الدنيا قاسيه جدا حقيقي

الله يرحمك يا ادهم

الجو صعب اوي والشبابيك بتتفتح من شده الهوا والدنيا كلها متغرقه مايه اللهم لا تهلكنا بعذابك ربنا يستر

النهارده كان يوم لذيذ خرجت مع صاحبه ابتدائي اللي بحبها جدا فبجد اللي هو كده 🥰🥰🥰🥰🥰

حلو اوي شعور انك لما تحط حاجه ف دماغك بتجيبها وان ربنا فعلا لما بتأمن انه بيحبك وهيديلك اللي انت عايزه فعلا هتلاقيه بجد حسن الظن بالله و الثقه ف نفسك مهمه اوي كنت واثقه الترم ده ف نفسي بصراحه وكنت مستنيه التقدير ده والحمدلله جبته لما حطيته هدف ❤️

بجد عشوائيات الصيدليه دي ضحك

في واحده دخلتي النهارده ف بتقولي عندي شرقه بس بجد أنا سمعتها شهقه ف اللي معايا بيسأل فقولت عندها شهقه فضلت تضحك وتقولي لا دي بتاعت الملوخيه دي كويسه وبجد فضلت تضحك كتير المهم أنها قالت إنها هتبقي تجيلنا كتير علشان حبت الصيدليه وعلشان ضحكتها ..

يا ربّ ما أتجوز واحد يكسفني قصاد حد أو حتى بينا وبين بعض ويكون بيخاف على خاطري ويهمه زعلي يا رب ما أتجوز واحد يقلل مني ومن كُل حاجة بعملها.. يا رب أتجوز واحد سوي نفسيًّا؛ علشان الواحد بقى يشوف حاجات عجيبة الأيام دي

بقالي كتير اوي بحاول أتغلب ع الخوف اللي بيبقي جوايا دايما بس بسبب الحوادث اللي بتحصل ف الدنيا حوالينا أنا من جوايا قلبي بيتأثر بسهوله يعني بجد ممكن حد يهزر معايا انه يستخبي ويخضني مثلا دي حقيقي بجد كنت هموت فيها من كتر ما قلبي وجعني

عزيزي الإنسان مدمن القهوه و المنبهات وعايش stressful life بص كده على ايدك . بص كويس . شوفت الرعشه بس كده

عارف لما تخسر الجهاد مع نفسك الفرصه ال ١٠١

أنا ممكن مبعتش لحد من أصحابي اسأل عليهم بس بجد أنا بحبهم ودايما بفتكرهم وابقي عايزه أطمن عليهم بس أنا مش قادره حقيقي وحتي اللي بيبعتلي أنا مش تنكه ولا بحب ارد متأخر أنا مش قادره ارد طاقتي صفر ممكن ادخل اعمل ريبوستات بس ان ارد يبقي تقيل عليا يارب اطلع من ده

احتضن استجابه الدعوه اللي بدعيها كل يوم وليله