منَ يشمـّه مات عمره ماتطيّب وش يبي فالشيح والعنبر حلالَه

اكبر فخر للناس اني من الناس واكبر فخر للارض ممشاي فيها

نسوق الأرض ونرمي الأحلام ونعنّ الديار وناخذ مكاسبنا من انياب الليالي والخطوب من يشبع الداب العما اللي في طرف وادي وغار ماهوب مهلكني وأنا مبصر واصلي له وأتوب

ليا بغت شي كنه من بناجرها على هواها يروح يسار ويميني

حمامة سلام ساقك الله لـ قلبي لين ربيتي ورى عوج الضلوع وتمكنتي عليك السلام الصادق ايلين يوم الدين سلام يحفاك بالرضى وين ما كنتي ياكثر الوله من يوم غبتي اللى هـ الحين وياكبر الفراغ اللي ما يملاه غير انتي لا عل العوض فالليله اللي تضم ثنين اللى امنَت بعد الفاتحه وانتي امنتي

عايض العاطفي وفنّ التجاهل : قال السموحة كنت احاربك لي عام قلت: السموحة منك ما كنت داري ولمن يعتقدون انّ كل صيحة عليهم يقول صالح النشيرا: انا ماعندي مشكلة في كثرة أعداء النجاح المشكلة ! فالفاشل اللي يحسب إنك تحاربه

"ما ينحسب عمر البنادم بالأعوام بعض السنين نعيش فيها ليالي" - متعب التركي

عن الكرامة قال بندر بن سرور : ماني وأنا بندر بهيت ولد هيت هيت يجامل خمة يكرهونه من كثر ماجربت واقبلت واقفيت قوله هلا لمن لايودك مهونه

انا اشوفك بقلبي و النظر للناس غرامك عاجزٍ لا اشوفه .. بعيني ليا مني لقيتك .. ضاعوا الجلاس و ليا مني فقدتك .. عاد انا ويني و رغم كل المشاغل سيرتك الأساس ليا صار الحكي .. ما بيني و بيني لك الله ما خذلتك و إترك الوسواس احبك و انت فيني و كل ما فيني

انا ماني با اتعذّر من الطيّب عنده اعذار ٍ لي اطيب من اعذاري - سلطان عباس

على كثر ما تنقل الأخبار " دورات السنين " لا زال ما يرفع مقام الحب : غير التضحيَه _ ناصر بن مفلح

" ان ذخرتك لليالي لقيتك نور عين وان ذخرتك للشدايد تجي محزم ظهر انت مدري وش اسميك يالجنب المتين ما غير تجرى في بحور الطيب مجرى نهر " ⁃الجُوهره

أشوفك من بعيد وتمتلي كل الدروب « ألغام » واسوق الرجل صوبك ما تعبت ولا نشف ريقي. - علي مسفر

عزالله اني ذالسنه خاطري شين قامت تزعلني الامور البسيطه - محمد بن مشيط

مع إنك بعيد وطرقتك تتعب العساس أنا أشوف حلّي فيك .. وأشوف ترحالي

ليه قسّتك ( الليال الغبر ) يا ضاف الجديله كيف تصبح بعد امان الشاعر الهايم جداله ليت يوم انك نويت بذبحتي ما جيت غيله كيف تسمح نفسك لقلبٍ يحبّك بـ اغتياله من يبايعك فـ غلاك ومن يعدّيك الطويله ذا جزاه يموت من حبك ويرثي ما بقى له ! - فهد بن بجاد

لكن كانني "تشافيت" مسموح وان "مت" جعلك من ذنوبي مباحي

كـل ما قرَّرت أخليك خليت القرار ما دريت إن الهوى صعب يا عذْب الِّلمى أنت بحرٍ في خريطة ونجمٍ في مدار لو أطير من الأراضي لقيتك في السِّما

حسّسيني - بـ قربك - قد ما تقدرين و إكبري في عيون .. ظنوني الخايبه من برودك معي ما أخاف لو ترحلين أنتي أصلاً ؟ كذا .. ولّا كذا ( غايبه ) ما آفترقنا و لكن شبه - متفارقين - مدري إهمال .. ولّا نفوسنا طايبه _ عبدالرحمن بن جزا

أحيان حتى الرفيق إللي على النيّه يجيك : بـ النيّه إللي " ما توقعها " _ ناصر بن مفلح