هواجيسي بـ تال الليل جيش يقوده الحجاج عطاه ألاذن أبن مروان بـ البصرة و بـ الكوفه ؛)

تطير القلوب احيان لو طوّيت بـ اسوار ماهو طيار طير ان طار عود على ماكرْه خذوا مايناسبكم من الشور و الانظار انا رايي الشخصي عليكم ماني حاكرْه اصدق حديث العين لن اللسان امرار تخونه تعابيره لذا واجب استنكره ماتبلشك غير النظره الي لها تكرار ليا صرت ماتدري هي أعجاب ولا كره

رغم قسوة الايام والتجربه والنوح ما جربت شي اشد من غيبتك واقسى لهلحين وانته شف بال وغذاوة روح مواني غرامك في ضميري لها مرسى انا كل ما اكبر يوم تكبر معاي جروح ' ماني مقتنع في سالفة تكبر وتنسى ؛)

نوب الصراحه مره وتجرح انسان لذا السكوت اطيب بواجد من الهمس ترا الكلام الصايب في بعض الاحيان هو الكلام الي يودي ورا الشمس

عجزت لا احصل لـ الاحداث تآويل وانا معي رخصة ! و سواق موتر ؛) اختلطو الصاحين مع المهابيل ! من يوم جا التلفون' و الكمبيوتر' الي ضحاياهم من اول رياجيل ! اليوم صارو من ضحايا السكوتر ؛)

مدام عندي علم بـ ان الدنيا أتلف وتدور '' الي يجيني في الحياه من الضروف ابقبله عندي شعور ان الليال المقبله خير و سرور' لو المواري توحي بـ دهم الليال المقبله ؛؛

مهما تزّين رفقتك داريً عنك كانك تشك بـ خبرتي ؛ منت صاحي ؟ ما كنك ألا ضحكة موضف البنك ' الزيف فيها من جميع النواحي ؛)

مهما السان يخونه التعبير لا ضير ؟ نطق العيون ؛ افصح من لسان المحامي ؛)

إذا الله سهل أمورك تبي تشبع و تارد حوض يجيك الرزق من سابع سما لو انْك في وادي مثل ما لـ العباد حظوظ حتى لـ القصيد حظوظ يا كم بيتٍ قوي منسي و بيتٍ منتشر عادي

خلك من الي قال علم القلب يبديه ألسان '' (؛ مايبدي الي في قلوب الناس غير عيونها ؛)

تأخرت حيل و جيت بعد البطا ندمان وش مرجعك رح كمل اللي بقى هانت إذا كل شيْ نقدر نرده مثل ما كان ما نقدر نرد قلوبنا مثل ما كانت

ساعة لقا من غير سابق مواعيد تعيد لـ القلب الحزين انبعاثه بعد الغياب وضربة الراس بـ الحيد الوصل عاد و عاد تصميم أثاثه امس ابعد من الدوحة لـ نقرة الصيد واليوم قرب الواحد من الثلاثه ' ما كنك الا و انت مقبل من بعيد غيثً هما بعد (؛ صلاة استغاثه ؛)

عمر زود الحرص ماودى الحريص لـ ديره '' روس ما ذاقت جحيم من الليال تْوطى من يفكر دايم يعيش الحياه بـ حيره الليالي تجربة و العمر صن مغطى ؛)

لا تنشغل بـ الكلام مْن الخبول هرج المجانين ينفع ما يضر نسمع هوايل من خفاف العقول الباطل بعينهم وجهة نظر والله ما تلقى سبيل و لا حلول لو بعصى موسى وعلم الخضر من فضّل مسيلمه على الرسول له في جهنم مكانً ينتضر من صلب ناس طلعت ناسً تقول كاذب ربيعه ولا صادق مضر

الاشخاص نوب اشد وقعً من الايام عمايلهم تنافي كلامً يقولونه يخدم اليتيم بدمعه الصحف والاعلام وهم ينبشون جروحة و لا يخدمونه

من ايام عمرك واكب الي تبيه و عيش لا تعطي الليالي الماضيه زود أهميه لقيت بسكوتك بعد فتره من التفتيش عدم رغبة وقل اهتمام و كراهيه عرفت ان علاقتنا بدت تنتهي بشويش بعد ما قعدنا نسولف بكل رسميه

غالي علي لو ما تجيني ولا اجيك مهما تغيب ايام شاملك لطفي ترى صداقتنا ماهي نار ستريك عشان لا هملتها يوم تطفي

لاتصدق من يحط الكحل في العين القبيحة دايم الزيف ايتحاشا راي تفسير المعاني فيه امورً لو تخالف نظرتك تبقا صحيحة تستتر يالين يكشفها الزمن بـ اربع ثواني ذمت الي يدري انك طيب اجلال ومديحة ومدحت الي مايعرفك زين ذم بشكل ثاني