يا ليل عطني من سكونك وممنون مشاعري تال الزمن فوضويه ياليل انا صاحي ولاني بمجنون واللي حصل ياليل ماهو شويه شاعر ولكن ماني بشاعر الكون ثابت شدادي فوق ظهر المطيه من غير رب الكون مانطلب العون ياقوم انا نفسي عزيزه عليّه #عذب

ماهو جفا مني ولاهو جفا منك فيكم وفينا ما فقدنا ثقتنا ماهو بكيفي غصب يوم ابتعد عنك تدري ضروف الوقت عنك ابعدتنا من واجبي حبيت اوضح واطمنك احذر من اللي ما يبى مصلحتنا #عذب

من مشرق الشمس حتى غيبت القمرا احاول ارتب افكاري واجمعها ماعاد اميز حلا البيضاء من السمراء صلفات الايام هدتني مواجعها العين باالذات من زود السهر حمراء على خدود الشقا هلّت مدامعها #عذب

انتبه لا تفتح الباب ،،،،المسكّر حاول انك تتركه وتشوف غيره قبل تبلش باالمؤنث والمذكر المهم الادمي يرضي ضميره مانقول الملح طعمه طعم سكر والكبيره ما تقارن باالصغيره دام عندك عقل باالموضوع فكّر بعدها شاور عسى باالامر خيره #عذب

ماني محايل باالحيل كل محتال الثعلب المكار يلقى ثعالب حنا نعيش احرار في كل الاحوال وتعيش باالمستنقعات الطحالب #عذب

لا تشوه سمعة اللي …..ماتحبه الخلاف احيان بين الناس وارد الكفو يبقى كفو مهما،،، تسبه لا تكثر هرج يا ابو وجه ،،،،بارد #عذب

حنا بدو والبدو بلحيل صلفين من قسوة الايام فينا،،، قساوه #عذب

ودعتها تحت النصايب وقفيت والدمع شفته بلل اطراف كمي لو كان تسمع كان باالصوت ناديت بقول يمه سلميلي على امي #عذب

حزني ودمع العين ماهو على الكيف حزني بقلبي ترجمه دمع عيني احيان دمع العين راحه و تخفيف يبقى علاج الضيقه اللي تجيني #عذب

ياصاحبي خذها صريحه من اليوم ما عاد باقي للمجامل مساحه دامك تجيب علوم و تودي علوم باالمختصر وصلت حد الوقاحه #عذب

اللي نحسبه باالمواقف سندنا ماشفت له بين المطاليق جرّه في لازمه ياما بذلنا ،،،،،،جهدنا يوم الليالي بين حلوه ،،،،ومرّه ياقو عين الحاسد اللي حسدنا الله يكافي طيّب الناس ،،،،شره #عذب

رجال مثل الكنز واغلى من الكنز باالطيب وقفاته تجي في وعدها اما الردي لاوالله اردى من العنز حليبها ما فاد حتى ،،،،،،،ولدها #عذب

الموت يأخذ شخص عادي ومشهور مهما يطول العمر مشروب كاسه قفى ف ابو مرداع في لحظة سرور الطيب اللي كان مصدر وناسه ياالله عساه بجنة الخلد والحور واجبر مصاب متابعينه وناسه #عذب

شفتها باالحلم ،تزهمني وجيت قلت يمه واشرت ،،،،،،بكفوفها سلمت وانا من الفرحه ،،،بكيت جات فرصه ماقدرت ،،،اطوفها ليت حلمي طال ودي ماصحيت ودي اني كل ليل ،،،،،،،،اشوفها #عذب

ضيف الله العنزي دام الغلا ماهو مع إنسـان يغليك وفر غلاك لواحدآ ،،،،،،،،،،،يستحقه لا تبعد الهقوه وتذهب ،،،،،هقاويك صاحبك من بين المخاليق ،،،،،،نقه

خلك معي صافي على طول الايام لاتفتح ابواب الجفا ،،،،والقطاعه حنا نعدك باالزمن درع ،،،،وحزام مثل الجبل في قوته ،،،،،وارتفاعه ان ادري انك حر وافي ،،،،ومقدام رجال ماناقصك طيب ،،وشجاعه #عذب

قال رسول الله ﷺ : أكثروا من الصلاة عليّ ليلة الجمعة ويوم الجمعة فإن صلاتكم معروضة علي" .. اللهم صلِّ وسلّم على نبينا محمد وعلى آله وصحبه أجمعين .

اجيها وانا ضايق واعوّد وانا مرتاح شعور الحنين اللي فقدته بفقد أمي طفى من بعدها شمعة البيت والمصباح ولا باقي الا حبها يجري ،،،،،،بدمي يادمع المفارق لا تزيد الجراح جراح انا ما اتحمل همّ ثاني على همي بعدهاقفلت القلب باالقفل والمفتاح ولااعطيت مفتاحه لا خالي ولا عمي #عذب

كله بسبة كل مطرود ،ملحوق كما جاتنا فرصه وراحت علينا #عذب

صحيح نصبر ولكن صبرنا له حدود واليا تعدى حدوده ما علينا بااحد ياثعلب الغاب لاتدخل عرين الاسود مصير مجهول ما تدري وش اللي بعد ماياصل المجد من يجهل طريق الصعود ولا كل من هو تمنى للمعالي صعد #عذب