الله يوسع عليك يابن زوبين ويغفرلك شاعر مايتكرر الا كل ٣٠٠سنه بالقليل وصح لسان من عد قصيده وانعد له 🙏

ياحبيبي وش الي فيك ماهو بزين؟ وانت سيّد مغن الزين عادك نما لاجلك احوّل الشعار متذوقين لو غدى في ذوايقهم غرور زعماء اعتبر من يقول أن فيه منك اربعين يا ردي عقل ولّا في عيونه عمى أنت مالله خلق منّك سوا نسختين نسخةٍ فوق الارض ونسخةٍ فالسماء . صالح النشيرا

لا حظي شحيح ولا عزومي قليلة فود لو آقص كفي ما تعذرت عن ضيفي على المنهج اللي وارثه من حياة العود أوصي شتاي يسلم العهده لصيفي تمر الظروف اللي تلاحي هبوب النود وأوقف لها من غير لا ينثلم سيفي قدرت انتصر والوضع ماهوب هاك الزود أجل كيف لو إن الليالي على كيفي؟ عبدالله السراهيد

انا تغربت والمكسب من الغربه حذفت بعض الفشق من عدة حزامي وش حاجتي في رصاص ما يثور به اليا بدت حاجته يبلش به الرامي . محمد بن مشيط

اعرف مرادي زين مانيب محتار لايروح وقتك يا اطرق الخد دوني عسى الله يشافي المجانين فشهار يوم اتذكر من غرامك جنوني انا همومي كبار وجروحي اكثار ومعك العلاج اللي يهدي شجوني الحبه السودا دوى القلب لا انهار والحبه بخدك دوى من طعوني اسامحك لا اخطيت من دون معذار ماني مغيّر فيك

ما يضاهي عزّة النفس بالدنيا غناة عن دروب الذل يا خطوة العز أنتحي .

قلبي اللّي من كفوفي في كفوفك معك أمانه و الله الله في الامانه بس عطني قلبك اللّي وسط جوفك ودّي أحبه و أردّه في مكانه . حزمي بن سعد

لون ان الرجل مايقرب من المشبوه والمحظور ترا بقعا من النكبات ماتخلا علايقها ياكم رجال امسى فيه يده مال وذهب وقصور وجاه الصبح وايدينه على اللي راح يصفقها مقاديمك مع ربعك حزامك بنكك المذخور سواة الغيمه اللي لا ضميت يلوح بارقها .

أنتِ آخر خطأ وأول صواب أهتديه والخطأ والصواب أول دروب الرشاد أشعر إني معك عودٍ مقامه نزيه وأشعر إني معك طفلٍ حبيس المهاد احفظي وجهي اللي ما يعبد الوجيه واستري قلبي اللي كان قبلك جماد كان مالي عذر يقنع خطاك الوجيه يسقط الظّن في وجه الكلام الوكاد وش عليّ لو يموت الحُب وأبكي

الوقت من عام الأول خلقته خلقه والناس كلٍ يبي يعطيني الصالي وجيه متفاوته و أصوات منطلقه لا عمي بـ عمي ولا خالي بـ خالي ماعاد باقي من المحزم ولا طلقه ولا عاد باقي من العالم ولا غالي . مشاري محمد

عساني كل ما زل الكلام و ضاعت الاشوار ما اقول الكلمه اللي ما تكبّر قدري و جاهي لو تجوب البسيطه وتعبر ما بين دار و دار ما تلقى مثل قلبي ، لو تشوف عيونك اشباهي . فهد بجاد

الا يازماني ليت صدري سفينة نوح يشيل الاوادم كلها ويتحملها .

حياة التجارب علمتني وانا حسّاس وخلّتني اعرف نظرة العين وش تعني وانا لو بدتْ لي حاجهٍ عند بعض الناس اريد الكلام وعزّة النفس تمنعني . رشيد الزلامي

واحدٍ من كثر ما الله، مالح منطوقه ودك تسولف معه ولا تذوق العيشه . سعد علوش

ادفنوني في زوايا الذاكرة وانسوني مثل ماينسى نهار اليوم حزة بكره ودي اغمض على دمع العيون عيوني واقفل اذني عن جميع اللي تحب وتكره خاطري سامح وخابت هقوتي وظنوني  مثل طير فارق سبوقه وفارق وكره " اعتذر للي كرهني قبل من حبوني يمكن ان الكره صادق والمحبه سكره " والهقاوي لاتعدتني

على اني من اللي يعشق الصبر والإلحاح لكن الليالي ما تبي صبر وفتوه ياكم حاجةٍ صديت عنها عشان ارتاح مهوب اي حاجة لازم تصير بالقوه . عناد الشيباني

حتى لو اني فصيح لسان و مفوه لا تبلشوني وراء العالم و خلوني ماني معول على الطيب وعلى الخوه عن زحمة الناس يكفيني تليفوني ليش أتحرى سحابً ما نثر نوه ؟ وليش أتضايق من الخذلان وضنوني اللي بـ تسويه فيني يا زمن سوه واللي تبي تاخذه أخذه من عيوني . ضاري البوقان

علم اللي كل يومٍ يقابلنا بثوب ما يخدرنا كلامه مع من خدّره إن لقينا اللعب نزحف مع جوٍ لعوب وان هبطنا سوق طيبٍ خذينا ندّره العرب ما هيب تعلم مسدات الغيوب ووارد الما ما يدلّه يكود مصدّره ولا تجيك الحصبة إلا من فراش محصوب وحبة الجدري تجي من فراش مجدّرة والمحب اذنيه ماهيب

بين فرحة لقاك وهم فرقاك لاتذكرت جرح ولا نسيتك حي هالشوف ماتنمل دنياك شف سواة العيون ليا لقيتك عين تشربك شوف وعين تظماك لاذبحني ظماك ولا رويتك قمت اخيلك هنا وهناك وهناك وين ترحل بي النظره نصيتك ان تبسمت قلت الموعد شفاك وان تمنعت بانفاسي دعيتك وان طلبت الغلا قلت الغلا جاك وان

عليك السلام الوافر اللي بدون قياس يا عنقٍ عليه معلّق باقي آمالي مع إنك بعيد وطرقتك تتعب العساس أنا آشوف حلي فيك ، وآشوف ترحالي يطل القمر ولا يغيب القمر لا باس الأغلى تهون بـ حضرته ، قيمة الغالي عن الطلة اللي تنتظرها جميع الناس أنا فـ انتظار الطلة ، اللي على بالي . عبدالله