لافقدنا شخص تكثر فـ الدروب اشباهه كن وجهه في وجيه العابرين يوزع اتتقى في ذرى الله واحتمي في جاهه من فراق اللي عروق الكبد منه تمزع عايفٍ لبيه غيره واتلذذ هاهه والله ان مانيب عايفها ولا متجزع كن حكيه لا احرقه صمته وجمر شفاهه تمرة اللي عذقها من جذعها متهزع ؛ )

دعيت الله انه ما يخلي لقلبي راي و يجعل ضميري بدر في الليلة الظلما ؛ )

شيمة الانسان ميزان اعتداله وانحرافه تنذره لا شافت الاوضاع ما هي مستتبه إن عجزت إنّك ترد النفس عن شيٍ تعافه ماقدرت تحطّ نفسك فالمكان اللي تحبه ؛ )

على كل ماقد فات جعل العوض بعدين يسوق الله الغيث اللي يعدل أوضاعي هذي عادة الأيام وأنا أعرفها زين ما تحلا لي إلا عقب ما تغسل شراعي ؛ )

أعمارنا مثل الحطب في طرف نار شي إحترق واللي بقى جايه الدور وأرزاقنا مثل السحايب والأمطار اللي ماهو مقسوم ماهو بممطور ؛ )

يارب وأنت القوي واللي معك ما يُضام ومشاعر اليأس ياربي ما هي في يدي جنّبني الياس وإزرع وسط روحي سلام فيه أتجاوز طريق أحلامي الجرهدي ؛ )

عن منة الناس والحاجه وجور السنين تكفيك أول بداية سورة الفاتحه خل الاوادم تصك الباب ابودرفتين مادام ابواب ربي فالسما فاتحه ؛ )

ناج العزيز القدير وخل عنك الوجيه اللي لاجات المنايا غيّبت شمسها الناس مافي يديها شي تنفعّك فيه لو تقدر الناس تنفع أنفعت نفسها ؛ )

الله اكبر يالمقادير وظروف الليال وش بقى ماصار في عرض الارض وطولها من قدر وصف الحقيقه قدر نسج الخيال ارسم الدنيا وتعطيك صوره حولها مايثير الشك ويدور في روس الرجال غير لاشفت الثقه منتهي مفعولها قولة انت اخطيت مانيب خايف لو تقال خايف اخطي بس ما ياتي احد يقولها ؛ )

يا الله افزع لي على بعض الأمور و عنّي أنت والله خير من يفزع و خير معاون ؛ )

خل بينك وبين اللي تعزه مسافه لجل يحفظ مكانك وتحفظ مكانه لا تقول الميانه ما وراها حسوفه كم خطيه تجي من باب زود الميانه ؛ )

لاتشكر الصانع على صنعه السيف اشكر يمينٍ باللقى لوحت به ؛ )

والأيام لو تضحك ترا ضحكها كذاب تصَنّع تصِنّع وأنت واعي وفاهمها ذيورٍ غيورٍ كل يومٍ تسلّ حراب تشن المغازي والنشاما غنايمها تَغنّج تغنِّج خفرةٍ سحرها جذاب تجمل وتضحك للعرب لين توهمها وتطوّى تطوّي حيّةٍ سمّها بالناب على عضة الغافل تلحّس براطمها ؛ )

اليا قفل بابٍ من الرزق حراسه وقوف فتّحت بيبان الارزاق من كل اتجاه ؛ )

صاحبي جمّع مخاوفك في ساحة صفاه وإن قدرت تزيد الايمان في صدرك زده والله إن ما فيه ميت على قيد الحياة أكثر من اللي على الفاضي يسوق جهده من تعنيه التفاصيل وتبيح خفاه وش ترك ل اليوم هذا وبكرة وبعده كثرة التفكير في بكرة وفاللي وراه تشغل الواحد عن الحاجة الي في يده ؛ )

كيف يلحقني من الوقت والأيام روع وأنت مدّاتك سحابه وفزعاتك وبل ؛ )

يازين السكوت لاصار مال السوالف راس وياحلو الكلام الصايب إللي على حله وياشين الجميل إللي درو به جميع الناس ويازين الجميل اللي مايدري به إلا الله ؛ )

ياخذ الوقت حقّه من وساع الصدور لين تمشي على ودٍ ما هو ودّها ؛ )

عن عيون الناس تسترني ثيابي وكل حيٍ غير ربي ما رجيته يوم شفت إن الكفن ماله مخابي كل ما يطري على بالي شريته إستعنت بطاعة الله في شبابي وماتيسّر من كتاب الله قريته جعل رفاع السما يجزل ثوابي ويغفر ذنوبي ليا مني عصيته ؛ )

مالي مع الارض واهلها مكان وحصيل شعوري اسمى من الاسما ومن الانتما اطيح واقوم لكن الاستحاله اميل لو اني متشبع من الجوع ومن الضما ما طعت رغباتي اللي تنهمر كل ليل مدري هذا قلب ولا قطعةٍ من دُما واقف مثل ما توقف باسقات النخيل تناطح الشمس لو انها فـ كبد السما ؛ )