صحينا بعد ليلة أشبه بالموت الحمدلله احنا لسا عايشين بس مش بخير ابداً ومش مسامحين اللي شايف وساكت💔💔💔💔

شفت ستوريات إلي مستشهدة والناس بتترحم عليا وانا عايشة مزيج من الدموع والضحك!

نفس مش قادرين نتنفس ، ايش هاد حاسه هموت من الوجع

اللهم إن القلب قد ضاق، والروح أنهكها الحزن، والعيون ملت من النظر إلى الظلم والخذلان. فاجعل لنا من رحمتك فرجًا، ومن قوتك عزاءً، ومن لطفك مخرجًا💔💔

خايفة أتأمل هالمرة! عشان بعرف الشعور الليّ بحسه كل حدا عايش بغزة بعد شعور الأمل قبل يومين بس الفرح عم قلوبنا التكبير والتهليل بالليل في كل غزة يومنا ماشي طبيعي وباصمين ع الهدنة وفجأة بغمضة عين انقلب كل اشي خوف ، نزوح، فقد مش متأملة بالمفاوضات ولا بحد أملنا بربنا وبس

ما عاد فينا نحمل كلمة اصبروا ولا نتحمّل نظرة شفقة ولا نصدّق وعود العالم اللي نام علينا إحنا مش بخير… ويمكن ما نرجع نكون

هدنة

تخيل فرحتي بكاسة شاي بعد أسبوع! مش لأنها زاكية، بس لأنه كان ناقصها سكر صرنا ننبسط عالشغلات اللي المفروض تكون بديهية يعني عنجد وصلنا لمرحلة نفرح عشان شربنا شاي بسكر؟! شو صار فينا؟ أبسط الحقوق صارت إنجاز!

تعبنا تعبنااا كتييير 💔💔 بنموت ومحدش داري فينا احنا بعالم ، المفاوضين بعالم ، باقي البلدان بعالم حسبي الله ونعم الوكيل ، الحياة اصبحت لا تطااااق يارب الطف فينا وبس

في أصوات قصف غريبة أول مرة بسمعها حد ملاحظ!

يالله !!!

كل يوم نفس المشهد، إخلااااء، خوف، موت وين صارت الهدنة؟ هدنة إيش وإحنا بنعدّ شهدا بالعشرات؟! قالوا في حلول… بس إحنا ما شفنا غير الدمار بيكبر والألم بيزيد،عادي تسمع صوت القصف وأنت نايم، عادي تبكي وتكمل كأنو ولا صار اشي بس لا إحنا مش نفسنا، إحنا من جوّا بنموت شوي شوي!💔

عايشين أيام صعبة من جميع النواحي 💔

بكره الليل وبخاف منه.

💔We are still alive هنموت ومحدش داري عنا صرخنا بس الصوت بيروح في الهوا، والدم سايح، والحكاية كلها صمت!😞

يا الله، خلّصنا… خلّصنا من الوجع اللي صرنا نحكي معه كأنه صاحبنا، من الخوف اللي صرنا نحضنه قبل ما ننام، من الجوع اللي ما بيحس فينا حدا، ومن الظلمة اللي غرقنا فيها واحنا عايشين! يا رب، ما إلنا غيرك… وإنت شايف وعارف💔

كيف لصدر أمّ أن يتّسع لكل هذا الفقد؟ كيف لقلب أن يحتمل احتراق تسعة أسماء دفعة واحدة؟ كيف لذراعيها الصغيرة أن تحتضن جثثهم معًا؟ والله كتير هالوجع

كل صوت عالي صار يخلينا نرتجف، وكل وجبة بنحسها آخر واحدة، وكل ليلة بنسأل حالنا: هل بكرا رح نصحى؟

هدنة بالليل ، اخلاء الصبح‼️💔

الحرب والجوع والتشرد كوم وجرعات الأمل المزيف كوم تاني! مش متخيلة انه بعد يومين من الامل والانتظار وتلويع القلب المفاوضات بكل بساطة تنهار!