انهزم قدم الحبيب . . اللي يكابر في عناده كيف امثل ؟ والشعور الداخلي كله حقيقه

انا ماكنت اعرف ان المحبه فالغياب تزيد ولا ادري في غيابك يوم احبك وِش انا لاقي 👏🏻 الله عليك يابو بجاد

ذكرتك يوم جاء للبرق في عرض السحابه نوض فديت الطله اللي نورها يبعث شعاع الضيّ سقى الله يوم كان الصدر لركاب المحبه روض متى يمطر وصالك لين ترجع لي مثل ماهيّ انا اكثر مايضايقني مرور الماضي المعروض وهاذي مشكله ياليت حل المشكله في يديّ بعد طال الغياب وطالت الصده من المفروض يموت

اسامح المجتمع لو اكثره ظالم ماهمني لو وطيت الشوك والجمره المعضله كان جتني ردها والم لاحتار فيها الغبي واللي غريب امره ماطحت عند الخلايق والله العالم الناس بالناس مهووسه ومندمره عن المشاغل ورى " مشاكل العالم " ياليت الانسان يشغل عمره بـ عمره

واقفٍ نصف الطريق ولا لقى قلبي مراده كيف أدور لي مفر؟ وكيف أحصل لي طريقة؟

' من حرّة الشوق يجفاني لذيذ المنام و الليل ؟.. ما يقبل الا جايب طيوفها تغرّهم ( بسمة ) إللي يحسبونه تمام و قلبه رهين الحزن من جوفه لـ جوفها مرت علي .. بس ما مرت مرور الكرام ! راحت وهي شايله قلبي على : كفوفها غيداً !.. قبل لا أعرفها ماعرفت الغرام حبيت لون البحر من لون "

قصيدة مُشتركه مع المُبدعين الله يصحّ ألسنتهم: طلال الهاشلي احمد بن خلدا داموك سلطان بن نواف خالد ابن غصن فيصل العضياني فارس السطام عتيم ( كل بيت وله شاعر، والأسماء بكره بتنزل )🤍 . " لي بيت .. من الذكي الي بيجيبه من محاوله وحده ؟ (: " .

مساء الخير , لي مع المبدعين بيت من بيجي به ؟

لا قل مافي يدينك قلل الله حلاك لونك اعذب من النسناس ولطف ورق المال عند اكثر العالم يحدد غلاك اليوم وحدة قياس الناس حسب الورق #عبدالله_بن_شاهر

حاضري ماهوب شي الوعد مستقبلي يا حرارة كبد حسادي القادم احر ادري اني بعض الاحيان يحكمني جهلي يوم اعلق مجمل احلام عمري في نحر مير عن قمة طموحي بعد فضل الولي ما يرجعني براد الزمن ولا الطحر اتقدم وادحم القوم والمخرج ملي يوم بعض الناس لا رد عن دربه جحر ومن بطن حوت الليالي

ماقدرت أنساك يالوجه الجميل الراضي و أنت جرحك فـ الهجر مالكني بـ معروفه الجفى حكمه علينا مثل حكم القاضي لين .. ما صارت تفاصيل الجفى مآلوفه لا تقول إني عن شعور الهوى متغاضي تدري إن نفسي على يوم الوصل ملهوفه ليت عندي قدره أرجع لـ الزمان الماضي و آتأمّل في جمال " الصوره المحذوفه "

السلام عليكم، مسيتوا بالخير. هذي أسماء المُبدعين . - كلّ بيت تحته اسم كاتبه🌷. فيصل العضياني فارس السطام طلال الهاشلي احمد بن خلدا خالد ابن غصن عتيم داموك سلطان بن نواف شكرًا يامُبدعين، والله يبيّض وجيهكم🙏🏼🤍.

البال .. شارد " يا الغزال الشارد " خلّي مشاريهك علي !.. من بكره ما عاد ودّي " بـ النسيم البارد " ودي بقلبٍ لا تشايم ؟.. يكره يضيع حقٍ !.. من وراه مطارد يقوله إللي ما قدر ( يحتكره ) اذا الخطا ؟.. عند الأوادم وارد : فـ الدين و الأعراف نلغي الفكره عادي لا شفنا لـ الفضيحه سارد

انتي ، اصلن من سلالة طيبين السيرة من يردك دام جدّك كلمته مسموعه الجمال العالمي يطغى على أهل الديرة كل ما تمشين من شافك لقى موضوعه والشجاع اللي سرقتي فرحته ماغيره ؟ يوم ، يومين و تشوفينه يمّش دموعه لا تقولين ؟ الحزن واضح عليّ تأثيرة الحزن لا شاف وجهك" غادر المجموعه "

أنتي سواة ونعم قدام ( ذرب اليمين ) مهما تشح الليالي مآخذك .. مآخذك ناصر بن مفلح

من دورة الوقت , والايام فيني ذهول محتاج راسي من , الثنتين سبعة رتب اتسابق القلب دقاته , مسابق خيول شيٍ ما شفته على الواقع ولا فـ الكتب ! العام تلقى لـ اجل قل المواصل حلول واليوم مني تشوف , ان التهاني عتب !! عشان وصلك يطوّل جعل عمرك يطول ضحيت بـ احلام عمري بس ما الله كتب !!

صباح الخير .. المواقف تعطيك الإجابة بكل وضوح ، فلا تتظاهر بعدم رؤيتها ."

ياللي غفيت اْمن الزمان وفقْت تعبت أداري ، قلبك الحسّاس لاباس ماتنفع متى ماضقت لا يمكن الكلمه ، تزيل الباس صدّقت والا ما بعد صدّقت ؟ تفتح سموعك دقّت الاجراس ! اتعلّم الساعه بفرق الوقت ويعلّمك وقتك بفرق الناس !!

قال رسول الله ﷺ " أكثروا من الصلاة عليّ ليلة الجمعة ويوم الجمعة ، فإن صلاتكم معروضةٌ عليّ " . اللهم صلِّ وسلّم على نبينا محمد