الصاحب الّي كل ماحتجت له راغ خله يولي جعل ماله مناغي لو ناطحاته وسط نيويورك وبراغ ماهوب قاضي نوب طير المراغي #محسن_المداريه

اللّي رصيد المراجل في حسابه صفر يلحق على المرجله قدام تصعب عليه المرجله راس مال اللي يبون الظّفر واللّي يبيها بدون اتعاب تبّت يديه بوجيه اهلها بشاشة طيب نور وسفر كنّك ليا جيت احدهم من حدا والديه #محسن_المداريه

اهل التّمدح والكبر والتّغطراس لا حدّروا سنّد وذب الطّويله اسمع كلام مجرّبٍ فاهم النّاس ماقال قول الاّ وعنده دليله والتجربه واقع وخبره ونبراس ولاهي على روادها مستحيله #محسن_المداريه

السلام عليكم ورحمة الله وبركاته 💜💜 صباح الخير للجميع 💜💜

وثّقت حب المملكه داخل الجوف توثيق صك الملك بختوم دوله احبها وحب حكّامها اولوف واحب من حب الوطن وعتزوله حبٍ غريزي مالنا فيه معروف متوارثينه من جدود وحموله #محسن_المداريه

صح الله لسانك يبوحمود

اللّي يباء ربعه تحبّه وتغليه يترك مكايدها ويدمح نكدها كما تدين ادّان والطيب راعيه لا مرّته زلاّت ربعه جحدها #محسن_المداريه

مال الاوادم سوا اللي كاتبه ربي ولاخاب من علّق اماله على ربه فسبحان من يامر الانسام وتهبي وسبع السنابل تضاعف من١٠٠ حبه لاشك بعض الاوادم مابها طبي مايدرك ان الهواء وبليس يلعب به واللي على مذهبه يشيب ويشبي ان ظل وان دل بكتابه يحاسب به #محسن_المداريه

الرفقه اللي نقومها وعيت تقوم خربت علاقاتها وختل ميزانها يامضيعين القيم يامضيعن السلوم مافيه رفقه تقوم الا على اركانها يافكرتي من زمانٍ شاخ فيه الرخوم واهل الاشده تعن الخيل بارسانها #محسن_المداريه