اباوع بالصور بس انت ماموجود ذكره بقيت وخاطري تكسر اجيت وما لكيتك وين ماوين وعلى وني الحجر كام يتفطر .

السواد الشفته منك صار ع الايام طاغي والاريده وياك صفقه اني اطلع من حياتك وانته اطلع من دماغي ولا يظل بالك عليه اني يمك واحس وحدي ماستغرب من فراغي .

عيش لوحدك محد يموت وياك ولا تلزم دروب المايريدونك تره شما تتعبلهم غيبتك بالريش وحكك حته يمكن ما يفكدونك .

على كلشي اتخيلك يمي وارسماك يباعدني بعد نجمه وره سماك يبعد اسمي كتبت اسمي وره اسمك القصد تجوه وردت تنتجي عليه .

عفتك للزمن ماشايل عليك الزمن يتكفل بجبر الخواطر من تنكسر مره وترجع تعيش بخور تحسه دخان الجكاير .

خل تفض يلتلمح تريد نكلك وترفض ما عايز مريض يسوي هيج وياي انه من كاعي متمرض اريد اخلص اريد اكطع طلعت روحي هاي وعود ما بادين چا باخر ايامي ببيش راح اطلع .

تكبر انته وتصغر بعينك حياتك وتبهت الالوان كلها وحده وحده بعينك تموت امنياتك تباوع بعين اليبيعك ما تدافع عن غلاتك مو رخيص انته ولكن كثر ما تعبت عليهم مابقت قطره بلهاتك .

اني من شفتك كبالي عفت كل ناسي ورايه انته عندي مو بس واحد هوايه وحدي يمك للنهايه منين ما تندار احبك .

غلطه وابد ماتنغفر جانت محبتك ولليوم جاي ادفع ثمن يوم العرفتك .

اجبرك ليش اجبرك رايد تروح قرارك مو قراري بكيفك اختار جزت روحي منك شرد احاجيك الطفل من ينجوي يضل يكره النار حته المثل اسمك فشله احاجي كسر كلبي بركبتك ينحسب ثار .

ضمني بلا هله من الناس ضمني من العيون الفاهيه بدونك علكني اعله رمشك طيف احب مكابل عيونك .

دليني عليك سنين تايه بيك وامشي وياي ادورك خاطر اندلك شلي بغيرك انته والكه مثلك وين ؟ تتعب تلكه غيري بهالتعب شلك وحده من الثنين ووحده راح اختار لو كلك احبك لو احب كلك .

حته لو يكثر خرابك حته لو تقسى ضروفك اني اشوف الدنيه بيك شعندي غيرك حته اعوفك .

انه جبت العمر كله اسهر واغني ومادري المن مدري الك مدري عله غيرك مدري عله الدنيه الخذتني يا نهر تضحكلي ليش ؟ ومن اجيتك غركتني .

بعد كلبي اشتعل بلكت يشوفوك ينشاف الهوه من يصير دخان صرت للماله اي موضوع عنوان الجان يحبني لايمكن ولا جان اليحضن روحه يشبه ورد ذبلان ياروحي عليج هواي زعلان رماد بناره صرتيله وتغنين تغطيت وبعدني الليله بردان من شفتي الغصن بيت العصافير ما شفتي الغصن للورده سجان .

جرف مااصير اتاني فضالة الروج ؟ ريح بكيفي اجيب بكيفي اودي اليحبني يصير مثلي مثله ماصير ذهب ولخاطر احد مااصدي امس دفنوني نص صحره عاكول الصبح شافوني مثل الورد اندي الظهر چوو عيوني بشمس تموز نمت بليل اعمه وحلمي وردي .

اسمع غصتك من تضحك ويه فلان واني بعيني دمعه شويه وابجيهه تهت بين الكرامه ووزت الشيطان ورجلي لياهو منهم راح امشيهه الكرامه تكلي اوكف والرجيم يكول دوس على الكرامه وروح حاجيهه اجذب روحي اكولن واللـه مامجروح واني جروحي حاير وين اوديهه .

عندي جروح بس حسيت جرحك يختلف كله صورك يدرن شكد صار عايش بيهن اتمله من اسئلهن اشوفك وين يتناسدن شنكله انعاك بنفس مخنوك من يتشاهد احسله يالماخذ دمع مني اذا مو انته ماهله .

لم دربهم بعد شمتاني يكلبي الليله وحشه الليله شدينه الرحال ولا تناطر جف يعتّك هذا صوت الريح يدوي شتلتفت مامش تعال ...

انه اشوف الدنيا بيج شعندي غيرج حته اعوفج وشما تنطفي الدنيا يفز كلبي بضوه عيونج باجر انه وياج نكعد يلمنه بيت وحب جبير هواي جنه ديره باجر اكعد من صباح اللـه واكلج اني احبج ياهلي وكل العشيره باجر ايدي تلم خصل شعرج واسويلج ضفيره انتي وسط عيوني اكبر من جبيره .