الله لا يخليني من اللي يوم اجيـه ياطى على خشم الريال و لا اهبي ترميني دروبي عليه .. و ما عليه ( منكبة .. سد لـ منكبي وش ما يبي ) اااالله يصب الخير في راحه يديه اللي يديه اليا امتلت قال : ارحبي بيني و بينه دم .. وش ما قلت فيه الطيب اللي فيه ( من وقفات ابي )

المحبّه أنت وأنت الغير عادي من عرفتك والمشاعر مستقره يبتسم يومي ويطرب بك فؤادي راحتي برضاك .. حلّت كل مُره هاك قلب وهاك عين وهاك غادي دلّه لدربك وخذ خيره و شره وش أبي بوجيه خلق الله وأنادي وجهك الله خالقه طيب ومسره

الخذلان لو كانت صوره

نسل الحرار الشقر ما تقبل الدون تشوم بنت معرّبين المجَاني يا كيف برضى موقف الذلّ و الهون و أنا عيوفٍ ما تحّب الهواني ؟ من صدّتي بتموت ضامي و مغبون و تبطي على مثلي صويبٍ تعاني " خسرت لك من ندّر الغيد مزيون صعبٍ تحصل مثلها فـ الزياني "

تروح للبل وتتركني وأنا ودي أجيك وأشوفك الليله قبل بكره لولا الحيا واسمي الرنان مع جدي اللي على الطيب والعليا طغى ذكره ل أقول لك قولةٍ وأبيح لك سدي والصقر ماله ترى مجناب عن وكره تعال هذي هي رقبتي وذا خدي أنّ شفتني بنت ولا شفتني بَكرّه

شلون تقدر تفارق عودي المبريّ إليا تمثنى عليك يسار و يميني وشلون والليل كان بضحكتي يسري و تهديني البيت .. و أردّه بـ بيتيني وتقول ما شفت مثل النعّس الخدري وأقول ما شفت حاجة من ربع زيني لحيتك تكرم من الشكّات و الغدري والبوره اللي مهي بـ منك ولا فيني

أنتي ومن عقبك يتوب الآدمي توبة نصوح ما عاد يامل فالوجيه البيض وجه ٍ يعجبه

سلامة رماحك اللي جرحها غالي طعنتني غاضب لين أنكسر رمحك لو قلت لي كان أجرح حالي بحالي لا عاش قلبٍ جزع وارتاع من جرحك لاجلك جروحي غدن اليوم عذالي ذميت ظلمك وأنا من عادتي مدحك .. ياليت لي ذنب وألقى علقمك حالي وياليت بك عدل وأرضى فـ الهوى ذبحك

خلّي اطراف الحديث وهاتي أطرافك الفصاحة والبلاغة بين قوسينك وخلي الضلعان دام الحضن مشرافك أشرفي وأخذي قساي وقرّبي لينك أنثني خلي جديلك يكسي أكتافك وأتركيني بين تفاحك وتينك جيتك وانا العوض في غيبة لحافك وماهو بكفو يجي من بيني وبينك"

عندك خبر من هاش من دون حِلّه ما ينطحه بالهوش حُمر الطرابيش يقلط على الصابور ل عيون خِلّه لوّ قدمه العجمان ولا الحناتيش

العناق هو محاولة آدم الأزلية بأن يعيد حواء إلى صدره.

تقهويت حبك يوم عاده يجيب الراس وبعد مابرد خليت باقيه لغيري

لا ما يضرّ التَرف نكسات الايام الزين زين وطلته تعمي عيون يا أكمل الحسن يالسامي مقام يا أقمر الوجه ياللي آخره نون من هنا للبدو للحضر والشام ما أنخلق مثلك ولا يُمكن يكون

وَيَنشَأُ ناشِئُ الفِتيانِ مِنّا عَلى ما كانَ عَوَّدَهُ أَبوهُ #محمد_بن_سلمان

على شوفك ، أعدّ الليالي صحا ، ونعاس "مشاوير عمري .. كل أبوها مشاويرك "

انا بليا شوفتك شخص اعمى إلى متى وانا عليك اتحايل ؟ مايكفي اني لاغي كل الاسماء ومشطب الارقام واغلى الرسايل انا اعرف انك فوق ذا الناس وأسمى لاكنك قاطعني .. بشتى الوسايل اوقف ل طاريك واشوش واحمى حمية يضرب عليها المثايل تراني اعتبرك مثل شربة الماء ماهي تعوضها جميع السوايل

في وصوفك شي من طعن الخناجر وفي كلامك روح " مكه و المدينه " سولفي .. يا جعل تفداك الحناجر أنتي ( الربان ) والأذن .. السفينه إن عجزت .. أحط في كفّك بناجر مستحيل أحط في صدرك غبينه

عطيتك من بشوت الهقاوي ثلاث بشوت ولا فيه بشتً جاء مقاسك وعلى قدّك احسبك من اللي لا دعيته يرد الصوت واثاريك تسمعني وودك ولا ودك عزوم الرجال تموت مثل الرجال تموت وانا أظنها ماتت مع خالك وجدك انا والله المخطي خطا ما عليه ثبوت عطيتك سلاح يرتعّد في كنف يدك .

لازالت تقول الشقيقه رغم الغدر ولازالت تفتح ابوابها لجيرانها للحوار سياسة السعودية سياسة عربية لا تغدر ولا تخون ولا تهجر لكن اذا ضربت توجع الله يحفظ الدوله وحكامها ❤️

خشفٍ دواها جروح وسمها سلسبيل ولا على حسنها زودٍ !.. من احسانها تحبني حيل؟.. واحب التعابير حيل لو كان رد السلام " برفع حجانها " تقول انا من سلايل محتمين الدخيل مسعدني انها اتحداني (بجدانها ) منطوقها ما يقول الا الكلام الجميل ولو خانها لسانها صح اللّٰه لسانها