كنت أصورها وهي ترتقي عتبة المسرح، في ذات الوقت صديقتنا الثالثة تصورني وأنا أشهد المنظر… هنا عرفت معنى خطاب العيون الذي عجز عنه البليغ! أنا آسفة للبدايات اللي شككت فيها بدوام علاقتنا، وأتمنى أن نشهد مع بعض لحظات ارتقاء أبناءنا على مسارح أكبر

و المرء لا تشقيه إلاّ نفسه حاشى الحياة بأنّها تشقيه و يظنّ أن عدوّه في غيره و عدوّه يمسي و يضحي فيه

قمة الإيمان لما تسلّم أقدارك كلها للخالق، وتسعى لتحقيق أهداف يومك البسيطة لذاتك ومجتمعك الصغير مع تمام اليقين بأن كل ما تبتغيه نفسك لاقيته مرحلة السلام الداخلي، وأن رزقي وأقداري كلها ستساق لي

الفترة الأخيرة بديت احس ان عندي مشاكل انفعالية بس ما توقعت انها بهالحدة.. اليوم ناشبة بالزحمة وطول الوقت بمكالمة نقاش حاد، ما انتبهت على نفسي الا لما لمحت سيارة تمشي بمحاذاتي وتعبير التعجب واعتقد الخوف بعد على وجه الشخص لا يمكن ينوصف تقييمي لشخصيتي هذي 1/10، ولكن اتق شر الحليم

الفرق بين آخر تغريدتين يموت ضحك

إذا ساء فعلُ المرء ساءت ظنونه

الطبيب كاتب لي إجازة مرضية ورفضتها! حتى هو قال وش ماسكين عليك عشان تداومين ما يدري اني مستقبل الشركة🥰

هالمرة منعني من أي نشاط بدني! راعي مشاعري على الأقل مهّد لي، قول لي ركبتك تلعب بالسطح تكفى أي شي

وين ألقى المستشارين المهنيين؟ وهل هي مهنة بحد ذاتها ولا أدور أي احد من مجالي واستشيره بسرعة قبل لا أدخل بجدار🤣

مرات بقدر ما أتلذذ بالكتابة واستمتع في انتقاء المفردات وراحة انتقال عبء المشاعر على الكلمات، إلا انه أحيانًا اشمئز بطريقة عجيبة بل وحتى اتحاشى أقرأ أي نص مكتوب بطريقة إبداعية

متعودة وأنا طالعة ألقى زوار مضيعين مواقف سياراتهم، اليوم شفت كبير سن يدور بين السيارات كأنه ضايع ولا هان علي أشوفه محتاس وقف حول سيارتي وهو يدوّر وقلت أبد هذي فرصتك في عمل الخير لليوم، فكلمته أدلة على الجهاز اللي يطلع مكان السيارة باللوحة ورد: من قال لك اني ضايع! مسموح يا جدو

درسي اللي راح أبدأه من الآن بدلًا عن ترحيله ضمن أهداف العام القادم الامتنان… ببساطة وبكل أهمية اليوم داومت مبكر مرة على غير عادتي، ولكن سمح لي التبكير أشوف خيوط أشعة الشمس لحظة إشراقها من اليوم ورايح ماراح انظر إلا للجانب الممتلئ ولا كسّرت الكأس عليكم!

عندي مشكلة وهي أن الناس يعتمدون علي زيادة عن اللزوم، مدري هو اعتماد ولا ثقة ولا إحساس الدِّبرة! اليوم وحدة تسألني بكل جدية وش أفضل صالون يصبغ الشيب وايش أفضل تكنيك وعند أي أخصائية ووش أطلب منهم بالضبط… ايه نعم بكل هذا التفصيل ارجعي اسأليني بعد عشرين سنة يمديني قد جربت

قاعدة اقنع الايمو اللي عندي نحضر حفلة سامري والدرس كود لبس شعبي وبرقع دعواتكم

الكوب هذا شريته حتى يكون عندي ذكرى من هذاك اليوم، وما كنت اشوفها إلا عبارة عشوائية بدون ما أعي المكتوب اليوم وبكل مرة اشرب فيه استشعر المعنى، واتذكر اني ما احط نفسي في مكان أو اي انتماء إلا وأنا راضية أن ينسب لي أو انسب له، ولو كان قلبي دليلي نوعًا ما مكانك ما هو إلا انعكاس لك

جاني خبر سيء جدًا، طلبت كيكة وجمّعت الأهل هل أنا متحور طارق الحبيب؟ وهل يحتاج اطلع بيان اعتذار للأهل؟

لي فترة ابي اقعد مع نفسي ومو قادرة، صوت أفكاري مشوش وعقلي متشعب طلعت كوفي ابي اتفاهم معي ولا قدرت طلعت حديقة هادية ولا قدرت احتاج أحد يرتب افكاري ويجهز أجندة الاجتماع ابي انحاش من ازعاج عقلي!!

صح فشلت في تدريب قطاوتي، ولكن نجحت في تدريب أهلي.. كل ما أحد شافني لابسة النظارة قال لبى العيون الذكية🙏🏼

" أنت إضافة للمكان اللي أنت فيه بس هل حنا قاعدين نضيف لك؟" لما تجيك هالكلمة من شخص أعلى منك في الهيكل الإداري.. آوتش! هل أنا الأذكى في الغرفة؟ وهل وضعت نفسي في موضع أقل مما تستحق؟ أو ممكن تحاليت منطقة الراحة بس اللي تأكدت منه هو أن وقت التغيير حان، ولا عوائد بلا مخاطر!