تمر الليالي بين يمكن ، لعل و ليت وأنا أدري تبادلني الغلا وأتّمناني يا كم مرةٍ جيت أعترف لك لكنْ أزريت ذبحني شعوري و الحيا يربط لساني بنيت بضميري لك مكانة و قدر و بيت ولك الله ما فوقك بالغلا غير شيباني أنا جيتك بقلبي وحيّاك كانك جيت ولا عندي أغلى من شعوري و وجداني

يوم شفتك .. للثقل والكبر والهجران ناوي ما دريت ان عزّتي محدٍ من العالم شراها ! والله ان تبطي عظم وتموت ما جيتك رجاوي والمحبه اعتبرها ميته .. والله يجبر لي عزاها

ماني معاتبك على شي تبيه عسى تلقى فاللي تبيه راحتك

أستحيت من المشاريه ومعاتب جفاك واقتنعت ان الغلا مايجي عرض وطلب َٰ قلت اصد بـ كل حبي وتعظيمة غلاك قبل اصّد بـ قلب عايف وحالٍ منقلب

تعدتك شرهاتي وجاك الهجر بسكات وانا ما استشير بكلمتي وانت خابرني

قلبك اللي دوّر لقلبي بديل ضيّع القبله وهو وسط الحرم .

تغانم الوصل .. لان البعد لا بده يأتيك في يوم ثم ياخذك بـ أدراجه غالي وتبخل علي وتطول الصده الله يسامح غلاك و يلعن الحاجه .

القلب يجبرني عليك انت بالذات ولا العرب واجد وغيرك مزايين .

ضُمني ضمّة المبطي عن المبطي اللي له ايام .. ينتظرك ولا جيييته.

ابعدت نفسي عنك حشمه وتقدير لجل الغلا يبقى مثل منت خابر .

اساير الحظ ولا اساير احلامي الحظ مكتوف والاحلام مكتوفه احيان باب الفرج ينسد قدامي واحيان يفتح بوجهي بس ماشوفه .

لو ينشرى قربـك شريناه بالروح لجل الغلا تفداك كل المخاسير ..

لو كل مايطري على البال ينقال قلنا جميع اللي نبي ما استحينا « لاكنّنا عقّال وعيال عقّال » يحسب لنا مثل مايحسب علينا ..

عرفتك صدفهٍ بيوم من بين الأغراب وغديت بكل يومٍ أدور عنك وأحاتي قربت منك وقلبي من الحب مرتاب بسبّه بقايا شين التجارب بذكرياتي لكني فتحت للمحبّه بصدري الباب ولقيت فيك جميع اوصافي و رغباتي أقول إنّي ما أحبك وأنا والله كذّاب ياشلون ما أحبك و أنت كل حاجاتي🤍..!

جيتك ولو اني معك ماتوفقت ولا قضيت الحاجه اللي تبيها حقك علي لكن تراني تصلفقت من الليالي حسبي الله عليها حتى الصلاه اللي ماهي ماخذه وقت قبل لا اقصر فيك قصرت فيها

البارحة ضقت وأثر البارحه غبره مدري بكى حلم ولا ضاعت أخباري .

ياما تحملنّا الخطا لأجل ترضون وأصبح خطانا يوم ندمح خطاكم !

نشرب على فرقى المقفين فنجال « من عافنا عفناه واكرمكم الله » .

الصبر زين وعزت النفس تغنيك عن منة العربان قاصي وداني أن ماعطاك الله فلا احدً بمعطيك أقنع بمقسومك ترى العمر فاني .

حنا كذا : صافين دايم ووافين ماعندنا في الناس نية : خباثه اصحابنا سبعين مدري ثمانين والصادقين اثنين مدري | ثلاثه .