لولا رحمة الله كان ما قمت يوم أطيح ولا كان نفسي حطت الصبر مركاها أكافح سرايا ضيقة الصدر بالتسبيح مثل ما تكافح رمدة العين بدواها تطيب الجروح الواجده و الهموم تطيح من القلب كان الله بلطفها تولاها عسى المقبله فيها من الجود هبة ريح وعسى الماضيه تغفر من الله خطاياها

مع أني تارك أيامك ورا ظهري قدر الإمكان ضحك وجهك وسط ذكرى و وقّف شعْر أيديني وهذا اللي جنت نفسي علي وماجناه إنسان أنا يوم أذكر اللي فات منّك، وش معنيني؟ تذكرتك عسى ﷲ يذكرك بالخير مهما كان لو اللي فات منّك مايعود .. ومايكفيني

" عسى الله يكتب أحلامٍ تمشيني بدربٍ صعب تقّويني عزومي لو تعبت و تعبت أقدامي و لو يوقف بوجهي جيشٍ مسلح و ثورة شعب حلفت إني ما أوقّف لين ما ألقط درّة أحلامي "

وين عني كان يوم إن الزمان تهب نوده ليه جاء في وقت فيه أحلام عمري في كفنها

روضٍ يسقيه السحاب الماء بعد ذبلت وروده مثل من تضحك له الدنيا بعد ما سمح منها

على نبرتك تهتال المسامع و الضلوع تشب و من منطق كلامك عازف الناي يعزف نايه متى ما قامت تلوح السحايب و الهبوب تهب تطالع بالسما ما كنك الا تطالع مرايه انا مهما بلغت من المحبه و الشعور الصب احس اني الين اليوم ما حبيتك كفايه

يامالك المُلك السنين البيض مافيها سنين ماغير صبحٍ عاث في نوره ظلامٍ سرمدي هب لي من الأفراح وأجعلني شديد الباس لين أضحك على كل الجروح الصلف منها والندي وأجعلني أرد من حياض الانبيا والمرسلين مافوقي الا عرشك و تحتي الثريّا والجدي

مادام ربك على كل شي قادر وكل شي تحت امره ظلام حزنك بنقطة ضي يمحيه..لو كان ياكثره

« أتعب ورا حلمٍ عقدت الأمل فيه لو ما بقى من عمرك إلا شرايد »

ذكّرتك .. وغيّر الله شكلي ولوني يا طيّب الذكريات .. وطيّب السّمعه أشتقت للعُمر معك وفاضت عيوني ومن رجّع الذاكرة .. ما رجّع الدمعه ومن يوم ما أخذك القدر وانا على هوني ما اعرف الاسبوع غير بـ «ليلة الجمعة»

« فقدك المجلس اللي ضمّنا ، والباب ، والشباك ورصيف الشارع اللي تسلكه ويديك . . بيديني » وأنا أشدّ الفاقدين

يصبرني على ثقل الليال إن الأمل ما زال ينسيني شقى النفس و يضوي لي متاهاتي أغيب بلا سبب وبلا سبب يربكني الترحال و أعوّد للمكان اللي يضم أربع تجاهاتي مع إني هادي وجه و حكي لو ضاقت الأحوال يجي هذا الحزن صخب .. و يلازم فكرة أبياتي

« يارب الصبح أبي لي صبحٍ في قلبي ينوِّر الطريق اللي على بالي وأحلم به »

لقيتّك ماتشابهني ولا ديارك هي دياري ولا طبعّك مثل طبعي ولا مثلك يناسبني شريت البعد واخترت الفراق اليوم اجباري وانا الي ماهقيت بيوم زماني عنك يبعدني فمان الله يا قلب عطيته أجمّل أسراري فمان الله حتى لو ضميرك ماستحى منّي

على الهون يازهرة شبابي وتو الناس علي العمر يمضي والافراح منسرقه تلج الطواري كل ما ذعذع النسناس على واحدٍ بين العرب واضحٍ فرقه شعور المسافه بين حبل الرجا والياس شعور المسافر كل ماطالت الطرقه

في زحام المغريات وليلها المتمادي من ترك لله شيءٍ عاضه أبرك منه يالله أعصم من محابيل الحرام فؤادي عصمةٍ تاخذني بيمناي لين الجنة ياعظيم الملك وأنت المستعان الهادي باب جودك جعل مانيب محجوبٍ عنه كل ظنٍ في سواك من الخلايق غادي وأنت عبدك عند ظنه لا أحسن بك ظنه

« عسّاه صبحٍ فيه من النور مايشرق صدورنا » صباح الخير للمداومين فقط وبالذات للنيرسز💘

والله إني ما أتردّى ولا أحب القصور وأتجاهل كل من هو ضعيف ومُبتَلى رافعتني عزّة النفس لحد الغرور والثقة بالنفس لأعلى مكانٍ مُعتلي لا دعوا لي والديني بتيسير الأمور ما علي من باقي الناس لو تدعي عليّ

«ركعت لين الحمل من عاتقي طاح سجدت لين هموم صدري تلاشت»

ماقدرت أرثيك يادمث الجناب اكتب البيت اللي يوجع واشطبه والله لا معجم لغة .. ولا كتاب فقدك اكبر من رفوف المكتبه ما زهاك إلا الدعاء المستجاب اللي ترتاح الضماير بـ سببه وإن رثاك المزن من غر السحاب ما معي غير القصيد ارثيك به