🔥The 9th Round of Easy Loan, Earn $40 Reward is in progress❗️ ⏰ Promotion Period: January 15th - Feburary 15th, 2025 👉 Register now and check more details at gate.io/campaigns/358

••• ماتسبنيش أدوّر على سلامي بعيد عنك، ولا أستنى حد يطمني غيرك. يارب، رتب أفكاري… هدّيني… وكن أنتَ الراحة اللي بتهرب ليها نفسي، وأنا مش فاهم نفسي. #ماركو_ممدوح

••• حلوة الحاجة اللي من إيدك يارب.. حلوة ومابيخلصش طعم حلاوتها .. بتفضل حلوة. #ماركو_ممدوح

••• ليتك تباركني يا رب… تبارك قلبي قبل طريقي، وتبارك خطواتي قبل ما أمشيها، وتبارك الحلم اللي جوايا قبل ما يتحقق. باركني مش بس باللي عيني شايفاه، لكن باركني بحضورك في التفاصيل الصغيرة اللي محدش بياخد باله منها. #ماركو_ممدوح

••• بارك حياتي بالرضا، بارك عملي بالثمار، بارك وقتي بالمعنى، وبارك حلمي بالإتمام بعد التعب. ليتك تباركني يا إله البركة… فكل ما تلمسه يدك، لا يبقى كما كان. #ماركو_ممدوح

••• هيجي العوض، بس مش لما تحس إنك محتاجه، هييجي لما تكون جاهز ليه لما قلبك يتنضف من آثار الخذلان ولما إيديك تبقى فاضية ومستعدة تستلمه بإيمان مش بشك العوض مش مجرد “تعويض” عن اللي راح، ده إعلان من ربنا إنك ما كنتش منسي، وإن ال استنيته بطول بالك، هيجي ويفرح قلبك جدًا #ماركو_ممدوح

••• مفيش خير اتأخر، ولا وعد ضاع… فيه توقيت مثالي بيخلّي كل حاجة تيجي في أنسب لحظة ليها. ••• متستعجلش… سيأتيك عوضك في وقته، ووقته دايمًا كامل وجميل ومليان سلام. #ماركو_ممدوح

••• ساعات ربنا يسمح لحاجة كنت معتمد عليها تتهدّ فجأة… عكاز، شخص، شغل، أمان ظاهري… تكتشف بعدها إنك كنت أقوى بكتير مما كنت فاكر، وإنك كنت ماشي برجليك، مش بس متسند على غيرك! #ماركو_ممدوح

••• ربنا ساعات بيكسر الاعتماد الزائف، علشان يحررك من خوفك، ويخليك تبص لنفسك وتقول: “أنا مش أضعف من اللي فات… وأنا أقوى من اللي جاي.” انكسر العكاز؟ ما تخافش… دي دعوة تمشي بإيمان، مش باعتمادك على الناس. #ماركو_ممدوح

••• فيه وجع بيعيش جوانا لسنين… جرح مالوش دوا، مالوش تفسير، ولا حتى عنده إجابة لسؤال: “ليه؟” بس ربنا؟ قادر يلمّ الحتة المكسورة جواك، قادر يطبطب على جرحك بصبر، ويحوّل الوجع شهادة حقيقية إن فيه شافي بيطبطب حتى من غير مسكن. #ماركو_ممدوح

••• جايز الدوا مش في الوقت، ولا في النسيان، لكن في لمسة ربنا اللي بتعدّي على الجرح وتقوله: “أنا معاك… ومش هسيبك.” #ماركو_ممدوح

•••الحب مش فتات مشاعر، ولا نظرات متقطعة… ولا كلمة حلوة جاية في وقت الفراغ! اللي بيحبك بجد هيدوّر عليك هيصونك هيخاف على قلبك كأنه قلبه جوعك للحب مش ضعف بس لما ترويه من أماكن غلط بتشرب مية ملح وتطلع عطشان اكتر من الاول اصبر للي يرويك حب حقيقي مش يسيبك تنشف كل مرة #ماركو_ممدوح

••• متخليش احتياجك للحب يأكلك من بواقي العلاقات. #ماركو_ممدوح

••• في رحمة نازلة من السما بتحرسك ، حتى لو مش شايفها… الستر اللي انت ماشي فيه مش صدفة، والفرص اللي لسه بتجيلك مش حظ، ده إيد بتطبطب من فوق، ونظرة من فوق السحاب شايفاك في عز الظلمة. #ماركو_ممدوح

••• في ناس وقعت من نفس الحتة اللي انت عدّيت منها، بس ربنا كان عامل لك طريقك في الخفاء، وبيبعَت لك رحمة على هيئة ناس، أو مكالمة، أو حتى راحة جوا قلبك ملهاش تفسير. كل يوم بتعدّي فيه… ده يوم اتحبّيت فيه من السما. #ماركو_ممدوح

••• الشفاء مش إنك تحكي الوجع وتشرحه كويس… الشفاء الحقيقي بيبدأ لما تقرر تعبر من خلاله، وتعدّي من النار من غير ما تتحرق، وتكمل طريقك حتى وانت موجوع. #ماركو_ممدوح

••• مش لازم تفهم كل اللي حصل، ومش دايمًا هتلاقي إجابة لكل “ليه؟”، بس اللي تقدر تعمله فعلًا… هو إنك تعيش، وتقوم، وتقول: “أنا مش اللي اتكسر… أنا اللي عدّى وكمل رغم الكسر.” الشفاء مش نسيان… الشفاء قوة بتقول: “أنا فوقت لنفسي… واخترت أعيش.” #ماركو_ممدوح

••• توكَّل على الرب بكل قلبك، وعلى فهمك لا تعتمد. في كل طرقك اعرفه، وهو يسهِّل سبلك Trust in the Lord with all your heart and lean not on your own understanding; in all your ways submit to him, and he will make your paths straight (أمثال 3: 5-6 — Proverbs 3:5-6)

••• الحب الحقيقي مش محتاج وقت فاضي… الحب بيخلق الوقت وسط الزحمة. الاهتمام مش محتاج مناسبة، والمحبة مش محتاجة تذكير. اللي شايفك مهم… هيسيب اللي في إيده عشانك، مش هيخليك تحس إنك عبء، أو إنك زيادة. انت مبتطلبش المستحيل… انت بس بتدور على اللي فعلاً شايفك أولوية. #ماركو_ممدوح

••• أيدك يارب أحن وأقوى وأقرب من اي ايد عاوزه تأذي او تكسر او تاخد شكرًا 🙏🏽 #ماركو_ممدوح

••• مش لاقي كلام اقوله .. وهو واقف يسمعني. #ماركو_ممدوح youtu.be/vWArnfOJj5E?si…