لقى بابنا مفتوح ونقضي لزومه قبل نقضي . . حوايجنا .

لا عاد احد يلحق زمانه مشاريه بيّح سدود الناس كثر التشكي خل الحياه تسوي اللي تسويه دامك على شداد الكرامه متكي .

إليا زعلتوا ف ازعلوا لين ترضون وإن ما رضيتو جعل فالأمر خيره ما يلحق الواثق مشاريه وظنون ولا به كبيرٍ " يلتفت للصغيره ".

إن جلسنا معزه . . وإن رحلنا إكرام وإن حكينا جزاله وإن سكتنا بحر .