،، ياعين هذا الليل ياطول مسراه تمشي تفاصيله شويّه .. شويّه ويمر .. قدامي شريطه وذكراه اللي وراه جروح الاشواق .. حيّة ماغير اغني وارفع الصوت وابغاه يرسل جوابه .. للدموع النديّة ( ياليل خبرني عن امر المعاناة هي من صميم الذات والا اجنبية ؟ ) #رائد #شعر

،، انا اشهد ان الله بجوده غمرنا خلاك تعطينا عن الكون ، صورة من كثر ماوجهك يشابه قمرنا صرنا .. نضيّع بين نورك و نوره #شعر

،، نافذة اخرى فيها الكثير .. #سناب snapchat.com/t/YCH5v76e

،، #صباح_الخير صباح الاربعاء وثم : ،، صحوّه .. نبغى الصباح يغني الحانه وجهه .. يبث الحياة .. ويطلع ويفرق من يوم جفنه غفى ، والشمس زعلانه يدفهّا الليل تشرق .. ( ماتبي تشرق ) #رائد #شعر

،، اخاف من يومً يجي فيه طاريه واصدّ .. صدة واحدً مايحبّه ،، #شعر

،، يا طير غادر .. سماء الخلْق الليل بصدورهم .. سوّد مافيك حيلة ، ولا لك خلْق والموج عالي .. ولا هوّد والعبرة اللي تسدّ الحلق ؟ يدفّها الريق .. وتعوّد وان ضاق فيك الهواء الطلق ؟ بكره على الضيق .. تتعوّد #رائد #شعر

،، مايدري اني كان قفيت .. قفيت 🚶 #رائد #شعر

،، حلّ الظلام ، و روّحت ضحكة النور واذن إمام الحزن فيني .. وكبّر ليلً حزين .. وفيه دمعة وديجور وفوقي هموم الارض هذي .. تزبّر ،،

،، يارب .. الايام ( تتعبني و تمرضني ) كل الغرابيل وسط القلب .. جابتها ولا فيه غيرك عن ايامي .. يعوضني بالفرحة اللي صميم القلب منبتها #رائد

،، وش عاد لو جاك اول الليل ثم راح ؟ الموت لا جالك من .. الليل تالي يفتح عليك احزان ، ويسكر افراح والحزن موجه داخل القلب ، عالي لا تحسب اني خالي الهم ، ياصاح ياليت صدري من لياليه .. خالي مانيب مستنانس ولا نيب مرتاح ولا نيب متذكّر .. ولانيب سالي محتاج لي ضد الزمن قلب ، وسلاح

،، ( طبّ و تخيّر ) 🤍 #رائد

،، ان مات صوت الشعور اللي .. ينادينا ما مات صوت الشعور اللي على بالي ،، #رائد

،، لحظة ، ذكرتي هالمكان وهاليدين والطايرة ، وانتي .. ودِبلتنا .. وانا ؟ قد قلتلك ( وانا معك ) .. لا تشتكين مايلحقك من جاير الدنيا .. عنا والحين ، شوفيني بعد كل السنين كلش تغيّر .. بس انا .. باقي ( هنا ) #رائد #شعر

،، ماكنت متوقع اني .. ( تالي سنيني ) يضحك بوجهي زمانً ، شيّب وشحّب مرّت على القلب ، مامرّت على عيني حتى انها فيه ( تتمشّى و تتسحّب ) قالت احبك ، ما تدري عن شراييني فيها المشاعر تهلّي شوق .. وترحّب #رائد #شعر

،، المجد يولد من بطون المعاناة وش يمنع بطون المعاناة .. عنّا ؟ #رائد #شعر

،، شعور : معها .. ترا مافيه همّ .. وكآبة كنّ الليال بقربها .. ( مستقرّة ) لو شحّت الدنيا .. تصير السحابة ولو صدّت النجمة ؟ تصير المجرّة وان كان جانا ضيق ؟ جتنا رحابه وان كان جانا حزن ؟ جتنا مسرّة في وصفها تعجز حروف الكتابه هي اكبر من الحرف ( مليون مرّة ) #رائد #شعر

لاجبت لك فكرة جديده ببيتين تراك جبت الحاجة المستحيلة حنا ترا في الفين خمسة وعشرين الناس ما تبغى .. قصايد طويلة #بقلمي #صباح_الخير

ماهوب من ادم #سنابات

،، بعض العرب .. ودك ان الوقت يزهابه في كل ليلة تشوف ان الفرح عبدك وبعض العرب ودّك ان الوقت ماجابه يجلس على قلبك ، ويمشي على كبدك #رائد #شعر