____________________________ بالغ بْـ حبّك وسوّ المستحيل .. غلّف قليبك هديه وجيبه لي قول احبّك كلّ صبح وكلّ ليل .. وان زعلت اشوي جيب القمره لي #سعود_الميعان _____________________________

مجبور اكذب واخبّي الصدق عالغالي .. مابيه يزعل ويتضايق على حالي .. ويعرف اني انكسرت وينكسر وياي .. مابي ازوّد همومه همّ غربالي ___ ادري يحاتي حبيبي واعرف أسلوبه .. طيّب وقلبه علي مافيه عذروبه .. يشوف فيني الفرح وأيامه الحلوه .. مابي يشوف الحزن في قلب محبوبه #سعود_الميعان

_______________________________ عشانك .. يهون اللي أعيشه من جنانك .. ولو زوّدْتَها تبقى حبيبي .. وقلبي دوم لك يبقى مكانك كبير بْـ عين محبوبك ولا تصغَر .. حبيبي يحق لك تنغَر .. وتطغى في زمانك #سعود_الميعان ———————————————

__________ ان كنت ناوي تزعل ازعل ولٰكن .. خل الزعل دايم على شيّ يسوى ودّي يكون اليوم هادي وساكن .. ما ودّي انه انعيش كل يوم بلوى كل مازعلت الكون مظلم وداكن .. ماشفت منّك فرحتي تخطي خطوه يا ليت زعلك فيك ماله أماكن .. كانت حياتي غير والدنيا حلوه #سعود_الميعان __________

الموت ما يعرف حبايب وغالين .. ياخذ اعز الناس واتعيش دونه من تفقد اللي كنت في قربه سنين .. ماتلقى غير القلب طاغي شجونه واحد ولا غيره و يسوى ملايين .. ان راح تنسى طعم فرحك ولونه طول العمر تبقى لذكراك سجّين .. ما ودّك إلا بس شوفة عيونه #سعود_الميعان

العمر كل ما تقدم زدتي ياعمري حلاة .. تصغرين بعيني وشكلك يبيّن بالتعش لا حلاة إلا حلاتك شوفتك نبض الحياة .. كلّ ما شافتك عيني قلبي بالفرحه انتعش #سعود_الميعان

مالي غير الله ربي .. اللي يعلم باللي تخفيه الصدور دمعي قال اللي بقلبي .. والحزن واضح على بعض السطور #سعود_الميعان

ظنيت انك شخص ما مثله احد .. واني معك ببقى بعمري مستريح وعدْتني توفي وماشفت الوعد .. ماغير قلبي اللي في قربك جريح كل ما اعدي لك تزوّدها بعد .. ماشفت منّك كلمه حلوه او مديح كنت اعتقد تبقى حبيبي للأبد .. ما كنت هاقي انه من عيني تطيح #سعود_الميعان

ما فهم .. لا احساسيس ومشاعر ، كني عاشق لي صنم .. ياما قلت اني احبه .. واني مابي غير قربه .. ما نطق ماقال كلمه ، ما تكَلّف و ابتسم .. ما فهم .. يوم ألمّح في كلامي .. يوم أعطي له اهتمامي .. جيت متعَشّم ولٰكن ماخذيت إلا الألم #سعود_الميعان

ما ورا النظرات هذي إلا إعجابي .. ابتديها ببتسامه؟!.. ولا باحبّك ؟ ! ! ما ابيك إلا اهتمامي وأهلي وأحبابي .. والفرح ما صرت أشوفه إلا في قربك #سعود_الميعان

________________ بالواقع أجمل مابي منّك صوره .. خلني بجنبك دوم يا أحلاهم الروح في شوفك ترى مسروره .. وان كنت قربك الهموم أنساهم العين غيرك ما ترا معذوره .. وحدك بعيني اللي بس تسواهم واللي زعل مني وطلع عن طوره .. خله على وضعه نبي فرقاهم #سعود_الميعان __________________

مديت لك القلبّ في يمناي .. مابى سوى القربّ من زينك خلّيت كلّ الناس في دنياي .. جيتك وتارك نبضه بيدينك #سعود_الميعان

لايمكن اني اعيش اليوم من دونك .. لابد اشوفك واسأل عنّك شلونك .. القرب منّك بعيني يسوى الدنيا .. والفرحه ألقاها دوم بشوفة عيونك #سعود_الميعان

—————————— ابتسم ان شفت عينك وألقى كلّ الفرح فيها .. شفتك وصارت حياتي احلى من ماكنت ابيها .. والمحبه وسط قلبي تكبر بْـ شوفة عيونك .. ربي يحفظ لي عيونك ما أخاف إلا عليها #سعود_الميعان _____________________

قفلت باب الجمال اللي يجي بعدك .. خليت عيني تشوف الكل شي عادي صارت عيوني ونظرها بس لك وحدك .. الناس حولي وغيرك ما ابي مرادي #سعود_الميعان.

ادري ان الغلطه هذي ماهي الاولى .. راح تكرر مع الايام ادري فاهم وعارف كلامك من تقوله .. كلمة آسف دوم اسمعها وتطري هذا طبعك ما تغيّر في ميوله .. لا جديد الا الجروح بْـ وسط صدري والله انه الهم فيني يكفي دوله .. لي متى تجرح وتتمتع بكسري #سعود_الميعان

سنه مرت ،على فرقى اعز الناس سنه وانا احس بْـ ضيق بالانفاس اجل وشلون عمري الجاي من بعده؟ سنه مرت ، وكنت احتاج وقفاته سنه والفرح مدري عن محطاته سنه والقلب فاقد اغلى ماعنده يجي دايم على بالي وامنيتي.. اشوفه واقف اقبالي واسولف له عن الايام من دونه واسأل عنه واشلونه عساك بخير ياغالي؟

ابستم ، خلك طبيعي مهما كانت الظروف .. صير اقوى من ظروفك لا يزعزعـْـك اي خوف .. خلّ كل شي عادي عندك دوّر افراحك وشوف .. شوف وين الفرح صاير سلط اضواءك عليه #سعود_الميعان

شفتك وقلت هذا كامل الزين اصلي.. ماهو تقليد منهم منفرد في جمالك جيت بالحب اركض فاتح ابواب وصلي.. ما ابي غير اني ألقى منّك وصالك صرت ادعي لقربك لمه اسجد وصلّي.. صرت ما اشوف غيرك والله مابي بدالك امنية قلبي صارت انك انت اتحصلي.. حالف اليوم انه ينتهي بتّصالك #سعود_الميعان