من جمر الظلوع من باب الدموع يبني يجاسم بالخيم اعلك شموع سالت دموع العواطف من شفت رمله الغريبه ابوسط صيوان النوايب حانيه ظلوع المصيبه تنظر لحوفه ولدها والچبد يسعر الهيبه صاحت ومدمعها همل كلبي يجسام انوجل ابغيبتك لو ضاع الامل هالامل ياهو اليجيبه عليك يجسام تعذرني الايام

يبني ياغصن المحبه السگيته ابفيض دمعي اسهرت برباك الليالي او عالمهد شديت ظلعي چنت ماونه بوجودك كربله غيرت وصفي كلبي بوداعك ملتهب وعگلي يجاسم منسكب واتعلمت فن النحب وصار طبع النوح طبعي واحتركت الروح من شهكة النوح ولكلب ظل ابحوفتك هايم ومفزوع من نار الدموع

لاتظن احزن يجاسم للحرب لوردت تطلع مثل مادرعك لبسته بالصبر كلبي تدرع وچبدي تتضمد جروحه لو شفت جسمك مگطع عهدك تضحي ياشهم والوفي ابعهده يلتزم ارخصتك وفه وطيب وعزم گوم وقبلي المرضع والحسن وصاك تتحنه بدماك ومنهج وصيه والدك بعيوني مطبوع من نار الدموع

انشهرت سيوف الاعادي وشبچت ارماح المنيه والحسن وصاك يبني وبالك اتعوف الوصيه وهذا سيف الموت بيدك لاهب ابجمر الحميه والشهم لوطب الحرب يگلبها وللحومه گلب كوم ازرع ابسيفك رعب واحصد ركاب آل أميه وگلبي يظل ابفركتك هايم ومفجوع من نار الدموع

كل شمايل بني هاشم بيك ياجسام تظهر الهيبه من هيبت محمد والعزم من عزم حيدر وارث من الحسن علمه والحسن للعلم مصدر مثل جعفر بالشيم وارث من الحمزه الهمم ومن ابو السجاد الكرم وسطوتك من سطوة الاكبر بالعزم والباس تشبه العباس تنبع وفه وهمه وامل وعيون من نار الدموع

زينب ياجبل الصبر الذي للرزء ماخار وكنت نبعا للفى للسبط اذ ثار زينب ياجبل الصبر اثقل الخطب خطاها اشعلوا في القلب نارا قتلوا السبط اخاها الساقي امسى قطعا وهو حماها هاهو بالطف مدما يروي ثراها

زينب ياجبل الصبر للرزء ماخار وكنت نبعا للوفى للسبط اذ ثار هذه الحوراء امن للسبايا من عداها لليتامى هي دفء رغم نزف الدماء ودجى الظلم علاها مثلما الرزء كساها زينب عند المآسي تبقى نورا في سماها فهي عند الظلم تسموا رغم باغ قد سباها

زينب ياجبل الصبر الذي للرزء ماخار وكنت نبعا للوفى للسبط اذ ثار في طفوف الغدر صرت راعي دون والي ونساوين بحزن ياحسين هاك حالي لا الافي غير ضرب بالسياط وبالحبال ياشموسي لم غبتم عن سمائي في عجالي بعدكم صرت اعاني لا معين لعيالي

زينب ياجبل الصبر للرزء نتخابر وكنت نبعا للوفى للسبط اذ ثار ياأخي زاد نحيبي من قساةفي ظلالي انت راعي حمانا انت يا نوري ياغالي قد بغى القوم علينا حقدهم سود الليالي لا ارى غير عدانا نهبوا نهج بالي للهوى جاؤوا وجاسوا قتلوا السبط الوالي

دمع زينب دمع زينب عله زنودك جمر ينزل عتب يحمل على وعودك يبو الاحساس كلام الناس يناديني على الچفين اسالك دليني يعباس الاخت مهيوبه باخوتها اذا جار الزمن وراد ذلتها عجيبه العدها مثلك تجري دمعتها على اعنادك تشوف اعداك هظمتها يمن رايه علي بيمنك خلص صبري بعد خدري وجيت انخاك

اجه السلاب يمي يالغيور افزع اخت عباس گتله او ماقبل يرجع فرح من شاف حالي او شاهد المدمع يگلول اعلى النهر كفالچ امگطع على الشاطي يليث الغاب اجيت اركض گلب ينبض ألم وعتاب يزينب گال دشوفي الحال اعذريني على الچفين اسألك وين دليني

يمن دگيت صدرك واني طاوعتك أبد عالبال ماچانت تعوف اختك اجوني لخيمتي او مرعوبه حشتمك شفت بس الضربني وانت ماشفتك عجب نايم يسيف الموت سكن ونك ولاچنك سمعت الصوت ولتني اعداك اظل برجاك حاچيني على الچفين اسالك وين دليني

عجيبه اشلون تگدرتبتعد عني انه منك جزء وانت جزء مني عشت ليلك سهر لو ماغمض جفني وذا كلبي انجرح گلبك يالمني يبو فاضل عشت وياي عمر حته صرت انته الهوى والماي اروح وياك جمر فركاك يچوني على الچفين اسالك وين دليني

جنها زينب هاي بنت حامي الدخيل بس عجيبه نشوفهه بلايه اهل كون اخت عباس تركب عالهزل يعني ياستار عباس انچتل هيه زينب هاي على الناكه اوتميل ومن تميل الريح يسنده بخجل بيهه هيبت حيدر او زعل الكفيك او بيههصبر حسين لاح وي الزعل اوجنه راس حسين ذاك العل رمح او هذه يا سيف الذبح خير العمل

زينب تخاطب العباس چف الحقد لمن وصل ثغر حسين وينك يعباس صوت العقيله وهذا صوت الچفين وينك يعباس هاك استمع صوت الثغر كل العجب راسك صبر وينك يعباس

وينك يسبع الگنطره للخوة انت المقياس ظل العلم يم النهر والغيره ظلت بالراس يضرب ثنايا ابن النبي وتشوفه وانته العباس صح انت راس اعلى الرمح لاسيف لاچف اليصح بس غيرتك ويه الجرح لو صاحت ايصيح القدر وينك يعباس

ظالم يصيح ام الخدر يم راس اخوها بغايه وين اخوتج يابت علي خل تحضر الحمايه وعيون ابو اليمه بزعل صدن8الراعي الرايه عباس اختنه بيا وضع تبجي ويعاتبنه الدمع احاه يچف المنكطع اسمع ينادي على النهر وينك يعباس

بعدك يكفال الحرم غير الحزن ماعدهه لكن شجاعه حيدره بكل موقف اتجسدهه صرخه وتظل طول الدهر كل ثآثر ايرددهه لكن اشد من اليسر وكفتهه بين اهل الغدر تميل ويتچيها الصبر وكل دمعه ترجمهه الدهر وينك يعباس

فزت يتيمه من الحلم ماتنوصف حالتها من جابوا الراس بطشت وتلكتهه بدمعتهه نامت على الراس وبعد ماتنسمع ونتهه هالطفله ما عادت تون لا حسرهولا دمعه بجفن لمن اجتها ام الحزن شافتهه ميته اعلى النحر وينك يعباس

اللهم صل على محمد وآل محمد