💙💙💙

انا لا تباطيتك علي الولّه ينشاف يبّين على العاشق وينشاف فـ عيونه احبّك جعل حبٍ يجي من بعدك يْعاف وانا حالفٍ حبّك مع الوقت ما اخونه ليا شفت وجهك والله ان ماعلّي اخلاف فلا تنشد اللي شاف غايتّه وش لونه ! عيونك مثل مجدٍ قِصر دونه اللي خاف وانا اللي يحب المجد ويموت من دونه..

عاشقٍ اللي طيبها من طيب ابوها بنت شيخٍ لو درا عني ذبحني ..

يجذبني الكايد اللي ماله أشباه اللي مثل عقلي وثقلي وانطباعي..💙

ياجميله قام يطوي الحال طاوي والله ان كبدي على شوفك غليله سجليني في علم حبك فداوي انا مجنونك بعد مجنون ليله نعنبوك انتي مكاسر عود جاوي ملبسك سندس شرابك سلسبيله لو تمرين الشيوخ اهل الفتاوي عودو مثلي يجرون الطويله من عشق شرواك ولا لايهاوي التقيد عن بعض الاشياء فضيله..

على غيرك عمى عين وجفا قلب وثقيل لسان و عليك أنت . . الخطاوي تسبق أوّلها تواليها❤️

على سور قلبي لا تغرّك جموع الناس ترى ما ورا بيبانه إلا مداهيلك🤍

مابغيتك من فراغ ولا تمنيتك عبث ولا ابي لك نهـاية ولا ادور لك بديل..🤍

" حبني حب القدامى الاولين حب عشاق الوفا في ما مضى"❤️

وين اودي شوق قلبي والوله لو غديت بعيد عني ما اسمعك تملك احساسي وفكري تشغله ترحل طيوفك وفكري يجمعك هاك قلبي هاك ليتك تقبله خذ سنين العمر او خذني معك انت تالي الحب عندي واوله من يقول اني نسيتك يخدعك..

خلاص توبه ما أعكر لك مزاج : أثر زعلك يِلحق أجوانا كدر ! البارحه زعلتك وجانا عجاج : طيب إذا راضيتك يجينا مطر !

" كتمت الشوق عنك ما أبيك تحس.. لعبت دور العادي-وأنا المشتاق"

الرزينه فالهوى بين العذارى لو يورثها الحزن تبقى رزينه..

سولفي عن ما يغيضك ويستدعي بكاك وان نسيت السالفه كلها .. لا تزعلين تسأليني ليه تنسى؟ وانا ماني معاك انا هايم في عيونك وفـ الغمازتين جلّ من صوّر جمالك ومن كثّر حلاك لا إله إلا اللّٰه ف كل وقت وكل حين🤍

كثر ماقابلت ماافيه شي ب مستواك انتي الطف شي شفته من الناس اجمعين❤️

أخطر بنات البدو ذربه وذويقه متغطرسه ما ترا من يعقد حجاجه تجيك وتتّل قلبك من معاليقه وتروح ما كنها سوت ولا حاجه

"خصوصًا لا قدّها بنت شيخ وحفيدة شيخ تعيشك في عزلة .. وفي عالمٍ ثاني لاّ قلت أنتِ أجمل نسوّة الارض والمريخ تقول بـ غرورٍ صادم .. وغير عقلاّني أنا من جمالي تمتلي صفحة التاريخ مثل ماملوّها .. بالبطولات جداني"🤍

ارسل قصايد حب كله عشانك واختار اجمل شعر بالكون موجود ماقصدي لاجل تقول صح لسانك ابي اقول انك بالشعر مقصود🤍

ماعاد بي شدّة على طرد السراب ومراقبة شمسٍ توارت للغروب إما وجود يلوي ذراع الغياب وإلا غيابٍ يفضح الوصل الكذوب

"لا تقطع وصلك وانت داري انه دواي"