عزّت علي نفسي ولاني بملزوم أقربك من بعد ما رحت عني إلى متى في دربك أطيح و أقوم و أجيك متعني و أرد متعني ليه اتأمل و أنتظر وصل معدوم وليه أتمنى وش يفيد التمني لو إني أدري وش ورا الغيم مقسوم ما كان حبيتك ولا خاب ظني

لو الغلا ينشاف في عين مخلوق كان العرب شافوك في وسط عيني

جبرتني أبتعد عنك وأنا مانويت خليتني أقسى عليك وأنا أحبك

عمر الورد ماقال محتاج للماي اما تسقيه ولا يموت بكرامه

الله عطاك الشعور الغـايب المستريح وانا عطاني: الشعور الخايف المنتظر

ياللي تراقبني وفي خاطرك بوح بادر بوصلك ٠٠ وانا باجيك كلي ان رحت مني كيف من ربك تروح حاسب ضميرك وان تبي شي قلي

آيه اعترف اني معك حيل حساس اضيق لو ماقلت لي : كيف حالك كريم !! لكنّك ؟ معي ابخل الناس ف شوفتك ف مواصلك فاتصالك

قويّ العزايم مايهمّه كلام الناس يسوق الطموح لغايته .. لين يدركها

الصُدفة اللي جابتك.. والا القدر ؟ مدري.. ولكنّ المشاعر حيّتك القلب شرّع لك غلاه وما استخر لين استراحت مُهجتي في فيّتك دايم تبشّر بالمطر .. وأنتِ المطر اللي يربّع خاطري من جيّتك

حديتني للبُعد ماكنت ناويه خيرتني مابين عزي وذلي انت الوحيد اللي انا كنت أغليه وأخذتها حجه عناد وتغلي قلب مليته بالتعب وين أوديه؟ ابغاك مره تحط نفسك محلي أنا تعبت أشيل حُبك وترميه وشلون هاين تجرحه وأنت خلي خليتني في وقت محتاجلك فيه هذا وانا اللي كنت اسميك ضلي

كثر الله خيرك ياقليل الكلام ليت طبعك مثل وجهك رضّي وسموح المحبه ثلاث ارباعها اهتمام وانت لا جيتني ماهمّك الا تروح لابحالة رضا ولابحالة خصام ولا انت اللي كتمت ولا انت اللي تبوح

العقل نعمه و السوالف لها ساس و الشخص يوزن كلمته لا نطقها

يقولون وش حالك وانا اقول حالي زين لو ان البلآ في داخل الجوف متمكن

عسى السعد ياقبلة الجيل يغشاك وعسى الفرح دربٍ تظمه خطاويك

شجاع لكن ما تبرى من الخوف راعتني الدنيا بشتى الوسايل اللي حياته كلها ظروف بـ ظروف يخاف حتى من ظروف الرسايل

يميّز الانسان .. عقله وثقله وانا بعمري ماتصنعت ثقلي اخاطب الجاهل على قد عقله واخاطب العاقل على قد عقلي

واحدٍ من كثر م الله مالحٍ منطوقه ودك تسولف معه ولا تذوق العيشه

الصراحة يقدٌسها الضمير النظيف والمنافق يحط العيب قبل الحرام

انفوسنا رغم الخطا تحسن الظن و اوجيهنا لو كشر الوقت سمحه

سكرت انا باب العتب والنقاشات ماعاد لي خاطر افتش وابرر كثر العتب شوّه جميل العلاقات خل النوايا البيض عنك تقرر