يمر طيفك كل ليله بالأحلام و افز من ذكرى تزعزع ثباتي

ماتدري ان الهجر للقلب فاجع؟

يآ سيّد البُعد طال البُعد وأتعبني وإستنزف الشوق صَبر العين وأبكاني إلى متى ! في كفوف الياس تزرعني ؟ غصنٍ ذبحه الجفاف وطاح متفاني ..

لي مدّةٍ و ظرُوف الأيام ضدِّي اقول تصفى و الزّمن ما صِفالي و إن دارت الأيام ما باح سَدِّي رضيت بالمَقسُوم مهما جرالي

" كيف؟ أتوب من الهوى وأدله وأقفي و أنت طيفك كل ما سجيت جاني ".

على ضفاف الحلم ضاعت احلامي

اخترت قربك بين هالناس نقوه واعميت عيني عن غلا كل مخلوق

تاخذني الذكرى لبعض المداهيل وازورها لو اني اصد عنها والنفس عيت لا تروم التعاليل مدري متى التفكير يطلق رسنها والذكريات الي تحدر كما السيل عجزت اودعها واغادر وطنها

والمكان اللي جمعنا منظره بالحيل مزريّ من بعد ماكان مبهج صَار ذكرى موجعه

نهيت قلبي عن وصالك ولاطاع غلاك تهمة والمفراق عذوبه من حقي اطمع فيك واصير طماع لو دون وصلك ياحبيبي صعوبة

درب الهوى مافيه للقلب رحمه الله يجازي غيبتك لو هي أيام شميت عطرك والمخاليق زحمه أثر العطور تصحي الشوق لا نام

اشتقت والي حط في قلبي الشوق ما فيه ليل يمرني ليل هادي في داخلي غصّه وفي صدري فتوق ولا رحت ادوّر عند غيرك ضمادي فرقت في عيني ولا فيه مخلوق ينافسك و الي ينافسك غادي

شوقي يهز أقصى الضلوع المهاديف ويهزني طاريك وأعشق سماعه حتى إذا جاني من دياركم ضيف يفرق سلامه عن سلام الجماعه

لو الهوى المحبوس في جوف صدري يظهر على العالم غشى العالم هيام فيني غرام فوق محمول صبري وفيني خيال فوق تصوير الاحلام صباحي أسرح لك و في ليلي اسري وإلى هجع فكري خفوق الهوى قام ..

وشلون أعالج جرح قلبي و اداويه لا صار قلبي منجرح من طبيبه

ساعة بدونك كنها عشرة سنين وانت احسب الايام وانظر لحالي

في زحمة الأيام غابوا مجاميع ليه انت بس اللي احسه فقيده ؟

عليم الله ماجاني من الفرقا لذيذ النوم اعاتب حظي العاثر واسامر خيبة احلامي .

انـت الملـك والممـلكه والقبايـل وانـت الخفوق اللي دعاني وجيته

وشلون لامرّت على البال ذكراك وطيفك سرق مني لذيذ الرقادي وشلون اعيش اللي بقالي بليّاك لا من غدينا كل واحدٍ بوادي علمني اكره ذكرياتك وطرياك وانسى من الليله صدوق الودادي