امنعونا 🙅🏻 - المفادي يرخص الدنيا ويعلنها تحدّي والمنافق ياخذ الدنيا علاقات ومصالح مثل ماحن نعرف القلب النظيف من المصدّي عارفين المشلح اللي ما يعرّي في المشالح امنعونا من كلامٍ .. لايجيب ولا يودّي جعل ربي يكتب اللي فيه خير وفيه صالح.

الغلا مثل السلاح ان جيت اشبه و المواصل يعتبر مثل الذخيره و الحبيب اليا مدحته لا تسبه ولا تشوفه عاد مثله مثل غيره و كل ما حبيت علم من تحبه علمه ما دامت ايامك قصيره مشكلتنا ما نعلم بالمحبه ما نعلم غير فـ اللحظه الاخيره

كل ما علقت امالي بناسٍ راحلين ودي الحقهم لكني ما عاد ادلهم

لا تحسب النسيان بالراي والكيف يالغايب ' اللي في لقاك اتحـرا مادام طيفك داخل الذاكره ضيف أنا ما عـرف أقـول لـ ضيف بـرا (:

إذرف وهلّ الدمعه الحايره لا تنتظر .. عمر البنادم قصير ليه التزم بالصمّت .. وأسايره أحيان يكون الصمّت مافيه خير الحاجه اللي ماااهي بـ صايره من الطبيعي انّهاا ماتصير مابيك تفهمها وهي طايره ابيك تفهمها قبل ماتطير (:

ما بين لحظات الوصل و التجافي العمر كله ساعه الحق ما تلحق ماودي ان احدٍ يحس السنافي لا ضيقو صدره و هم مالهم حق حتى لو يقصر تراها عوافي هو نشميٍ والله لكن حظه امحق

يـ اهل الكلام اللي مايبنى على ساس ما عندي أسلوب الشلل ، والتحالف آخاوي اللي ..( ذكرهم ) يرفع الراس حتى ! لو نخالف بعض ... ما يخالف مع احترامي لـ المشاعر والاحساس لا يمكن .. نصير أصدقاء ، ونْتوالف أنتم .. تحبون السوالف عن الناس وأنا ما آحب اللي ، يحب السوالف

الـزمن يالـربع بالحيل أمتغير صايرً في مشيته قومه وطيحه واللي أشوفه حصل شيً محيّر انتشر مثل الوباء فوق الفسيحه كّل خيّـر قيل له ملعون خيّـر والفضيحه تعتبر ماهي فضيحه والعرب لا جاهم الضيف المسيّر صـوروه وصـورو معه الذبيحه (:

اخذ من معاناتك المعنويه يفهم شعورك واحدٍ ذاق ما ذقت ان ما تغانمت الفرص الاوليه الشوق ما رد الحبايب ليا اشتقت لا ترقب الصبح و لا ترقب قفيه لو تشعر بما عندك اكيد ما ضقت أشياء كثير نشوفها عايديه لكن ما تطلع عايديه مع الوقت

يامااايس القد ب التلميح سبق لي قلبي معك مثل حرٍ معتلي وكره عندك ياخفّي وعند الناس ياثقلي اثقل من العايف اليا ارغم لما يكره قلتي لي ياااظافر ابا اغيييب واشتق لي والشوق نفسه عليك القلب محتكره يافاتنه وجهك النيّر خذاااا عقلي ترااك محلوّه ب واجد على فكره (:

حنا ياعبدالله عبيد ولنا رب لولاه يمدي خلقه استعبدوني اليا تذكرت اني من اول احب غيره بكى قلبي وبكى عيوني

بعض العرب من كثر ما احبه اخاف عليه من نفسه و من ناس مرضى لو يزعل و يرضى علي مابه خلاف العلم لو يزعل و لا عاد يرضى

الحياه ظروف و العمر ينقص ما يزيد و الجروح احياناً اهمالها هو طبها صرت مابي راي حتى راعي الراي السديد لو يقول ابعد عن النار رحت اشبها اتسلا بالقصايد و بالشي الجديد و مابي ابحر فـ القصايد ولا ابغى اكبها و أنا حتى ما عرف ليه حبيت القصيد يمكن ما حصلت حاجه عشان احبها

اما الشوق مشتاقٍ لك اكثر من المعتاد ولا باقيٍ فـ الكون ذا شوق ما اشتقته

مناديب تال الليل ضيق وسهر وإرهاق و ذكرى قديمه و اضطرابات نفسيه من يعيشها والله لـ يبطي وهو ماذاق النوم الطبيعي و الحياه الطبيعيه :)

جعلنا عن منة الناس دايم في غناه والغنا في عزة النفس ماهو فـ الفلوس خوة أهل المصلحه ، ماطوّل فـ الحياه مثل شيلات المزاين ، وشيلات العروس

شكراً جزيلاً و اقبل الشكر الجزيل وانا بيرضيني ما يرضي المسلمين ما عاد ابيك تشيل همي لا تشيل الهم خله يمكن الدعوى تزين اكذب و بعتبرك مسوي بي جميل الصدق فـ الموضوع ذا ماهوب زين ودي انك ما حددت لي وقت الرحيل عشان ما احس برحيلك مرتين

العقل مثل مطوّعٍ قايم الليل و القلب جاين تالي الوقت داشر تخاشره فـ الحب بعض التفاصيل و أنا بعد مانيب احب المخاشر الله يخارج من صدوف المقابيل صدوفها اللي ما تكب المقاشر الكلمه اللي تشرح البال بالحيل قلها لو ان ماهي بشكلٍ مباشر