كلام السفيه ان مر ماضر مهما كان ولا اثّر على سوق التجاره ولا العملة لاشفته يحاول يسرج الخيل لـ الميدان وانا خابره .. مافيه قوه ولا صملة تبسمت له ماهوب ذلّة ولا نقصان تبسّم نبي الله سليمان لـ النملة .

من يشوفك في طريقه يذكر الله فارقة بالحسن من بدّ الصبايا مابه اللي يشبهك في الكون كلّه غيرك انتي لـ انعكستي في فالمرايا .

تعلمت لكن عقب شطّه وشي شين وانا خايف لا اضيّع .. اللي تعلّمته يكفيني ضياعي والجماله في ابو وجهين وعمرن ضياعي في اوله شفت خاتمته على الهون ياراعي الشّماته تراها دين ولا تامن صدوف القدر تجعلك شِمته .

الورد لا كثرت يدين العرب حوله حتى ولو ما إنقطف ماعاد يغريني و إن جا على باله إن يديني تطوله يجي على بالي اتبرى من يديني .

يمر الشّك بين النّاس والأعمال بالنيّات ويمر الواثق بنفسه .. عليهم ويتعدّاهم .

عسى المعسر اللي حاجته ردّها الإحراج مايصبح عليه الصّبح إلّا و ربّي قاضيها .

أنا الواعي اللي ما بعد فات ذهني شي لو إنّ التغاضي عن بعضهم يلاحظ بي أعرف الوجيه اللي .. تمنّى السعاده لي مثل ما أبخص اللي ما يداني ويرحّب بي .

واهنيّ اللي ليا وصل المخده ما طرى له من عنى وقته طواري ماحداه من الزمان اللي يحدّه للتوجّد ، والتنهت ، والمساري .

لا تقول لي زعلان وانّي مهملك واني مخلي بيني وبينك سياج لا والذي بالزين والملح كمّلك انك على جرحي محاليل وعلاج احيان ودي بك ولا ودي اشغلك احترت مابين الجراءه والإحراج اخاف لا ابعد .. تحسبني أتجاهلك واخاف لا أقرب واغدي مصدر ازعاج .

ان جيت بـ اجيه شافوني معازيبه وان جيتهم ما قدرت اقول وش آبي عز الله انّها على اللي مثلي صعيبه اجي معزز .. وادوّر لازمن غابي الحب من ذاق خمره من رعابيبه والله ان يكد النّواصي شيب ما تابي .

لي ثلاث سنين قانع ولا تفرق معي أقبلت دنياي وأقفت ولا ناديتها والله ان بعض الطواريق بنج موضعي لو تسكّن عنك الأوجاع .. ما داويتها اسرحي يا نفس برحلتك واستمتعي مابي افكّر بـ حاجة .. قبل توقيتها وإشبعي يانفس من عزّة النفس اشبعي لو ماني قد الصّعـيبـات ؟ ما سوّيتها .

ياما تنازلت عن حقي ومصلوحي حتى لو الكلمة العوجاء على لساني يفتل حبال الكلام وينقض جروحي اللي على أتفه ذنوبي ينكر إحساني وأنا على شان غيري موجع روحي ولا أحد موجع روحه على شاني .

اللهم صلّ وسلّم على نبيّنا محمّد ♥️ :

من كثر ما أواجه الصّدمات واجحدها أخخاف لا مت .. محد يكتشف موتي .

أنا ما عشت سن العفرته والطّيش من الميلاد .. والدّنييا على راسي .

عليك السلام ورحمة الله والرضوان ياقلب تعب واخفى عن العالم اوجاعه يذوق الالم ومكابد الضيق والاحزان ولا يشتكي لو تلوي الضيقة ذراعه توشح بصبر ايوب والصمت له عنوان ولا غيرت ضيقات الأيام بـ اطباعه .

انا ما دريت ان نصف العرب عدوان ادور على بيض النّوايا ماني لاقيها انا كنت احسب العرب كلهم صدقان عسى الله يرحم هقوةٍ كنت هاقيها .

اليا ابتعدنا عن محطات الأنظار لا يفرح الشمّات .. ويقول غبنا لنا على روس المهمّات محظار ما يوم في نطح الصعيبات هنّا ينوب عننا .. في القنوات ثرثار وليا جات عند حدود الأفعال نبنا .

والله يا رفيقي ما عاد أدري وش أقول الوضع ماهو مثل وضعي من أوّل أجاهد الدّنيا من العرض لـ الطّول أرقى على راس الطّويله و أحوّل .

لو ندقق في الأمور اللي عليها ماخذ ما استحقينا مدار الدلّه أم معنّق الله يطوّل عمر اهل الطيب والله ياخذ اللي لا مدح ابن عمه في المجالس دنّق .