عمر ضايع ع الفاضي

تقريبا اتكتب ع الواحد انه يعيش دايما جملة حمزة نمرة يلاقي قلبي فين دواه واللي أذاه أقرب ما ليه!!

حاسة بغصة في قلبي، بسم الله على قلبي حتى يهدأ.

حزين يا ربّ حزين حزن مُبالغ فيه. رُدّ لـِ قلبي عافيتُه ياربّ ")) ⁦

بسم الله ع قلبي حتى يهدأ..

عارف لما فجأة وبدون اي مُقدمات يقتحم قلبك شُعور الـ "صعبان عليا نفسي" ومتقدرش تتخطاه بأي شكل من الأشكال؟

كل مرة اسمع النقشبندي بيقول "قصدتك من كل الجهات منادياً أجرني من القيد الذي شد معصمي أعدني لنفسي كم تغربت حائراً" بحس بجد ان في حاجة بتعيط جوايا.

بغيب من الوحدة يوم عشان ارتاح شوية من الحوارات.. اليوم دا: سبعتلاف مكالمة سبعتلاف حوار جديد سبعتلاف مسج ع الواتس يارب عجل بالنيابة 💔

والله خايفة تِمُر سنين وأنا في نفس المكان، عند نفس النقطة، ولا حققت حاجة، ولا عيشت الحياة اللي تبسطني.. خايفة كُل حاجة متتغيرش غير أني عُمري بيكبر."))

في معدتي ألم ، يذكرني طيلة الوقت بالكم الهائل من الأمور التي اخترت السكوت عنها وابتلاعها ..

مستنية يجي اليوم اللي هيتقالي فيه: أنتِ الوحيدة التي أريدُ ان احمل عنها قلقها و عثراتها و جراحها و أهديها ضحكاتٍ حقيقية و بالاً مطمئِن.

يَا رَبِّ مُنَّ على قلْبي بِونِيسِه

جوايا حزن محدش قادر يشوفه غيري بجد، حزن وزعل على نفسي ومن نفسي.

جميل انك تشوف الدنيا متستاهلش التفكير الكتير والقلق والخوف من المستقبل وانك تاخد قرارات غلط وغيره الي مش جميل بقى انك متعرفش تطبق الكلام ده ع نفسيتك وقت القرار المصيري 🥲

مش عايزة افضل تايهة يارب مش عايزة اكمل باقي عمري تايهة وضايعة مش عارفه انا هوصل امتي ولا هكون كويسه امتي بس عشمي فيك انك ترشدني وتنورلي بصيرتي.

زعلانه اوي علي نفسي المفروض الفترة اللي اكون فيها كلي طاقة ونشاط وشغف انا عكسها تماما، روحي عجزت ف فترة صغيرة اوي بقيت ساكتة ومرسوم علي وشي ملامح الزعل حتي لو ببين عكس ده وبحاول اهرب من دوشة دماغي بس مش عارفة ، مش عارفة اعيش.

إنسان وحيد «تائه» شاردُ الخُطىٰ، مستوحِش من الدُنيا.. يا ربّ قرّ عيني واجبُرني. :)

وَنَطمَعُ أَنْ يُدخِلَنا رَبُّنَا مَعَ القَومِ الصّالِحينَ.

أجمل إضافة حصلت في حياتي مؤخراً، هي فكرة الإعتماد على الدعاء في كل شيء، في أبسط الأشياء وأكثرها تعقيداً، مش رغبة في تحقيق حاجتي قد ما هو استشعار معية ربنا وعنايته في كل جوانب حياتي ..