يوم طاحت عيني بعينه ضحك ضحكة معنّى وشافني من عين قلبه مثلما عيني تشوفه.

كيف أناديك لا خان الزمان المكان وأنت صوتيني التعبان والمستريح!

لو تقاس الاهتمامات بـ مدى بكيي عليها مابكيت الا على فستان قصْر و روج ضاع.

لاح وجهك فالفصول وفي رضاي وفـ امتناعي وش سرقني عن بواكير الربيع إلَّا خريفه

وش أسوي بـ روحٍ عليها القدَر جرّاي ترى ما أحدٍ عقبك يعوِّض خسَارتها.

رهيفٍ كان أخَفّ مْن النسيم إلى طرَق مجدول على مهله كأنّه في المشي يمشي على أهدَابه

مرحلة مدري متى تعتقني وتطلق سراحي ما قدرت اعيشها ولا أنتقل للي يليها.

من تولّع فيك يفقد صبره الأيوبي لا الوصال مطمنه و لا الفراق أشوا له.

ودك أنه ليلٍ أسود تسجّ القدم وتسريه -لكنّه للأسف شعورك

و لا منّه سرى من كل ليلٍ حروة الثلثين عرفت ان نسبة النسيان دون ثنين بالميّه.

وداعي معذره يـ الراحلين وللوداع أعراف اعرف اشتاق ما اعرف اتمسك في يد المقفي

ما سلّا خاطره في ما يحفظ لـ مدغم، وضيدان سرق صمتك وغنى له طرب "لبيه يا منادي".

لا تأشر لي على رمضى الضوامي وانت فيَّة كم لي أسعى في القلوب السود واحتاج القعاد.

لا النور بان ولا الدروب أستتبّت والي فتل لأجلي حباله قطعها.

مع اني هاديه وجه وحكي لو ضاقت الاحوال يجي هذا الحزن صخب ويلازم فكرة ابياتي.

على الهون ماحنّا على القاسيات جداد تشين السنين تزين قدهي عوايدها.

على الشوق الملامه لا عليك ولا علّي خلاف جماهير الجفاء ما همّها الجافي من المجفي.

حفظت بسهرة البارح سواليف النخل والريح ورسايل نجمةٍ حبّت سحابة من طرف واحد.

ما زرعت الورد لـ افواج الرياح الموسميّة وللخريف، وللكفوف الي تمرّ ،وللجراد زارعه لا لاوعتني شمس عمرٍ سرمدية ألمحه واتذكّرك ويهبّ في وجهي البراد.

لا تعلمني على فرق الغرور من التغلي العيوب اللي على غيرك عليك من الفضيله.