قاعدة اتقهوى وافكر بآحداث Jun وقد ايش كل حدث كان صعب اكثر من اللي قبله ومع ذلك .. مهامي الشهري خلصتهم قبل شوي بالكاااامل كعادة نهاية كل شهر .. اقدر اقول الحين اخيرًا وصلت لهدفي اللي مهما مريت فيه كان صعب وقاسي ، ما اتكاسل عن اهدافي الصغيره اليومية ، او يمكن لسع ماني مستوعبة الحدث

ودي احسّن علاقتي مع البساس احس يفشل مره لما اخاف منهم قدام بنت اختي وهي تطالعني بكل ما اوتيت من نقد

بس بعيش هاليوم قريب "مهما طال" ، وهذا الأمل اللي يشفي وجعي وشعوري السيء اليوم

سوّينا سوشي كيك، واخترنا فيلم عن الانهيار الاقتصادي 💸والصدق هذا الثيرابي اللي كنت أحتاجه من أول النهار…

طول الـ 24 سنة الماضية ماعمري تحمست لمرحلة في حياتي قد ماني متحمسه للمرحلة الجاية ..

الخوف فقد قيمته لما خلاني اجرّب أقسى إحتمالات الحياة ، وش ممكن اخاف منه بعد؟ كل اللي خفت منه .. عشته

الصدق اني اعشششق سهرة الخميس ، أحب لما اشوف قلوبهم على بعض ، الله لايغيّر هالعادة علينا ❤️

كل اللي يحتاجه الإنسان احيانًا مايتعدى عن كونه يهدأ ، يهدأ من كل شيء يشكك فيه ، وهذا الإنسان أنا ، أنا في يوم بشكّل البيئة اللي بختارها تحيطني

صباح اسبوع جديد .. بعد ويكند مليء بالأشياء الرائعة ، انا لازم ارجع اصب تركيزي على الأشياء الجيّدة في حياتي ، لأني افتقد فريده اللي كانت تدفعني للحياة

ليلة رايقة قضيتها مع بلايليست فرانك، رتّبت أغراضي، ورميت كل شي ما عاد يشبهني، جهزت قائمة مشتريات جولاي، وسويت لي آساي .. أحب الهدوء اللي يرجّعني لمركز الدائرة ، بس هالمره مو رفاهية .. احتياااااج 😝

صح اني ماحب هالزيارات المفاجئة ، لكنّ هالجدة تُشكر على جيّتها ، تذكرني بأكثر شخصيين افتقدهم في حياتي ، وانا احتاج هالتذكير بشكل مستمر

اعوذ بالله من الفقد ومن الغصّة والرجفة اللي تجي لما اتذكرهم .. اللهم ارحمهم واغفرلهم وعافهم واعف عنهم واجمعني بهم

القوه الداخلية محرّك الإنسان ..

"لا يستحق الجميع نسختك الجديدة.. مررتي بالكثير من أجل التعافي، ولا يمكنكِ التنازل عن فقدان هذة الطاقة الآن.. لن يفهم الجميع حدودك، وقد يصفك البعض بالأنانية، لكن هذا هو الثمن الذي تدفعينه مقابل إعطاء الأولوية لنفسك.. استمري.. لا تفقدي نفسك مرة أخرى"

الرحمة تبدأ لما تفهم دوافع الناس وراء تصرفاتهم وكلامهم

تاخذ غداك وتاكل وأنت مستمتع تتفرج على حلقتك المعتادة بس فجأة تغص وتختنق وتذرف من العدم بس لأنك تذكرت إن هذي الوجبة ، وجبتهم المفضلة ..

إنك تقعدين في مجلس ثلاث ساعات متواصلة يُدار فيه موضوع مشترك، وشركاء أفكار مبدعين مع طرح ونقد بنّاء، الهدف منه تطلعين وإنتي اكثر قوة بدون احكام لكينونتك!هذي عندي بالدنيا ومافيها، وفوق كذا لو كانت الجلسة عبارة عن أخوك اللي تشوفينه صخر في هذا المجال .. My brain’s glowing rn 💗💞🌷✨

رفعت راسي للسماء، وشفت البدر مكتمل ، تذكّرت إن أمي وأبوي اختفوا في طور البدر .. ما عمري تخيّلت إن البدر اللي دايم كان يبهجني ، يخليني حزينة بهالشكل اللي ودي أختفي معاهم ، ولا أعيش هالمشاعر القاسية لحالي