معنديش حاجه اسمها القرار الصح ، باخد القرار اللي علي كيفي طلع صح الحمدلله طلع غلط نشوفله مبرر

م انت مكلمتنيش ف افتكرتك مش عايز تكلمني ف سكت . !

مينفعش تفضل متمسك بحد وهو مش مستوعب حجم تعبك معاه،مش مطلوب تفضل تشرح وتبرر وتاخد من صحتك ونفسيتك واللى قصادك مبياخدش خطوه لكده،مش مطلوب كل ده يحصل علشان تبقى مميز عنده،بلاش تضيع مشاعرك مع حد مش حاسس بيك بلاش ترمي نفسك،إحنا غاليين والله بس مع ناس شبهنا وتشيلنا على راسها يا جماعة

أكتر حاجه بكرهها ف نفسى إنى دايماً بقفل المواضيع وأنا جوايا مليون سؤال ، بس بسكت وبكتفى بـ خلاص عادى.

محدش عارف نصيبه فين بس ربنا يجعل نصيبنا في كل حاجة عايزينها و يجعل فيها الخير .

عارف ايه أسوأ حاجة ممكن تقابلك ! إنك تتعامل إنك متجاهل حاجه و هي مبتروحش من بالك اساساً.

هييجى عليك وقت وهتتحوّل حرفيًا؛ لا هتعاتب ولا هتجادل، لا هتفتقد حد، ولا هتدوّر ع حد، واللى هيبعد عنّك مش هتسأل عن سبب بُعده، هتسمع كلام مش عاجبك لكن مش هترد ودا لا ضعف منّك ولا معناه إن الكلام مبقاش يأثر فيك.. بس هتحس إنّك أكبر من إنّك ترد، وإن راحتك وسلامك النفسي أهم...

الحقيقة ان الواحد بقى مرعوب يتعرف على حد جديد، او يثق فى حد، او يبادل حد الاهتمام حتى لو عاجبه، و محتاجين جهاز كشف نوايا يا إما هنتوحد .

احنا اتصلحنا اه بس بردو خسرنا بعض ..

عارف لما تكون عايز تشارك حاجة معينة مع شخص معين بس الشخص ده مش موجود؟!!!

التعلق ده اكبر جريمة بيعملها الانسان ف نفسه، يفضل يغرق ويتعلق لحد ما يبقي هش و out of control مجرد غياب اللي متعلق بيه قادر يهده ف لحظة .

مافيش خبطة هتتخبطها في حياتك ومش هتسيب فيك علامة، مهما كانت خبطة بسيطة، ومهما تخيّلت إنّها عدّت على خير، هتعدّي، بس هتفضل فاكرها طول عُمرك..

بتيجي فترة بتحس فيها إنك دبلان مش عايز حاجة ولا نفسك ف حاجة و بقيت إنطوائي بشكل يخوف ، وبتختصر أي كلام ، ومتعرفش السبب غير إنك مش كويس ..انا الفتره دي.😢

اكتر حاجه بكرهها فعلا وبتخلينى مقهور من جوايا انى الاقى نفسى بهون ع اى حد بسهوله كده ومش فارق معاه،خصوصا لو حد بحبه وليه مكانه كبيره عندى والاقيه عايش حياته علاخر كأن زعلى مالوش قيمه عنده،وعموما اكتر حاجه ممكن تقسى قلبى على حد انه يتجاهل زعلى وميحاولش حتى يطيب خاطرى ولو بكلمه

الحب مش سبب كافي لإننا نكمل مع أى شخص! التفاهم اهم من الحب،الأمان اهم من الحب،انك تبقي مطمن انك مش هيتغدر بيك مع اول مشكله اهم بكتير من الحب،انك تبقي نايم عارف انك لا هتتخان ولا هتتهان دا اهم من الحب،أنك تقف قدام المراية وواثق ف نفسك عشان وراك حد بيدعمك دة أهم من الحب❤

إنّك تيجي على نفسك وترضي حد على حساب زعلك إنت شخصيًا لمُجرّد إنّك بتحبّه من أكتر الحاجات الغبية اللي هتعملها وهتندم عليها بعدين، ماتستعجلش..

الواحد قاعد علي السرير حاسس بهزيمه من كل الاركان هزيمه دراسيه و ذهنيه ونفسيه، و كأن مجهودي كله مبقاش كافي لحاجه

مفيش حاجه اسمها "فرص بتضيع".. اللى فاتك مش بتاعك خلصت متتعبش نفسك ولا تزعل