مايضيق خاطر العاشق ولا يجرح ضميره غير لامنه ضحك ودموع عينه فوق خده —سيف بن جرمان . ملكني غرامك لين صرت أملك أستعداد أناصر ضحايا الحب وافهم مجانينه - عويد النجود كل طيحه ما تجي مثل مطيحي في يدينه ودي إنها طيحةٍ / لا طحتها ماقمت منها - محمد بن ظافر

تبخل بـ صح الله لسانك ولا فض فوك واكتفي بالنظره اللي ذبحني خوفها انصف بيوت القصيدة دخيل امك وابوك كل ماشيخت طاريك بين حروفها لك قلاده فـ المرايه وصورة وسط بوك كل ماحاسب على الطيبين اشوفها ليلةٍ جابتك من غرب واحلامي بروك والله ان اموت ماسج عن معروفها

عز الله إني ظلمت إسمي .. وميقافي وأخطيت في حق نفسي والخطا وأرد هقيت فيك الهقاوي وأنت ؟ ياكافي ما أبرد من أعذارك .. إلا وجهك البارد

على جلستي هذي .. متكي ثلاث ليال هواجيس صدري تفتح الثوب وتزره وانا الشاعر اللي مانسى دوره الفعّال لا غاص بمحيطات الدرر جاك بالدره ولاجاء يرتجل ويشيل بيته على الموال لقاء في خياله .. ( مكرفونات مغتره ) مزاج القريحه لا استواله على التمثال اخذ شرّد بيوت القصايد .. على غره

بابٍ من ابواب الجحيم وفتحناه ما ينتسكر ،،،،، تو وجه الخطيه خصيمنا من ساعر النار نصلاه مانبتسم له بالوجيه الرضيه

دق الجرس يا نايم اصحى من النوم خصيمنا ماتشرب النوم عينه حنا خصوم اللي يدور له خصوم يالين نقسمها على حاجبينه

مقصدك لو دونه تطيح مره مرتين انتهض والرجل لا قام يبلغ مقصده لا تعلق فـ الجباه وتعلق فـ اليدين ودك الرجال ما يظهر الا من يده

ترا المراجل قلب ، وذراع ، وعزوم نستثني ( اشباه الرياجيل ) منها تباّعة المقفي ، وكرارّة النوم ذي تسقط فروض الرياجيل عنها

تعبت اشل السيف واشد الحزام في معركه ما ينعرف صنديدها

اطلع وانا غايب من الغايبين الحضور ما اطلع وانا حاضر من الحاضرين الغياب لا تتهموني بفرط الكبرياء والغرور لو ماني بذيب كان اكلو عشاي الذياب لحدٍ يعاتبني اليا صار قلبي جسور عاتبت نفسي كثير الين عفت العتاب

انا يا صاحبي ماني ذليل ولا سليل ضعوف لذا لا تستهين برجعتي لك وأحسب احسابي اصد عْن الوله يومه ينادي. صدة الملهوف وارفرف لك غلى في هجرتي واخالف اسرابي

طبعي أجنّب عن الأوادم وأصد لاشفت ما لا يستحق إهتمامي في ذمتي ماهوب معجزني الرد أنا أعتبر صمتي جزءٍ من كلامي لكن عندي كل حاجة لها حدّ قبل توصل هيبتي وإحترامي صدّي عن اللي ما يبادلني الود شيمة لنفسي واحترام لمقامي

انا بدويً على الفطره ورجلً صريح احب وضح النقى واصحاب وضح النقى حتى عدوي ماحب اشوفه وهو يطيح اجل رفيقي لامنه طاح ويش تهقى ؟

والله ماتلقى علينا لاحما الماقف طريق حنا مافينا ضعيفٍ ينشب لسانه فـ الجما نقدر نهدر دما الخصوم ونشعل الساحه حريق مثل مانقدر نعتق الارقاب ونحقن الدما لكن تشيمنا تشيام الرفيق من الرفيق من كل راس لاحتمت روس النشاما ماحما

الكلمة الي ترهب الخايف ويدراها الشجاع اقولها والعين ما ترمش على روس البرا اقلط مقاليط ما يقدرها الرعاع ابن الرعاع والي تقدم لـ الامام يجيه حذفٍ من ورا انحت مضاريب القصيد الي توقع فالنخاع لو كان جداني مقادم قوم ما هم ب شعرا

اسرفت في حبك جهر مانيب مثل المستحين اللي يحبك يعتزي ويشوش ويرد البرا مشاعري لك لو توزّع باليسار وباليمين صاروا جميع الناس عشاق ونشامى وشعرا

لا جيت في مجلس فيه الخفيف ثقيل فنجال واحد عن الشكه و خلك عجل تغانم أجر الزياره كان تبغى الحصيل استأذن من الجميع وخصّ راع المحل يبا يقولون تو الناس ما راح ليل قل ادري الليل توه بس عندي شغل وأن لزم الاجودي قل جعل عمرك طويل مريت أسلم عليكم والمشاهد حصل

اليا جفاك الوطن واللي يرودونه دارٍ بدارٍ ،،،، وخلانٍ بخلاني موت الفتى في سرابٍ يطرد دونه اخير من مقعد لك فيه حقراني

ابتسم في وجه الايام ياسمح الجناب لو حياتك من جميع الجهات مهدده لا تـجي عبّاد دنيا ترا الدنيا سـراب اعبد الله و اترك المال لـ اللي يعبده اكتتب في بنك الأمجاد لو فيك اكتئاب لا يغـرك من يقول الحيـاه مـعقـده القوي في كل موضوع يحسب له حساب والضعيّف تأخذ الناس حقه من يده

اللي يسوي خطاء ويقدم الاعتذار ابرك من اللي يجيه العذر ما يقبله