واهدِ قلبي، وسكّن مواجعي، وتلطّف بِأمري

طلع مفيش بعدين !

انهارده عيد ميلادك يا عمور.. عيد ميلادك لما كنا مخطوبين و كنا لسة بندور على شقة و بنتناقش في المكان ساعتها قولتلي الكلام ده.. الكلام ده محفور في قلبي و عقلي والله، من كتر ما كنت بحسه حقيقي و صادق جدًا مفتقداك أوي أوي، بس عساك في الجنة يا حبيبي و كل أيامك تكون عيد ان شاء الله

والله يا عمرو لسة بقف مش مستوعبة انك سيبتني أنا و عاليا و مشيت، و انك مش معانا في كل اللي بيحصل ده الدنيا دي وحشة أوي أوي و ماشية مجبرة على كل حاجة والله، و كل حاجة تقيلة أوي على قلبي بشكل صعب

الذكريات بتدي للمكان معنى، و أنا قلبي متعلق بالمكان ده حاسة اني سيبت قلبي و مشيت

﴿وَإِلَى اللَّهِ تُرْجَعُ الأُمُورُ﴾

مبتغيش عن بالي طول اليوم يا عمرو، فاكراك في كل تفصيلة حبيبي..

لما بشوف صوري القديمة و شكلي وأنا بضحك أو بتكلم (كان فيهم حياة)، بستغرب نسختي القديمة مش الجديدة حاسة اني نسيت شكلي و مشاعري و أحاسيسي اللي كانت بتخليني كدا مبقتش مستغرباني دلوقتي و حاسة اني بقالي كتييير اوي كدا، و حاسة اني مش فاكرة حاجة عن نسختي القديمة أصلا