احسني أنسى معاناتي في حياتي وفجاه أتذكر موقف سخيف حصل لي ،وبعده تتوالى الذكريات الموجعه مرت علي سنوات وكنت فيها حامل واقعد جوعانه واشتهي الأكل لكن عايشه بغرفه بدون مطبخ ما ادري كيف صبرت على لوزين واندومي أغلب الأيام أتخطى لدرجه استغرب اني عشت هالحياه وهذا فيض من غيض .

يارب يغيرني للافضل لأجمل نسخه خلقاً وأخلاقاً 💙💙

احب فيني اني استشعر نعم الله في ابسط شي لو رحت السوبر ماركت عبيت عربيتي انبسط واحمد الله حاليا شاريه ثلاث حبات مسك ومبسوطه وسعيده ان الحمد الله عندي واشتريت شعور انك مستقله وتقدرين تاخذين اللي نفسك فيه جميل جميل يارب لك الحمد اشكرك على نعمك التي لا تعد ولا تحصى 🩷

تحديثات سبتمبر - قطعت الكافين اول ما اصحى - اعتمدت تغذيه صحيه ٨٠٪ مع حساب سعراتي - بديت امشي - اتفقت مع مصورات لانتاج مقاطع جميله لمنتجي الحالي - صح تسوقت هالشهر اشتريت مسك ، عطور شعر ، عبايه ، شوز وباقي لي اغراض عنايه اخرى يوم عدلت روتيني نفسيتي صارت افضل الحمد الله 🩷

توي تجيني لحضة ادراك ان خلال اسبوع بس طلعت اكثر من ١٠٠ اوردر اللهم زود وبارك 🙏🙏

اليوم يسجل في تاريخي العملي اللهم لك الحمد اليوم فقط وصلت مبيعاتي ١٠ الاف ريال بيوم واحد فقط 😍😍❤️ عقبال توصل ميه الف في يوم يارب 🙏

الحمد الله قُبلت علامتي التجاريه بعد ٤ شهور ونص انتظار الله يسر لي باقي الأمور المرجوه 🙏💕

الحمد الله على نعمة الإلهام والناس الملهمه💡 طلبت خدمه معينه وجاني اقتراح جميل ما كان بالي عليه بيوفر علي وافضل لي ويفتح لي أفق جديده وهذا يذكرني بأمر الشورى مهم الانسان يستشير عدة اشخاص او من هم اخبر منه يوفرون عليه الكثير من الخساره او الوقوع بالخطأ

تحقق الحلم 🍃 الحمد الله حلم سنتين تحقق اليوم شفته على ارض الواقع اخيراً الان بدأ العمل الله يبارك في الجهود متحمسه جدا 🙏

أمس حلمت بيزيد الراجحي واليوم حلمت اني امر جنب برج فيه صور ملوك السعوديه وقعدت ابكي على بابا عبد الله الله يرحمه بعتبرها علامة ثراء قادم باذن الله 😂💖

الحمدلله كل شي سار كما خططت له لكن لم أتوقع ان التغير له رهبه ! بالأمس اسكن بغرفه واليوم غرفة المطبخ بحجم غرفتي سأتفقد الكثير من ذكرياتي اشعر بخوف رغم تحقق كل شي كنت أتمناه اكتشفت اني بسيطه لا يغيرني استقلال او مال يتعبني ان أفارق ذكرياتي ومن كنت اسمع اصواتهم كل يوم لسنين

بدايه جديدة ٢٨ فبراير ..

لقت تمت بفضل الله والقادم اجمل 🌼

يارب فرجك ولطفك

ايام ثقيله الله يعديها على خير

حكمة اليوم الإنسان لا يتعلم من اغلاط غيره إذا ما غلطت واكلت كف ما راح تتعلم وسلامتك

ما ادري كيف اصحاب الشركات والمتاجر يعطون خدمه عملاء الشغل ويرتاحون قعدت يومين ما دخلت واتس وجلست اكثر من ٣ ساعات ارد على رسايل مفتوحه بدون رد وعلى مشاكل شركات شحن 🤦🏻‍♀️

الحمدلله راحه نفسيه وسلام نفسي … ❤️

احد عنده خلفيه عن ازالة ضريبة تيك توك للاعلانات ؟

احتاج شخص محترف في كتابة سكربات ممتازه للاعلان عند المشاهير يعني افكار مختلفه تخدم محتوى الاعلان اشوف عند المشاهير احيان افكار لبداية الإعلان رائعه احيان من المشهور واحيان اعتقد مختصين اللي عنده اعمال ياليت يفيدني خصوصا مع المؤثرين