#بوح_آخر_الليل

قلبي معك لو تشوف ان خاطري متعب ودي اشوفك بخير ولا انت متألّم وعندي شعور وهوى واحساس مايكذب بسلّمك ريشة الرسّام والمرسم تعبت اداري خواطر مالها مذهب وتعبت من قلب لا يقرا ولا يفهم #بوح_آخر_الليل

طيب وغلا ولّا سواليف وعلوم ولّا ثقه بالنفس ولّا تغلِّي ولّا انا لي قلب صدّق وموهوم اتبع ظلاله واثري الظل ظلّي واللي مريّح خاطري ولا اسمع اللوم انّي احبّه وادري انّه مولّي #بوح_آخر_الليل

صدفتك بلا موعد وجابك صدى بوحي ولا كنت متعبني ولا انت اكبر همومي وش اللي حصل يامشغلٍِ قلبي وروحي وش العلم لا من جيتني ضاعت علومي تخاوى غلاك وضيقة البال وجروحي اتقّي نهاري عنك والقاك بحلومي #بوح_آخر_الليل

مهما حصل مابيننا صد وعتاب تفدى عيوني لاتباكت عيونك ولويقفل ابواب الزمن دونك الباب قلبي معك لو ياقف الكون دونك كنّا ومازلنا قريبين واحباب بس المعاند..والبقى في ظنونك #بوح_آخر_الليل

ودّي مثل مااخطيت ينسى خطايه ودّي وداع بلا خطايا ولا ذنوب ادري مااحد محتاج منّي عطايه محتاج ابيّض صفحتي قبل ماتوب هاذا سبب صبري وطولة بطايه والطّيب مكسب..فيه غالب ومغلوب #بوح_آخر_الليل

بعض التمسّك بالمقفّي ندامه تلحق ضماك ومورد الما قريّب وبعض الوفا زرعٍ بطعس العدامه تسقيه لاكن هقوتك به تخيّب #بوح_آخر_الليل

ياطيّب القلب لاتاخذ على النيّه ماكل من قال احبك دوم يسعدنا مادام جرحك برى فجروحنا نَيّه حتى على ضيقة الخاطر تعوّدنا #بوح_آخر_الليل

حمّلتني من خطايا الكون مايكفي لا الذنب ذنبي ولا التدبير تدبيري والوقت ياشيخة الخفرات مايصفي وانته تجاوزتني وارتحت مع غيري #بوح_آخر_الليل

ذا موعدي لامن دنى هاجس الليل وغابت نجوم الليل واطفى سراجه والذّكريات من العنا والغرابيل والصبح مالك باكثر الخلق حاجه #بوح_آخر_الليل

قالت على هونك تركّد ولا باس قلبي منيع وصعب تاصل حدودي قلت العفو يابنت من عرض هالناس لافيْ زود وطيبتي من جدودي صحيح من بعدك سكن قلبي الياس وناديت لين ازريت وانسم عودي وليلي بعد فرقاك هوجاس وعماس لكن غيابك مايهدد وجودي #بوح_آخر_الليل

لاتنتظر جيَة تباشير الافراح بيدك تعاسير الحياهُ وسَعدها اترك همومك بِيِد فلاق الاصباح والذكريات اللي تونّسك عِدْهَا ترى الأمل بالجاي ماهو بماراح عيش اجمل ايّامك وودّع نكدها #بوح_آخر_الليل

ماهمّني بعدك من الناس مخلوق ولامن يبكّيني ولا من بكاني احن لك واسهر مع داعي الشوق باقي على العشره وهاذا مكاني #بوح_آخر_الليل

لاتعتبي..كل الحروف معانده والشوق اكبر من تواصيف الحروف انتي حقيقة من مشاعر كايده لاتخطر ببالك ولا عينك تشوف حاولت اكابر بس مامن فايده حالة تردّي بين شوق وبين خوف #بوح_آخر_الليل

اليوم لاشكوى ولا باقي عتاب كانت أماني والأماني خيالات كانت خطا وبعض الخطا ماله اسباب وتقدير ماله اسم غير احتمالات كنت اجمع اوهامي على صيغة احباب وبيني وبين العشق ليل ومسافات #بوح_آخر_الليل

من شافني غبت لاينشد عن اخباري مامن جديد بحياتي غير توديعه الصبح من عادته يحمد به السّاري وانا مساري طويل وآخره ضيعه #بوح_آخر_الليل

مرّت على قلبي طواريق ولحون واجمل طواريق الليالي مساريه الشوق يبقى والخلايق يروحون ويفز قلبي لا دعى الليل طاريه #بوح_آخر_الليل

في بعض الايّام لامن شفتني تزعل كنّي صويب الغرام وسيّد السّاحه وفي بعض الايّام كل من شافني يذهل هاذا وش اللي بلاه بقلّة الراحه انا على ماتبي لو خاطرك تسأل يمكن عطاني علاء الدين مصباحه #بوح_آخر_الليل