وزن جسمك مش حاجة مهمة غير لو انت بتنافس في بطولات كمال اجسام أو في رياضة معينة و ليك ميزان بتلعب فيه لكن اي حد تاني المفروض يهتم بأن نسبة دهونه تكون قليلة و كتلته العضلية تكون كويسة يعني ممكن اتنين وزنهم 80 كيلو واحد فيهم عامل فورمة والتاني عنده كرش و جسمه كله ترهلات.

Fitcul.com/coaching-egy

ترتيب و عدد الوجبات مش بيفرق كتير و خلط حاجة بحاجة تانية بدل ما تاكل حاجة منهم لوحدها بردو مش هيفرق و توزيع البروتين لكل وجبة كمان مش هيفرق و مواعيد الوجبات مش ضروري تلتزم بيها كل يوم، محدش يشغل باله بالتعقيدات دي كلها المهم تمشي بالطريقة اللي تقدر تلتزم بيها 😀

لحد دلوقتي بلاقي ناس بتاخد الكرياتين قبل التمرين عشان فاكرينه بيدي باور و حتى فيه متابعين معايا بيعملوا الغلطة دي مع أني بكون كاتبلهم في البرنامج أن المفروض ياخدوه كل يوم ... الكرياتين بيشتغل لما يتخزن في العضلات خلال الأيام و الأسابيع لما تاخده يوميا مش اول ما تاخده هتحس بباور.

لو عامل دايت مش لازم كل اكلك يكون مسلوق، ممكن تاكله مشوي أو حتى تقليه بزيت صحي للقلي و تحسبه أو سبراي للقلي في الأيرفراير أو حتى من غير زيت لو عندك طاسة تيفال أو حديد أو ألومنيوم، دي من طرق التنويع اللي هتخليك متزهقش و تستمر. Fitcul.com/coaching-egy