استحيت من المشاريه ومعاتب جفاك واقتنعت ان الغلا مايجي عرض وطلب .

لك أيــام مـتغيـر ولا أنت بالمعتاد يعلمني أسلوبك وترحيبك البارد انا والله اني ماجبرتك على المقعاد تساميت عن رفقتك دام الجفا وارد

من عقب . . ما بانت خفايا نواياه صديت عن درب الهوى حشمةٍ لي :)

مستحيل اسألك شاللي جاك منّي لاني أدري ماتجي مني مضّره ردّ صوتي لا ترد العلم عنّي من لقا صوتي من أوتاره يجرّه شي طبيعي لو ابي ابعد لأنّي حالتي وياك ماهي مستقرّه كل ما ظنيت فيك يخيب ظنّي كم مرّه انخذلت وكم مرّه؟ تحلف لي في غلاتي وادري إنّي "مالي بقلبك ولا مثقال ذرّه"

ماني من الي يتبع الطير لا طار من راح محد يتبعه غير ظله

فمان اللي كتب بعد العمر هذا نصير اغراب ولا به شيّ يعطيني على وصلك ابد دفعه فمان الشوق والذكرى واماني لمّة الاحباب فمان الله و خذ حبك معاد الصدر يتّسعه

ما الله خلقني اشكي الهم و أبيح خفاي الله خلقني اناطح سود الليالي وأباريها

هو جرحني جرح يبطي فالتئامه هو عطاني درس قلبي مانساه في مقابل وجهي تشوف ابتسامه والحزن يملا فؤادي واكتساه.

صديت من عز نفس وطيب خاطر لا طابت النفس يرخص كل غالي

لو شافها عبدالصمد يتـرك العود ويصنع روايع خلطته من شعرها

يامرحبا بالرقم في ذمتي والسناب بعد الغياب الطويل وبعد طول البطى تذكر يوم اقولك روح مراح السحاب وتقول لي ياعشيري روح مراح القطى شف تاليها ياحبيبي غلقه واكتئااب والشوق عندك سطى والشوق عندي سطى على العموم الله الله يـ سمَح الجناب تراني احبك ولاكن ماحب الخطا

انا الغريب ، الصادق ، الطيب ، اللي ما عاد يستغرب من الناس حاجه .

ملنا وجملنا الوجيه اللي تعرف الطيب وثمر وقفاتنا ما ينجحد شكله ولا نوعه زرعناها ..ولا قلنا وش بتنتج و وش بتجيب على الله العوض كان ازهرت في بطن بالوعه

يارفيق الذكريات وياشريك فؤادي كل ظن فيك ظنيته ؟ تجي من فوقه يتسلل صوتك من الذاكره وينادي لين يفتق جوفي اللي كنت أخيط فتوقه ايييه يا لبيه ،يا موتي ،ويا ميلادي، - جعل حزنٍ مرني ما تونسه وتذوقه - ياوقودي وأندفاعي بالحياة وزادي ياحشاشة جوفي وقلبي ودم عروقه :)

بيني وبين النفس حرب وطلايب مرات انا الغالب ومرات مغلوب  تمضي حياتي بين مذنب وتايب  واللي يريده خالق الناس مكتوب والغيب عند الرب ماهو بغايب لكن عن المخلوق خافي ومحجوب والنفس والشيطان ربع وحبايب  بآسبابهم كم واحد راح معطوب ..

مشغلني التفكير فِ بعض الأمور تجمعت فِ وقت واحد كلها محتاج لي مخرج ومنفذ للعبور للشجره .. اللي تحتويني ظلها صبرت فالدنيا وانا ماني صبور شيّبت من كثر الهموم وحملها أحلام في عقلي وفي راسي تدور بس النهايه م قدرت اوصل لها

يارب ترزقني على كل حاجه  سويتها من طيب نيّة لـ مخلوق .

عمر الزمن ماحقق لخاطري شي  جعل العوض في مقبلات الليالي .

قالت ثواني واتصل ، احذر تنام تكفى حبيبي لازم تكون رايق كانت ثوانيها قبل اربع اعوام وشلون لو قالت حبيبي دقايق !

تعال قبل الورد يذبل و السهر عينه تنام قبل تجف الـ مرحبا وتموت بلساني هلا ترى عزيز النفس لامن عاف عاف بلا كلام والله لو إنه وطن .. ما عاد له حب وولا ما ينتهي كثر الغلا .. إلا " بقلّ الإهتمام " وإن جيتني بعدين مالك لا حضور ولا غلا