اوقات بحس اني فاهم حالة سيدنا موسى لما وصفها وقال "وَيَضِيقُ صَدْرِي وَلَا يَنطَلِقُ لِسَانِي" ربنا يلطف بعباده ويتولانا برحمته

عيني بتدمع من الهوا والشمس وعدم تحقيق الاحلام رغم بساطتها

لربَّما تأتي المسرةُ.. بغتةً! وتُراك تنسى كلَّ أيام الألم.

ساعات ببقى في المواصلات وبنبهر من فكرة أن كل الشقق دي فيها ناس، كل العربيات، كل المحلات فيه ناس رايحة وجاية وراها مشاوير، وحاجات سعيدة وحاجات حزينة وناس حياتها هتتغير انهاردة بس لسا متعرفش وناس انهاردة أخر يوم في حياتها، وممكن يكون أنا دماغي بتسيح تحت وطأة كبر العالم وبتفصل بس

وددتُ لو أنّ سَكنِي هُنَاك..

الحقيقة أن أفضل مستحضر تجميلي للإشراق والروعة والبريق هو أن الواحد ما يكونش مكتئب وحزين وعايز ربنا ياخده بشكل يومي.

الموضوع محزن جداً بس انا مبقيتش برتاح في الكلام مع معظم صحابي و بقيت ساعات بندم لما بحكيلهم اي حاجة حتي لو تافهة

شعور مش مفهوم بس حاسة ان مليش مكان وسط اي حاجه

يا ربّ يا وهاب هب لي بيت جميل زي ده يكون مليان دفا وسكينه وبركة وحب، ويكون آمن لكل شخص يدخله ويساع كل الحبايب.

يارب لما اتجوز يبقا بيعرف يحكي حواديت انا بحب اللت والعجن اوي

ضاعت على خطيبي آخر فرصة أنه يشاركني في لحظاتي المهمة ملكش لازمة بقى متجيش احسنلك

فيه حاجات عاوزين نجربها قبل م نموت

﴿ قَدْ أُوتِيتَ سُؤْلَكَ ﴾

ماشية أبطء ولوحدي اللهم أجرني في مصيبتي

الجو مش طبيعي الرطوبة فاضلها درجتين و تخش طب

حاسه الحياه بعد التخرج كإنك كنت ماشي كده ف مهرجان الجونه ع الريد كاربت بمنتهى الشياكه والرونقه وقبل ما توصل تستلم جايزتك حد شد السجاده من تحت رجلك والمفروض تقوم وتكمل عادي ..

في حاجة معينة كانت حصلت في حياتي عدى عليها فترة طويلة ولسه بزعل لما بفتكرها وبحس بنفس الاحساس اللي حسيته وقتها رغم ان حياتي وشخصيتي وكل حاجة فيا اتغيرت، بس بتجيلي نوبات حزن مفاجأة بسببها