كل شيٍ في الزمان اللي مضى نطرب له والعيون اليا بكت ما تبكي الا الماضي .

زملوني عن غلاه وعن طيوفه وعن هبوبه في ضلوعي لا أستهبّت وأستروا قلبٍ تولته الحسوفه لين راجت في عروقه ثم شبّت الهوى ماله على العاشق مروفه شف لياليه القديمه ويش خبّت ):

سالبٍ راحة ضميري والمزاج الصافي وارتفاع المعنويه واستماع الملوى ㅤㅤ مايطاوعني سكاتي من جنون شعافي وسط صدري عقدةٍ في كل يوم تلوى ㅤㅤ كني اشلا لا انتثر دمعي وطال اوقافي فوق مشراف الرفايع شرق والا علوى ):

والله ان قد لي ماني بطيّب مونسٍ خلف الضلوع العوج حره اتغاضى واتغيشم واتسيب واتظاهر بالامور المستقره من نشدني من بعيد ومن قريب قلت ما فيه اطيب من الحال مره واظهر الهيبه على العالم واغيّب ضيقةٍ حطت لها فالصدر جره اشهد ان ضيق الصدر ملعون صيّب ياكل ايام العمر والعمر مرره .

خذني من الهاجس السّاري والمزاج المعكرّ وعن زحمة العربان من قاصيها و دانيها دلّهني ولا تزيد مواجع الخاطر المكدرّ تعبت من صلفات الليالي ومن مساريها .

يقولون خل القلب يمشي على شفّه وأنا اقول ما جات الليالي على شفي يهفّ الهوى بالقلب . . والهفّه الهفّه وآشوف الشفوف وتنقصر دونها كفّي . ㅤㅤ

"وأنت وصلك لا أنهمر ياسلوتي وإلهامي مثل وبال السحابه لـ القلوب الضميا " .

لا تفكر فـ المكان المزدحم .. ولا تبالي بـ إتفاهق لك ضلوعي استرح والدار دارك من عرفتك صرت اعرف ابرك مجاهيم الليالي ليل ٍ يجيبك على بالي هو .. الليل المبارك .

أطرب على إسمي من شفاته وأغنّي من صوت مسباحه لـ قرع الفناجيل لا دعاني بليا شعور قمت ألبيه كنّي منهي عقب طول الضما مرّها السّيل يضحك حجاجه لا أضحك الوقت سنّي وإن ضقت ليلة ما غفى تالي الليل .

علينا الله اكبر قبل لاتزم برقعها وانا توني غمر لا شارب ولا لحيه اجيهم وانادي باسم اخيها مرقعها وعيني على سيد الرعابيب منتحيه .

شرهاتي كبار … لكن ، وش يفيد الكلام ؟ مهما سكت وتغليّت . . ورقيت وحدرت قدرت تعطي الزعل والبعد . . قدر ومقام لكن على رضاي ووصالي ما أشوفك قدرت .

أعترض لي الحظ وانا من الواقع رضيت داري انها ما تجيبك لعَل ويا عسى انت ياللي تحسب إني نسيتك وانتهيت عاد زولك في عييُوني وقلبي ما نسى .

ناظرني واعقد لي طرفك المتسامح انا ما احب الحياه بلا وجودك فيها وان نشدت ويش مضمون الزمان الرايح قلت حطيتك حياه اعيشها وابغيها والطيوف اللي تجيبك لي غلاها راجح والله ما اغلا من الطيوف إلا غلا راعيها .

وانا كل ليلة احبك وكل ليلٍ غلاك يزود وتكبر والعرب منك تطيح وتصغر بعيني ولا سادت تباريح الفؤاد من الغنج والخود سواك ولا ملك مثلك معي مايملكه ديني .

ليت لي يا صاحب العرف قلب من حديد لا نصحته ما عصاني وجبر ما يلين مير انا ربي بلاني بقلب ما يفيد ما يداني جرة الصوت واخفاي الونين ):

يحسب اني ناسي الحب كله و الوعود و يحسب اني كل ما قدمه لي جاحده ما درى اني مخلصٍ فالغياب و فالوجود و اني احنّه من الضيق ودايم اسعده .

المشاعر خطاها في غرامك قدى يوم لاجلك تحدّت كل عذل وملام أي نعم قلت للعاذل بحبك بدى شحت عنه النظر يوم ابتدا بالكلام .

احبك حسبي الله ليت مالك في سماي بروج ولا لك في البسيطة كود شي بينك وبيني فمان الله سق ركبك على درب السنين العوج ولكن طالبك لا اقفيت عني لا تخليني ..

على اللي برىَ حالي غيابه وسدّي باح اكابر واصنع ضحكتي والبلا فينيي بقى له معي صُورة عن البال ماتنزاح حفظها غلاه اللي جرى مع شراييني لحد ينشد عيُوني من الدمع لامن طاح عِليه الدموع الذارفـه ما تماليّني .

ليتني على مقابل وجهك جالس واخدر لك شاهي بنعناع واقدمه واعطيك من علوم اليوم والبارح وتعطيني من جديد ايامك العظيمه .