@OkazMarkit ان جيت بجحد جروحي ماهي منجحده فقدت من ضيقتي امني وحريتي مع كل هذا الحزن والشوق والوحده متى تزين الحياه وارجع لـ عافيتي سجني وجرحي تقول تابوتي ولحده انا بكنف قبر ولا في كنف بيتي ؟

عسى المشاعر بهالاحزان مأجوره وعسى الليالي تشوم من كسرة شفوفي عيّنت ضوح الفرج وجيت في نوره واثر الزمن لا عطاك العهد ما يوفي ويا صاحبً شرهته ماهي بمعذوره عن الشكاوي ما يسمح قدري ونوفي مرّيت في ظرف ما تعرف مدى جوره والطيّب من اصدقاي يقدّر ظروفي

من يرفع الحظ لامن طاح بالرقه يا ليت حظ الاوادم قد مقدارها محشوم يا شعري اللي ضايعً حقه ويا كبر صبرك على الساحه وشعّارها

ما لقيت مْن المقادير الحصيل غير حملً فوق ظهري مرتمي ومن طموحه بالصعب والمستحيل يبشر بهمً ما يلقاله سمي ليتني القى عن الضيقه سبيل واحتفي باللي تبقّى من دمْي آتصبر والصبر حملً ثقيل وابتسم والدم يقطر من فمْي

ما صرة اعاتب زماني يظلم الطيّبين من يوم ما بانت جروحي على وجهي

يا صاحبي العين ما تعلا على الحاجب وخوّة اهل الرخا ما اسومها بـ نعلي ماني بشايق عيون بفعلي وعاجب ووجيه الانذال ما تسوى تعب فعلي انا انتقي خوّتي لن وقفتي واجب ولا ودّي افزع لرجّالً ما يفزعلي

يا قلبي انسى ضيقتك قدر الامكان عن الوجع لي شيمتي واعتباري ماني بشاكي لو معاذيري سمان انا عزيز حتى بعز انكساري

ما كان غنّينا عن هموم وفراق لو الشعور يقال في ذالسهوله الشعر تعبير المحابر والاوراق عن الكلام اللي ما نقدر نقوله

ما عاد فيني طاقةً للي يصير الله وحده يعلم اللي جرالي من عثرة حظوظي وطول المشاوير ما عدة افرّق بين سود الليالي اخاف تملى خاطري دمعة الطير وانا من اول ماهي تقصر حبالي يا رب جنبني عتاب المناعير واستر عن الانذال عرضي وحالي ولا تحدني اشكي عثور المقادير سدي بعيد وعزتي راس

على فعايل يدي بشعب طموحاتي لو حاصل اللي علي اكثر من اللي لي اخاف اظن الظنون وتخيب هقواتي والظن قد قيل ما يغني من الحق شي

اقفت حظوظ السعد والوقت وجهه شحب يا ليت الاحزان خابت هقوتي فيها وعوّدت من حلمي اللي فوق هام السحب يا دوب تقنعني الارض ومواطيها لو ان نفسي لا ضاقت تكره المستحب ربك لا قدّر على عباده يرضّيها ما عاد ياسع هموم الوقت صدراً رحب ضروف الايام تخلف طبع اهاليها وان رحت في ساعةً

بالزمان الشقي كني غريم فرحتي ذنب وهمومي حلال ما بقالي سوى شعراً عظيم وشبح بالنايفات مْن الجبال ايّس القلب من حب الحريم وذابت الكبد من قهر الرجال

قد تغربت وتعنيت في وسط بلدي من حلومً قد تمنيتها عيّت تصير انشد اللي راح عمره يراكض ويعدي بين تجديد العزايم وتحديد المصير جعل همي ما يشيله شقيقي واولدي كل همً دون راس الاخو ماهو يضير ودي احمّل متوني حمل فوق اجهدي ولا يمسّ الوقت شعره من اخوي الصغير

﴿فَقُلتُ استَغفِروا رَبَّكُم إِنَّهُ كانَ غَفّارًا﴾

يا غزة الجوع ينهش كل راعي ضمير والمؤمن ضروف وقته دوم صايبته من لا بكى جوعكم في هالنهار الكبير وسايم اهل النفاق تبين فرقبته وش فايدة من يعيش وسط النعيم الوفير اللي على طاعة الله ما زرع نبته يفوز من زادة همومه بحسن المصير ومن زاد خيره يخاف من سوء عاقبته

يا ربي انت الملاذ فأمني ورعبي اصابع الاتهام موجهه صوبي لعبت عمراً طويل ومت من لعبي يا ليتني كنت عارف آخر دروبي لو ان عبدك ما كان بفعلته يعبي نفسه لا لحّت عليه ما قلّها توبي اقول وجدي لو ان العمر يرجع بي وانا لو انّه رجع برجع على ذنوبي