اللي عرفت مْن السنين الخوالي ان الليالي مقبلات ومدابير .. وانا على رب العباد اتكالي لا صار شيٍ ماتوقّعته يصير والعالم الله وش ورى هالليالي الله يعدي هالليالي على خير

بعد هـ الغياب اللي على دربه أسترسلْت جيت اصافح الغالين ماجيت اردّ الثار كنت الشاعر اللي يُحتذا فيه ولا زلت واعرْف الغياب النافع مْن الغياب الضارّ مع انّ التواجد عرض مُغري ولكن قلت أعطي فرصة لباقي زملائي الشعار

( الدنيا ) هذي .. مُتعبه : نفسيا مالي ومال الخوض في ساحتها ( الناس ) .. تركض خلفها يوميا وانا : مخليها على ( راحتها ) ..

اللي خلقها الله من ضلعٍ عوّج حياتنا ( ماتستقيم ) .. الا بها

تضيع اكثر اوقاتي على شي مايسوى والانسان مهما كان يحتاج لـ الانسان ابي اللي يعاوني على البر .. والتقوى مابي اللي يعاوني على الاثم والعدوان

خل الدقايق بـ الثواني تلتحق ولا تفكّر في فقر .. ولا غناه لا تنتظر مافيه حاجة تستحق الانتظار ، إلا مواعيد الصلاه

تغافلوني واستبيحوا عيوبي على الاقل .. ارتاح من سيئاتي عموماً انتوا لاخذيتوا ذنوبي خذو بعضكم واطلعوا من حياتي

كل ماجاني من الغالي قصور قلت عادي ، طيبه يغطي رداه التمس له عذر .. واقول مْعذور غالي ، ومن حقه يجرب غلاه

سافرت لك بعد اتصالك على طول جيتك ولا تسألني شلون جيتك قل نورت بوجودك الدار .. واقول منوره بـ وجود اهلها فديتك

يرزقني الله مثل مايرزق الطير من اللي يقدر يمنع الرزق فيكم مسّاكم او صبّحكم الله بالخير اسف مَ سلمت ، السلام عليكم

ياعود .. حنا مانقدّم معاريض ولا تعوّدنا على الضِعف .. ياعود حنا لحانا سود ووجيهنا بيض وانتوا لحاكم بيض ووجيهكم سود

تخيلت نبرة صوتك الذّ نبرة صوت بس الصوت هذا شي شي ماتخيلته بداية حياة وملح دنيا وسكرة موت لو اقدر اقبّـل صوتك العذب .. قبلته

كنت اشوفه رابع اخواني على انه جمرةٍ دوني بتحرق من وطاها ويوم غيّر نظرتي .. صديت عنه صدةٍ والله ان يبطي مانساها

بعد الشحم والهيل والترحيبه فـ المجلس اللي بالضيوف مضرّا كل واحد يطلّع يده من جيبه اللي يبي يدخّن .. يدخن برا (:

كل ماشفتك ( توسّل ) .. زاد غلّي : ماني مْنافق ، ولا احب المنافق اطلب الله ( حاجتك ) لا تطلب اللي يمكن يوافق .. ويمكن مايوافق

لو تنهر المحتاج بـ تحس بـ الذنْب ذنوبهم .. ( ياويل ) من يقترفها الحاجة : تحط الفقارى على جنب لا حدّك اللي حدّهم .. بـ تعَرفها

اربعة ابيات :

يادمعتي إلى طغى الحزن والياس عطيني من جرعاتك / اشدّ جرعة اهم شي الناس .. لا تدري الناس تعالي بـ سرعة و روحي بـ سرعة

كثرة الاعداء .. تعطيني شهادة واعتبر نفسي على السادات سيّـد شكراً اعدائي على دعم الارادة انتو عالم ( سيئين ) ، بـ شكل جيّـد