الطيب والمرجله والـسيره العطـره والـنـيـه اللـي تـيّـسـر درب راعيهـا يحظابها واحداً دايم على الفطـره دايم فعول الكرم والطيب حاويها رجلً من الحقد مافي قلبه القطره صافـي مع الناس قاصيها ودانيها الا هـل الكـذب والـنمـات والبطـره ثـلاثـه أصنـاف لايـمكـن يـدانـيهـا #شريف_العضياني

نطرد ورى حلم العمر عدة اعوام وليا تحـقـق حلـم نطـمـح زيـاده ولولا الصبر طول الليالي والايام وعـزمً يصاحبه الشغـف والاراده ماكـان حققـنا الامـاني والاحلام وذقنا معه طعم الفرح والسعاده #شريف_العضياني

يارب ترحمنا ليا حـان الـوعـد يوم النشـور في سـاعـةً ماينفـع الانـسـان مالـه وولـده واجعل لنا في جنتك منزال والذنب مغفور يالواحد اللـي كل خلق الله تحت دبرة يـده صـوادف الايام ماتـرحم طـويليـن الشبـور كم واحداً تبكيه الاعيّن وسط قبره ولحـده #شريف_العضياني

نبعد عن زحام المخاليق وانغيب والبعد بعض احيان للـراس راحه يبعدك عن كثر الحكي والاكاذيب وبينك وبين الناس يعطي مساحه لـو ان بعض البعد مابه مكاسيب لكن فيه الصـدر يلقـى انشـراحه #شريف_العضياني

﷽ ِ ﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آَمَنُوا صَلُّوا عَلَيْهِ وَسَلِّمُوا تَسْلِيمًا ﴾ ﷺ آللّهُمَّ صّلِ وسَلّمْ عَلۓِ سَيّدنَآ مُحَمد.

احرص على حسن العمل والخلق لن تأخذ معك سوى عملك ولن تترك الا أخلاقك وسمعتك

شريف العضياني تركي نهار القاضي صح بدنك شاعرنا الكبير ومنك نتعلم ونستفيد

شريف العضياني الله الله ما أجمل هذة الأبيات صح لسانك

نبحث عن ارزاقنا والرزق عند اللي يرزق عباده بـ غير اعِداد وحسابي ياللـه بـ رزقً حلال ويشمـل الكـلّي يالـواحد اللـي ماخيب كـل طلابي لـو ان رزق الفتى مكتوب بـ الملّي والعبد ماله عن المكتوب مجنابي #شريف_العضياني

شريف العضياني صح الله بدنك يابو طارق لاعدمت تواجدك والابداع يكتمل بحضورك يالمحزم

شريف العضياني الله يبارك فيك ويسلمك وشكراً

شريف العضياني تسلم شاعرنا الكبير اخونا / شريف العضياني

ليلة البارحة في مركز مران التقيت اهل الاشده الرباعين في ضيافة راعي الشداد الشيخ نايف بن هداج بن ربيعان .. شكرا يابو تركي على حفاوة الاستقبال وكرم الضيافه واصلح الله لك النية والذريه نايف هداج بندر بن ربيعان #مجلس_الهيلا_بالمدينة

شريف العضياني بن مريزيق ( ابو عتيبه ) ونعم بحالك ولاعليك زود

شريف العضياني نايف هداج بندر بن ربيعان ولا عليك زود وكفوك الطيب يابو طارق

لو يعلم الانسان عن غيب الايام ويعرف وش تخب الليالي وراها ماعاش بالدنيا على طرد الاحلام واطلق عنان النفس تتبع هواها قضى حياته في صلـوات وصيام وارتاح مـن هـم الحياه وشقاها #شريف_العضياني

شريف العضياني ياسلام درر حروف من ذهب صح لسانك مدد بلا عدد ابو طارق

شريف العضياني الله يصح بدنك ياشريف ويطول عمرك

لا تُلحـق الـدنيا كـثيـر التحاسيـف لـو يلحقـك منهـا كـثير الخـلافـي ايامنا ماهـي بـ دايم علـى الكيـف واعمـارنا ماهـي بـ دايـم عـوافـي قدامنا سـود اللـيـال الشـواحيـف لاعت قلوب اهل القلوب النظافي وخلـت هقـاويهـم تعـوّد مناكـيـف وقلـوبهم عقـب القساوه سخافـي #شريف_العضياني