🔥The 9th Round of Easy Loan, Earn $40 Reward is in progress❗️ ⏰ Promotion Period: January 15th - Feburary 15th, 2025 👉 Register now and check more details at gate.io/campaigns/358

وين المطر ؟؟؟؟ ما ندري 😜

معاش المتقاعد قرّب يخلص وباقي عالمعاش الياي ١٣ يوم بسبب مصاريف شهر رمضان الكريم وتجهيزات العيد .

منظر خلاب من خلف برايح سالم بالسالمية .وين دور البلدية ومفتشينها ؟

سؤال للتعليم العالي من باجر يتقدم خريجي المدارس الخاصة للبعثات بينما عيالنا بالمدارس الحكومية تبتد اختباراتهم بنفس الوقت ،المفروض موعد التقديم يكون في وقت واحد وبعد ظهور النتائج ،خاصة إن خريجي المدارس الخاصة معظم المتقدمين حاصلين على 100/100 فجم كرسي بيبقى لعيالنا بالبعثات؟

أكثر ناس يكسرون الخاطر واحنا بالأجواء الحاره هم العاملين في توصيل الطلبات على الدراجات النارية والله يعينهم عشان لقمة العيش.

يوم عيالي كانوا بالمرحلة الابتدائية وبعدها المتوسطة كانوا يقولون لنا كأمهات إنه عندهم نشرة مذكور فيها إنه ممنوع يحطون درجة كاملة بالشهادة لمادتي اللغة العربية والإنجليزية فشلون الحين الطلبة تكون درجاتهم تكون مية بالمية ؟ سؤال نتمنى يجاوب عليه وزير التربية .

تُشكر الحكومة على اتخاذ قرار البديل الاستراتيجي لموظفي الدولةً ولكن السؤال هل يصاحبه تحرك أيضا من وزارة التجارة والجهات المعنية الأخرى في تثبيت أسعار السلع ! والإيجارات السكنية وغيرها ؟

تخيلوا طلبنا سيارة من مطار الجزيرة لتوصيلنا لمنطقة العدان واللي تفاجئنا فيه إن التوصيل بسيارة صالون ب ٨ د وسيارة جيب ب ١٣ د فلازم يكون فيه قوانين للحد من ارتفاع الأسعار حتى للتكاسي .

إلى وزارة التربية :اهتموا بنظافة دورات المياه بالمدارس وتجهيزها بالمعقمات والصابون وتوفير أعداد العمالة المناسبة حسب احتياج كل مدرسة مو بس تعلنون عن جهوزيتكم للكتب والمعلمين . صحة عيالنا لها الأولوية.

مازالت الحكومة تدرس البديل الاستراتيجي ، حاله حال احتياطي الأجيال نسمع عنه بس ما شفنا منه شي.

الحين وزارة التربية قررت انه الدراسه عن بعد !! سؤالي منو بيفتح منصة التيمز لطلاب المرحلة الإبتدائية بين الساعة١٢:٣٠ ظهرا للساعه ٢ خاصة اذا كان اولياء أمورهم بوظايفهم أو معلمين مثلا؟؟

قرار كرت عافية صار لربات البيوت بعد مثل المتقاعدين ! وقرار آخر تم في زيادة معاشات اللي أقل من ألف دينار ومساواتهم مع من درس دراسات عليا وتقاعد وصار معاشه مثل معاشهم بعد استقطاع المزايا اللي كانت وهو على رأس عمله إذن شنو الإمتيازات حق المتقاعد؟ # تخبطات إدارية

اقولكم شي ؟ كثر مالحزن وفقد الأحباب خلال ٧ سنوات ( أبوي وأمي واخواني ٣ واختي وولد أخوي) قليل من الناس صاروا يعزونا بالحضور للتعزية صار كل شي إما بالإتصال أو بالواتساب@ الله يرحمك حبيبي يا ولد اخوي علي عبدالرحمن العلي.

لازم مجلس الأمة والحكومة يدخلون موسوعة جينيس للأرقام القياسية لعدد اللجان اللي ما نشوف نتايجها.

الى حكومتنا الموقرة: راقبوا الأسواق والجمعيات في أسعارها المرتفعة للأغذية والملابس والكماليات راعوا ظروف كل من يعيش على تراب وطننا الغالي - المعاشات طارت للتجهيز لشهر رمضان المبارك خاصة ان المعاش الياي راح ينزل بين ١٩-٣ إلى ٢٦-٣ يعني يكون طايف على شهر رمضان الكريم حوالي أسبوع .

للمستاءين من أبناء الديرة : ما عليه بشخطة قلم وبدون دراسة ونتايج ،قبل شهر رمضان انشاءالله ونتأمل خيرا في سماع خبر مفرح للشعب لزيادة مكافآت غلاء المعيشة وربما منحة # الشعب ناطر الفرحة

مسلسلات صادمة ،معظمها علاقات خارج اطار الزواج وخيانة ومسكرات ومخدرات . خلصت مشاكل الناس عشان بس يحطون وينشرون هالمواضيع .

وين رايحة وزارة التربية# قرارات مفاجئة بيوم عطله رسمية موجهة للمعلمين بعمل اختبارات مفاجئة للطلبة يومي الأحد والإثنين ويداوم الطالب ويتفاجئ بالإختبار فأكيد ما راح يداومون ! چان خلوا الدوام اونلاين بدل هالتخبط .

المعلم وظيفته تصنف بالأعمال الشاقة بالكويت فهو مشرف جناح وهو مناوب ببداية الدوام وحتى ذهاب آخر طالب لبيته ،وياخذ حصص احتياط وملزم بعمل أنشطة ومحاضرات وغيرها من أعمال ومكافأته الصادمة وقت التقاعد وفق المقترح الحالي تتراوح بين ١٣ الف الى ١٨ الف .

توهق البطل