يمناسبة عيد العمال، بحب القصة دي جدا، فهاشيرها تاني، كل سنة واحنا "نموت نموت، ويحيا العمل" khatt30.com/post/burnout/?…

يارب عدلك في اللي سرق الأمان من ١٢٠ مليون مواطن ومواطنة! عدلك وانتقامك!! مفيش حد آمن ولا على بيته ولا على شغله ولا على قوت يومه ولا على نفسه وعلى حريته، ولا حتى على قبره!!

ماما لسة بتموت بالبطئ والدولة بتتفرج وكل ده عشان ما يخرجوش بني ادم اتحكم عليه ب ٥ سنين سجن وقضاهم كاملين (لتاني مرة) Abdelfattah Elsisi النيابة العامة المصرية Egypt MFA Spokesperson #FreeAlaa #SaveLaila

كل الدعم للصديقة والزميلة هدير المهدوي، واطالب مجلس نقابة الصحفيين الجديد بالتحقيق الفوري فى الوقائع المنشورة التى وقعت أمام عدد من الزميلات والزملاء. facebook.com/share/p/1AbD43…

كنت بقول إن القصة دي هتفرقع في وشهم.. والله الناس في مؤتمر الإيجار القديم رجعوا فيا الأمل، ربنا ينصرهم، ماهو مش هينفع نفضل نتضرب كدة في البلد دي ومانشتمش حتى ❤️

ياريت في خناقة الإيجارات القديمة، نتكلم كمان في الرفع غير المنطقي وغير المسبوق وتضاعف للإيجار الجديد في مصر بشكل جنوني، بدون أي رقابة أو أي معدلات منطقية تتناسب مع الدخول والمرتبات، وبدون حدود قصوى، وبقت الإيجارات مرعبة في كل مكان، وفي متناول طبقة رجال الأعمال فقط!

النكبة مستمرة… والمقاومة أيضًا ضد الإبادة والتهجير … مع فلسطين الخميس 15 مايو 2025 الساعة السادسة والنصف مساءً أمام نقابة الصحفيين – وسط القاهرة

أنا معنديش أي تسامح مع أي شخص مش واعي لإمتيازاته في اللحظة دي في مصر، أيا كان نوع الإمتيازات دي، فلوس، شهرة، نفوذ، سلطة، منصب.. اللي مش مدرك إن غالبية المجتمع المصري تعاني معاناة غير مسبوقة على كل المستويات، ومش واعي بإن له دور، ياريت يخرس خالص عالأقل.

يوم تضامني مع دكتورة ليلى سويف في اليوم ٢٢١ من إضرابها عن الطعام، ومع علاء عبد الفتاح في اليوم ٦٩ من إضرابه عن الطعام! الحرية لعلاء والحياة ليه ولدكتورة ليلى! كفاية ١٠ سنين و٧ شهور ظلم Free Alaa

النكبة مستمرة.. والمقاومة أيضا بعد بكرة الخميس ١٥ مايو أمام نقابة الصحفيين من الساعة ٦ ونص مساء وحتى ٨ مساء

ليه يا جماعة حد مش عايز يطلع بوشه ولا بصوته يقرر يبقى إنفلونسر بجد؟ فلتر عالوش وفلتر عالصوت؟ وإيه كمية المشاهدات على فيديوهات وريلز الولا حاجة دي؟! يعني ولا فكرة ولا خفة دم حتى! وإيه تقل الدم ده والهيافة دي؟ فيه جييييه؟؟؟

الذكرى ٧٧ لتكبة فلسطين النكبة مستمرة والإبادة مستمرة ود. ليلى سويف انضمت لوقفة اليوم، وحييناها وطالبنا بالحرية لعلاء ولمعتقلي فلسطين والصحفيين المحبوسين وكل المعتقلين! نقابة الصحفيين، القاهرة ١٥ مايو ٢٠٢٥

غزة وليلى سويف يارب.. وأي حاجة تانية تستنى!

يا أشرف مكانك مع ندى ودينا وباقي عيلتك وحبايبك. مكانك وسطنا. مكانك بترسم كاريكاتور وبتلعب مزيكا وبتعمل نجارة وبتترجم. كل سنة وإنت طيب. واحشنا جدا ومفتقدينك. الحرية لأشرف عمر. الرسمة مش جريمة والكلمة مش جريمة والصحافة مش جريمة. إعتقونا بقى! #عيد_ميلاد_أشرف_عمر #الحرية_لأشرف_عمر

التعبير عن الرأي حق مكفول بالدستور عيب قوي في حقكم لما رسمة ولا كلمة تهددكم كدة! الحرية لأشرف عمر، ولكل صحفي، وسياسي، ومعتقل كل جريمتهم إنهم عبروا عن رأي أو موقف سياسي أو حاولوا ينقلوا الحقيقة! #عيد_ميلاد_أشرف_عمر #الحرية_لأشرف_عمر #عيدهم_وسطنا

"المطلوب مننا فقط إننا نصرّ إننا ننتصر للحق، مش مطلوب مننا إننا ننتصر في انتصارنا للحق، مش مطلوب نبقى أقويا في انتصارنا للحق، مش مطلوب مننا نبقى جاهزين في انتصارنا للحق ولا عندنا خطة كويسة ولا عندنا تنظيم كويس. مطلوب مننا فقط إننا نتمسك بالانتصار للحق" علاء عبد الفتاح #FreeAlaa

قدمنا اليوم تلغراف عاجل لرئيس الجمهورية رقم ٢٣٣٦٠٠٦٠١٠ بصفتنا الصحفية، وهي مهنة تقوم على حرية الرأي والتعبير، بالنيابة عن ١٥ صحفية وصحفي، نناشده الإفراج عن سجناء الرأي والصحفيين المحبوسين، والإفراج بشكل عاجل وإنساني عن علاء عبد الفتاح، نظرا للتدهور الشديد لصحة والدته ليلى سويف.

محامين وصحفيين وسياسيين وأمهات ونسويات ومجموعات مختلفة من البشر ناشدوا وإترجوا تنقذوا أم مكلومة على ابنها وبتواجه الموت في أي لحظة.. ناقص الحجر والشجر ينطقوا والله! مفيش وقت! خسارة دكتورة ليلى هتبقى خسارة لا تقدر بحجم وللجميع! #هاتوا_العيد_لليلى

#هاتوا_العيد_لليلى

#هاتوا_العيد_لليلى