🔴 هذي مشكلة كبيرة يقع فيها بعض ملاك السيارات. يسترخص بمواد البوية عمدًا أو جهلًا! بالنهاية راح تدفع وبتوقف سيارتك فترة طويلة مرة ثانية عشان تصلح المشكلة. ❇️ اعطونا تجاربكم بمواد (بوية ولكر) واعطت نتايج ممتازة وما تغيرت مع الوقت.

🔴 هذي هي الفورد تورس الجديدة استغنوا عن الانوار الامامية المفصولة وتحديث شامل للواجهة واسطبات خلفية جديدة التفاصيل راح يتم الكشف عنها لاحقًا

🔴 وهذي هي الهيونداي فينيو الجديدة بهوية تصميم السنتافيه الجديد وبتكون هوية سيارات هيونداي SUV كلها تجي خيارين محركين بنزين 1.2 لتر توربو و 1.0 لتر توربو القير اوتوماتيك دبل كلتش ٧ سرعات وتجي مكينة ديزل 1.5 توربو قير عادي ست سرعات (ما تنزل عندنا)

🔴 أول ضحايا البرد. راح القطو و كسر علي ريشة المروحة. الله يتوب علينا و انتبهوا منها.

🔴 جودة أردى من كذا ما تلقى! بيجو ٢٠٧ تصنيع مصنع إيران خوردو بترخيص من بيجو. السيارة وقفت انتاجها بيجو من سنوات طويلة والمصنع الايراني لا يزال يصنعها لكن بجودة رديئة جدًا. وطبعا السلامة خذ وخل السبب هو العقوبات الاقتصادية على ايران تجعل استيراد السيارات الحديثة صعب أو مكلف جدًا

🔴 سعره يمكن 30 ريال لكن عطله قد يعدم المكينة! هو بلف تبخير الزيت بالمكينة، كيف تعرف انه عطلان واضرار عطله شرح بسيط ومختصر لك وللزمن. 🔸وظيفته: يأخذ أبخرة الزيت والهواء المضغوط ويعيدها داخل ثلاجة المكينة، يخفف الضغط داخل المكينة ويقلل الانبعاثات ويقلل تشحم الزيت. 🔸أعراض

🔴 ميزة عجيبة في فولكس واجن بنظام Car2X تكتشف مركبات الطوارئ وراك وتخفض صوت المسجل العالي تلقائيًا عشان تسمع الانذار وتفتح الطريق للمركبة. النظام يكشف المركبة اذا خلفك بنطاق ١٠٠ متر.

🔴 إيقاف شركة المتحدة للتأمين التعاوني عن اصدار او تجديد وثائق التأمين. هذي ماهي المرة الاولى. سبق وتم ايقافهم في ٢٠١٦ لنفس الأسباب. عدم معالجة شكاوي العملاء. اللي عنده وثيقة تأمين ضد الغير سارية منهم حاليًا اموره طيبة الايقاف حتى يتم معالجة المشاكل.

🔴 فريق هوندا يتألق من جديد في الأوتو كروس. [خبر] شارك فريق هوندا السعودية لرياضة المحركات (HSMS) في منافسات الجولة الثانية من بطولة السعودية تويوتا "الأوتوكروس"، والتي أُقيمت يومي الجمعة والسبت الموافق 17–18 أكتوبر 2025 في مواقف حلبة كورنيش جدة. وشهدت الجولة تألقاً من جديد

🔴 تويوتا تقدّم سينشوري كعلامة فاخرة مستقلة رسميًا بفلسفة (One of one) الفكرة بحسب "كينيا ناكامورا" كبير المهندسين في تويوتا ان سينشوري يكون شعارها (لا مثيل لها) وتجسّد روح اليابان وتظهر فخرها للعالم لمئة سنة قادمة. ومعها كشفت سيارة نموذجية فاخرة تعبر عن هوية سينشوري

🔴 في حال تعطل السيارة او التغريز بالصحراء كيف تنقذ نفسك؟ اذا مافيه وسيطة اتصال لا تبعد عن سيارتك بغير ضرورة. ❗️حاول تفك المرايا سواء بيدك أو بسكروب وتستخدمها كعاكس للشمس ينشاف من عدة كيلومترات ويجذب الانتباه بالنهار ❗️افتح الكبوت عشان لو احد لمحك من بعيد بيعرف انك متعطل. 🔸

🔴 الصين قد تتخلى عن دعم السيارات الكهرباية. وش صاير؟ بالصين كل شخص يشتري سيارة كهربائية أو هجين بقابس يحصل على إعفاء من ضريبة الاقتناء (١٠٪) من قيمة السيارة. في مسودّة الخطة الخمسيّة للصين فيه بند إيقاف دعم شراء السيارات الكهربائية والهجينة ذات قابس الشحن وخلايا الوقود خلال ٥

🔴 إهمال صيانة وإصلاح بعض الأعطال الضرورية يحوّل تفادي بسيط إلى حادث مكلف جهاز ABS واضح ان فيه مشكلة إما خلل في وزن الفرامل أو لا يعمل.

🔴 خبر رسمي: إلغاء الضمان البنكي على المعارض والوكلاء اللي كانت تُدفع للمرور (٢٠٠ ألف ريال) كان شرط على كل صالة عرض سيارات، و تم إلغاء الشرط اليوم من باب تحفيز سوق السيارات وتخفيف الأعباء عليه والبدء بالتنفيذ قريبًا. {سبق}

🔴 هذي داخلية نيسان ألتيما الجديدة (الفيس لفت) اصدار السوق الصيني تحت اسم (تيانا) داخلية عصرية وأنيقة. والحلو انهم تركوا ازرار التكييف ثابتة.

🔴 تنظيف فلتر مكينة ب٨٠ ريال وسعره جديد بـ٦٠ ريال 😅 تعرضت إحدى الأخوات لعملية نصب من بنشري، نظف لها فلتر المكينة بالهواء ب٨٠ ريال! وهو المفترض بلاش. أتمنى انها تبلغ عليه لأنه بينصب عليها. واتمنى من الاخوات دائمًا تكلم أحد قرايبها وتسأل قبل تدفع حتى لا تقع ضحية ضعاف النفوس.