لو ما يبقى من الوصل شي الا الصدوف مرحبا بالصدفه اللي تجيبك ، مرحبـاااا .

أنا معك وصلت لـ أخر محطه أحلامنا بـ تموت لو ما إلتقينا تدرين عطرك ليه ماعاد أحطه أحس لا خلص خلاص إنتهينا

من بديت أستصّغر شعور العتاب حبل وصلك ما حرصت أجوّده أذكر إني كنت أخاف من الغياب المُخيف .. إني بديت أتعوّده :|

في مجريات الحياه العقل دربه دليل أسرافك الزايد بـ طيبك بلا فايده حاول تجي معتدل ويصير مالك مثيل ما ينكب الطيّب الا الطيبه الزايده .

ياعابرين الدروب و عابرين القلوب رغم إختلاف المقاصد كلكم عابرين اثاركم في المشاعر مثل اثار الحروب اللي تشتّ الشمل و تروّع الآمنين :)

صباح الخير اما بعد : ناطحوُا صدوف الأيام بحجاجٍ ضحوك .

شارك بعقلك بالقليل من الكلام ما هو بشرط إنك تجيب الكايده تابع بـ صمت تكون رمز الأحترام وحاول تخلي من وجودك فايده .

هذي قوانين الصدف والأماكن وهذي مقادير الزمان وظروفه تشوف ناس كثار صدفه ولكن اللي تتمنى شوفته .. ماتشوفه .

ما والله أعطيك غير اللي ورا صدري قلبٍ يحب الهدوء و يكره الزحمه

سيّد الليل وأنفاس الفجر والمغيب من شرا شوف عينك ماشكى غشّها لو عصافير حيّك ماتشوفك حبيب ! ما بنت في نوافذ غرفتك .. عشّها

لليوم هذا .. وانا ذاك الثقيل الرزين اللي ليا شاف زولك من بعيد ارتبك !

انا اللي كل ما ادوّر لصمتي خطوتين وباب تحاصرني رياح ، الذكريات وتنفض ثيابي !

من باب سِعد العين .. والحظ الحلو ياسعد عين اللي يشوفك كل حزة

مرّوا الناس فـ الدنيا مرور الكرام وانت بس اللي الدنيا توقف عليه ٰ من خذا من يدينك لحظتين إهتمام عاف كل اليدين وعاف كل الوجيه .

ليا مرني طاريك وجه الحياة يزين وان غبْت مالي في ملذاتها حاجه .

خيالي الواسع ماهو كويّس أزعجتني يافكري المتمادي بالليل أحس أني سعادة ريّس والصبح أحس أني مواطن عادي

يحبك من قلوب الاوادم كريم خصال يدوّرك .. وإن ما جيت مادوّر الزلّه

بعض العرب للهرج مثل الاذاعه ومع كل مجموعه مسجل تواجد ومن كثر ما ينقل علوم الجماعه احيـاان تشك ان اذانيه واججد (:

أكذب علي حتى ولو مالك عذر وحتى لو ان الكذب زلة .. زلّهاا شعوري إنك كنت تقدر تعتذر ؟ يجرحني أكثر من جروحك كلّها

فالذاكره فلمّ قمت أطويه وأفله والأدمي ذكرياته تلعبَ بـ جوه تجينيّ أيام بسم الله ماشاء الله وتجيني أيام لاحولٍ ولا قوه