وشفيك معاد تضحك يالحجاج الضحوك ؟ لو أعلم بعينٍ تبكّييييك .. بكّيتها - وصل العطياني

مواري غرامه بين الأرمّاش منرسمه يشوفون حبه من يلدون في عينيّ

ياللي تبادلني المحبه والاعجاب معك شبابي ما استغليت طيشه ماعاد هي بلحية مشاريه وعتاب ولا ذي بحاله ولا ذي بعيشه انا ترى ما احب اوقّف على الباب اما افتحه ولّا كسرت الدريشه

الحنين اللي على وجهك عن الخذلان خبّه خلنا مابين لوعة شوق .. وشفاقة رسالة الحطب لا طاح من عقب العتب لازم نشبّه يا أصدق أجوبْة الوجود أن كان حاير في سؤاله

الهوى ما ينعذل قلب المهاوي دونه والقنوع ان ذاق لذّات الحياه ادمنها نحّروني درب داره لين اشوف عيونه الفجوج وساع بس عيونه اوسع منها (:

لابرد فنجال وصلك لا تسوقه صوبّي

يوم أعاف النوم لأجل السهر .. لا تزعلين من يحب النور من شامتك حب الظلام ! أضحكي لين أدري أنك وضحكاتك يقين وأمهليني عمر .. لين الله يجيييب الكلام

تطري على بالي وسط لجة الناس وكني بعد طيفك وحيدٍ لحالي

لا تعذر في ظروفك . . ما يحتاج معذور جعل تفداك القطاعه و يفداك الوصل - فلاح القرقاح

كـل ما قرَّرت أخليك خليت القرار ما دريت إن الهوى صعب يا عذْب الِّلمى أنت بحرٍ في خريطة ونجمٍ في مدار لو أطير من الأراضي لقيتك في السِّما - جمال بندر

على هونك قبل وقت الغلط لاتطري اللي فات ترى اللي فات مات ، و لالنا باللي مضى حاجه تجي و إلا يعــلك ما تجيني يا محب الـــذات ذبل ورد المشاعر داخلي مـا أبي لك أمواجـه - متعب الركابي

على الفرقى وساعتها وطاريها ماعندي حيل أنا في وجيهكم لا تتركوني أجلس ، الحالي ترى ما باقي إلا دمعتينٍ عافها المنديل و ملامح باهته ما عاد تفتح قفل جوالي أنا عمري قصير و لا أبي اقضيه حط و شيل أبي قلبٍ مثل قلب البليد و سلوة السالي

صبح ! ما أنت بـ فيه مظلم وفي نوره شحيح و شمس ! ماتشرق بزولك عساها للزوال

تمرّ الظروف اللي تلاحي هبوب النود واوقّف لها من غير لا ينثلم سيفي قدرت انتصر والوضع ماهوب هاك الزود أجل كيف لو انّ الليالي على كيفي - عبدالله السراهيد

مضى مامضى واللي مضى ينذكر بـ الخير ولا عاد ينفع ودك اني و لو انك شبع قلبي من ملاوع الضيق و التفكير الين اكتفى ، ولا انت ما ينشبع منك

يا وجودي لا ذكرت الليله المأهوله يوم جيت أحث رجلي و السعد يبرالي ㅤ ( انطحتني مثل ليل السامري و طبوله ) جيدها برقه يلوح . . و عودها ميالي ㅤ أفتقدت الذاكره يوم أنتثر مجدوله ولا أنتبهت إلين طاحت غترتي و عقالي

اشرقت منْك ابتسامة على ثغر النهار كن ما للشمس ضوح وسناك شروقها احسب ان شفاك نار وخدودك جلّنار كيف مثلك ؟ ما جرى النور بين عروقها معك عشت اوّل هزيمة بطعم الانتصار والعيون تشوف ضحكتْك ضمن حقوقها ان رضيتي جعل يفدى غلاك الاعتذار " وان قسيتي لا يد الا يد الله فوقها "

من سابع المستحيلات إني أنساك رغم إن الأقدار خلتني اخليك وشلون بنسى ومن حولي هداياك عطرك ، رسايلك ، ضحكاتك ، أغانيك لو هي على الحب قلبي ما تعداك ولو هي على دمعتي ياجعل ما ابكيك لكن ورب الشعور اللي تمناك اني لو أهديك عمري ما يكفيك

جيتك من اقصى الدروب و بكره مسافر على مواويل يادنيا من انتي له عطني من الوصل لو بروس الاظافر ان شفتك اليوم .. ولا شفتك الليله - مطلق بن شويه

لو يدقق في مزايا وجهك المتباهي لو يشوفه كل ليله ماهو .. بمتعكر انتِ زينك لو نحطه في بيالة شاهي قامت العالم تصب الشاهي بلا سكر :)