عارف لما تشتغل على حاجة ٥ ساعات كاملة خبط ورزع وتفكير ومسح وتعديل وتصحيح وووو تيجي عشان تعمل save للمشروع يطلعلك إيرو والبرنامج يقفل منك ومتعرفش تجيب الداتا ؟ اعااااااااااااا

إيه الضحك ده كان ورايا مشوار الساعة ١١ وقبل ما أنام عملت سوفت للموبايل وظبطت المنبه ١١ ونمت ونسيت أظبط الساعة لأن الساعة متقدمة حد رن وفكرته المنبه قومت عامل ميوت للفون ولبست ومشيت من غير ما أبص في الساعة وأنا في الطريق أكتشف إن الساعة ١ اللي هي ٢ أصلا

هو الواد بتاع الثانوية أبو نضارة ده هيرفع قضية في المحكمة الإقتصادية ليه هيوقف قيد الزمالك ولا إيه

يارب الأغاني اللي في الدنيا تخلص والفرح ده يخلص

هموت وأنام بس مستخسر

هو الفيس بقى شكله ابن ****** كدة ليه

حقيقي حقيقي مشوفتش أحلى من الهيدفون بس لما بحطها ربع ساعة على ودني في الجو ده بتبقى لا تُطاق

لسة فاكر لما سافرت القاهرة أول مرة لواحدي في تالتة إعدادي وكنت متأثر فشخ بأغنية أحمد كامل أيام ما كان أندرجراوند بجد بتاعة يا ليل بالذات كوبليه مسافر في الطريق وحدك ده

معنديش مانع الصراحة لو الحكومة بتقطع النور كل يوم الصبح لو إصلاحاً وتهذيباً للناس يصحوا بدري

التايم لاين عالفيس بقاله يومين مقلوب بس فاشخني ضحك من أول الواد اللي قفل السفارة لحد لقائات لطفي لبيب

سبحان الله أجتمع عدم القبول في العالم وأجتمعوا في المخلوق ده وعلى رأي واحد قالك متأكد إن لو دكتور مصطفى محمود عايش كان عمل حلقة كاملة عنها

بص هو في الطبيعي إن الطبيعي يكسب

كل الألفاظ والإيحاءات الخادشة للحياء اللي محبوس عليها الناس بتوع التيكتوك متجيش حاجة جنب إفيه واحد من فيلم ولاد رزق

اتفرجت على ١٣ حلقة لمسلسل منتهي الصلاحية لحد دلوقتي مش شايف حاجة مشجعة لعقلية المشاهد غير على المراهنات أساسا

قومت أشوفها مش ماشية حسب الخطة ليه وأمخمخلها قومت عملت قهوة واتحرقت بلا خطة بلا مخمخة نقضي اليوم بقى وخلاص

الدوري الإنجليزي ده هيفضل تحكيمه مشبوه ومش هينضف

مفيش حاجة مريحة أكتر من إنك تبدأ يومك بصلاة الفجر أو تنهي يومك بصلاة الفجر أيهما أقرب بس نعمة كبيرة ربنا يديم لذتها دايما

كنت بشوف دورا ظالمة سنقر شوية لما كانت كله ما تشوفه تقوله سنقر لا تسرق لحد ما شوفت ثعلب الأسبوع اللي فات دخل الملعب وخد شبشب وطلع يجري بيه لحد ما جرينا وراه لحقناه

الجو صعب فشخ ومش قادرين نستحمله جرب تمشي كدة ساعة في الشارع في جو خليط بين الشمس والضل جرب تقعد يوم كامل كدة من غير ما تاكل حاجة مش هقولك متشربش شايف الخليط ده؟ أهو أهل غزة بيعملوه أضعاف مضاعفة كل يوم وسبحان اللي مديهم قوة تحمل وصبر رهيبة

مشوفتش أعبط من حوار التظاهر وقفل أبواب السفارات المصرية اللي برة جه طب ما تروح يا معتوه تقفل السفارة الإسرائيلية