مصليك يا يمّه،زهاب المضانيك ياخذ من الفجر الشمالي طحينه ليا من خبزتيه .. وتعطّر بكفّيك توشحت روحي .. ثياب السكينه #اللهم_اغفر_لأمي_وارحمها

دقاّت قلبه في يدين المسايير لا جرّحت جلده يدين الجفيّا عصريّة ٍ شالوا حديد ومسامير تذكّر وجيه الطراقي ...... وعيّا

ياما سبقنا نسمة الصبح شَفقين للراحة .. اللي في كفوفك… تذرّا ونشرّع .. الباب الشمالي..نهارين فيها .. نصفّ احلامنا … ونتحرّا شفنا عجزنا نسكّر الباب للحين عيّت يدينا .. في غيابك .. تجرّا ! من قسوة الاحساس ومكاود البين صرنا نخاف نسكره ... وانت برا

قل للبشوت اللي تطارق عفنها ما شِيّخت روس الطحاطيح بقماش النقوة اللي يقطر الطيب منها والجوع بكبود المساكين معتاش والندّر اللي ما تزحزح صحنها عليه جزلات الحواشي والادباش واللي مكافيخ النشامى فتنها ما همّها لو يلبس البشت خفّاش

الحمدلله الذي بنعمته تتم الصالحات تم بحمدالله " عقد قرآنـي " مصبح علي العاصي سائلاً المولىٰ عز وجل لي ولكم التوفيق والبركه لما يُحبه ويرضاه #الظفير #السعيد

مايلطمون كمومهن بالأخله سلمٍ لهم مايخدر البيت تخدير يجدع رواقه والعمد يرفعن له ونارٍ عليها والمات المباهير

يا هنوه شمّل للبيوت السفيره وانص الذي تملا يدينه هلاويه هذاك وكبود النشامى مغيره بهّر معاميله….. وشرّع محانيه واليا تكلّف بالليال العسيره واستشمخت بين المقلط صيانيه تغنيه قولة : « كثّر الله خيره » والخير بعيون الشمالي طراقيه

لو نويت أنزع من التحنان.. ساقي أي شي ّ حولي .. يقول إنّي ، يتيم كل ما ادخل بيتنا الكوري .. ألاقي ريح امي ، وصمت (رادوها القديم) #يملا_الجنه_البارده_يايمّه

حنّا سْفرنا تفرش الضيق هلّون وتمدّنا بأكواب حزن وقصايد واحبابنا صاروا .. عليها يقلّون واشواقنا صارت .. عليهم تزايد

مالت عذوق التْمر ياحلوة الجوف وانتي عذوقك ما تهيّا ،،، رطبها واهل المزارع خلت القنو مشنوف بس العروق اللي تحرّاك ..نبها حنّا وفينا … لو يبيعون “بزروف” للحبّة اللي دبسها ،، يحتلبها

لو ضاقت دروبك، وتاهت خطاويك والهم سولف ،والمخاليق صقها والخوف عشعش ليلةٍ في محانيك والعين سلّت حزنها من حدقها افلت حبيس الدمع واسجد لواليك يطيح من روحك .. بقايا رهقها وارفع لخلّاق السموات كفّيك ما صك بيبانه .. لحيٍ طرقها لو تطلب النفس الكريمة تلبّيك وشلون لو تطلب كريم ٍخلقها

من عقبكم ياهل الدلال المفاويح لاح الردا للناس والناس ولْفوه والمجلس اللي كبّروه المفاليح شافوه تجّار الاراضي وهدّوه والباب يصْرد فجّة الصبح ويصيح ويْضيق لا من الطراقي تخطّوه مدري هذاك الباب تلعب به الريح والا ينادي يا هل البيت يا هنوه

﴿ وَ آخِرُ دَعْوَاهُمْ أَن الْحَمْدُ لِلَّهِ رَبِّ الْعَالَمِينَ ﴾ الحمدالله حتى يبلغ الحمد بمنتهاه 🎓

يا طير ، ياللي راحة الريح ترميه ............... تخطّر الزهيّد ، واللي يجيها وان قرّب المشراق يطوي محانيه ........... صبّح مجالسها .. وسلّم عليها اللي لصدّات البخَت سمحة وجيه ........تضحك واحاسيس العَوَز تعتريها وان مرّها المحتاج همّه يقدّيه ........ اعطت مع اللي في يديها يديها

سيّر علينا الغيم يامعشّي الغيم مر .. وتنحنح .. واستشك بمردّك واصْفَن،ولجلج فوقنا،واقعد النيم وارخى القراح اللي يشابه لمدّك كنّه على جدْع الهتون المراديم ينخى التراب اللي يضمّك .. يردّك #يملا_الجنة_الباردة_يايمّه

الطيب ضلعٍ عالياتٍ ركونه عفن الشوارب ينخثع دون مرقاه والعيب ينزل في طوارف شطونه ولد الردي يزها بمثله وشرواه سلطان الحبيّشي ✏️ #من_قديمي

عن لجّة الحدْب الرهاف الخوالي ومسامر السالين ومقاصر الضي البارحة - بيني وبين انعزالي هللّون .. ليّمت التباريح والغي عاتبتني والليل صدره شمالي بس التعب لاهو شمالي ولا شيّ