وسيمي له كم يوم فيه طفش ويبكي غالبًا بيطلع له سن اليوم وصل للذروه والبيت كله مستنفر -تمشى ساعتين -ابوه لعب معاه ساعة -اخوانه تحولوا لمهرجين -انا بح حلقي من الأهازيج ينبسط شوي ويرجع للطفش والبكاء😢 بالأخير حطيت مويه دافيه في حوض الاستحمام حقه وحطيت ألعابه لعب نص ساعة وهدأ ونام♥️

اللي عندها عيال أشوى .. بنعمة واللي مايعزون امهم بعد ما ربتهم لمن صاروا رجال هذولا ما فيهم خير قريبة امي تزوجت رجل شبه عقيم أهلها قالوا بيطلقونها لكن رفضت وبعد سنوات طويلة جات أطفال الأنابيب وتزوج وحدة صغيرة عشان تنجب له وطلق ذي وبعد فلة كامله لها رجعت في غرفة عند أخوها مع عياله

كلامه يقهر هذه النوعية من الاباء المفروض يتم تحويلهم للطب النفسي ودراسة حالتهم ومعرفة الأفكار اللي من خلالها تستطيع المرأة ان تميزهم حتى لا يتم تزويجهم وينتهي نسلهم المضطرب هذا !! الإنسان السوي يكرم فلذات كبده بالعطاء ولا يتركهم لشفقة الناس ورحمتهم ما يفعل هذا الا ذليل.

الله يتقبل منا ومنهم ومن إخواننا المسلمين الأعمال الصالحة ويجعلها خالصة لوجهه مكة أرضنا والكعبة قبلتنا وأحب المحبوبات إلى قلوبنا بس لو نستشعر اننا أحببناها (تدينًا) لا عادةً ولا ميراثًا دنيويًا ونكف (تدينًا ومخافة من الله) عن الهمز واللمز في بعضنا !!

ودي أعرف ليه بنات سببت لهم الم وبنات لا ؟! هل لها علاقة بالجسم او قوة العظم او الغظروف والا ايش؟ انا من اللي سببت لهم الم ٤ سنوات وظهري يولمني مكانها كأنه مسمار موجود بين الفقرات

عمرها ١٤ المهر ١٠ الاف الشقة إيجار الراتب ٢٠٠٠ !! تصريف الراتب ١٨٠٠ اجار ٢٠٠ ريال يشتري لها بيضة كندر واندومي كل يوم حبة😂 ذولا صاحين بالله بدون مجاملات لو رزقني الله ببنت ١- استحاله ازوجها في هذا العمر ٢- إذا نضجت وقررت ازوجها ما زوجتها الا من يوازينا في المستوى المادي

ودي أعرف ليه بعض النساء اذا كان الموضوع شيء يخص الزوج يصير رأيها متشنج لأبعد حد؟! -الزواج عطاء متبادل زي هي ما تحب منه عطائه عادي اللي زوجها يحب يفطر في البيت وهي ربة منزل وما عندها شاغل يرهقها تصحى تفطره وتودعه ماله داعي يتحول موضوع بسيط الى صفحة كلها مظلومية وحرب وتنظير!!

هذا شكله خوي اللي كان متزوج ثنتين وينام في المسجد هارب منهن وشيش صاحبه يتزوج الثانية على أساس انه مبسوط وهو بس عشان يبغاه يصير ينام في المسجد يتونس معه😂

واللي فيها ذكور كثير 🌚

الاول حطيته معي على السرير وبيوم صحيت نص صحوه ورضعته وانحنيت عليه وبغيت أكتمه ويودع😭💔 جتني صدمة ما هي طبيعية ورعب ونوبات هلع بعدها جبت سرير اللي يجي ملاصق لسريري ومفتوح عليه وحطيته فيه واذا بأرضعه أقوم جالسة وأخذه ويرضع وأرجعه -اللي نومها ثقيل الأفضل يكون البيبي بسرير بعيد.

بعض الأمهات تستنقص من والد ابنائها وتذمه أمامهم وتزرع الكره له ولو بشكل غير مباشر وتتوقع انها بهذا الفعل تنتصر لنفسها من خلالهم! ما تعرف انها بهالتصرف انشأت ابناء أنانيين ماديين ما ينفعونها حتى هي إذا كبروا ولا بينفعون حتى أسرهم -من يفرط في ابوه يفرط في امه ولا يهتم إلا لنفسه.

تعبت وانا اسجل ترندات البنات شي مكياج شي مقات شي عناية وعاد ما نفذت ولا واحد ما فيه بنت ترندات العيال حدها البيك واندومي حراق نار ذبحوا قولوني

شيء ثاني إذا انتي في مجتمع بدائي عايشين نفس عيشة الإنسان القديم واخذتي بدائي ومتخلف زيك ما همه الا كم تفرخين ولا يشوفك الا اداه لرغباته وداعس على غاربك لا تجين تغثينا بعقدك وتحطينا معاك بنفس القالب انقلعي افسخي عقدك وعالجي نفسك ومجتمعك ما أدري وش مطلع هالعلل عندي

يأخر الأسنان معلومة غريبة!! حنا مانعينه وطفلنا موجود لأن عندنا وراثة الربو وخايفه عليه يصير عنده ربو اخوانه تعبوني ما يروح منهم الا في عمر ٨-٩ وإذا جيت ابخر يطلعه ابوه أو اخوانه برى البيت ساعة أو ساعتين اما امنع بيتي من البخور ما أقدر😂

أتوقع إن(الملتزمين)اللي يتكلمون عن الكوفيهات والمطاعم عندنا يتكلمون عنها على أساس انها زي الكوفيهات والمطاعم اللي يشوفونها في سفراتهم الخارجية لتركيا وغيرها يا اخوان وأخوات ركزوا بالله ترى الكوفيهات هنا يبيعون حلا وقهوة والحريم ٩٩٪ منهم منقبات ما فيه خمره ولا زلط ملط ركزوا

وسيمي من دخل الشهر السادس وانا ابغى أعوده غفوات النهار يأخذها وهو في مكانه عادي نفس إخوانه قبل ونحن نسولف ينام وهو يلعب ينام لكنه مصر الا ينام بطريقته في سريره والإضاءة خفيفة واحد يغني له او يهزه هين يا مدلل البيت ان ما انتصرت عليك بس🤌🏻

تخيلت إننا نتكلم عن المعلقات الأدبية والاجتهادات الفقهية ومعارك العرب في الجاهلية والإسلام والترف في العهد العباسي ومسببات الحروب الحديثة أبوك يالكتمة ما فيه أحلى من يوم يجلس يتكلم لي عن النصر لمن انام والا هو ينام وأنا أقارن له بين فستانين ب احضر بهم عرس والا عطرين بأشتريهم😂

أي وحده حامل انا جايتك من مستقبل المستقبل ترى بعد الولادة فيه نوم وفيه راحة وفيه زوج يساعدك وفيه أهل يساعدونك وفيه طفل تعودينه على نظام ويتعود عليه وينام ١٢ ساعة نوم طويل يصحى للحليب والغيار فقط تقدرين في هالفتره تنامين براحتك لا يرعبونك من الامومة تراها أجمل شعور ممكن تعيشينه.