دخيلك يا ليل

لو المقاومة طلّعت قرار إعدام الأسرى الاسرائيلية الي عندها كان وكالات الانباء انصرعت و هم ينقلوا الخبر و يدينوا و يستنكروا. بس تمرير قانون إعدام الأسرى الفلسطينية يلي القانون الدولي بيكفللهم حقهم بالمقاومة المسلّحة مش رح ياخد اي اهتمام لا عربي ولا دولي، لأن عادي الفلسطيني يموت.

😂😂😂 العكروت الفاتح المحرر و شلته بيجس نبض تغيير اسم الدولة وازالة كلمة (عربية) بتويت احتفاله بصديقه ماركو روبيو ولكنهم تراجعوا عشان عمر الحريري الفذ اللمّاح كمسرهم. نحنا دولة ولاااك

الأسرى الفلسطينية الرجال تم توثيق اغتصابهم بالشهادات من السجانين نفسهم و بتصوير كاميرات المراقبة، ازا هيك بيعملوا بالرجال، ليه ممكن يتم التشكيك برواية اغتصاب الاسيرات النساء؟ بالمحكمة الاسرائيلية امبارح الناس وقفوا احتراماً و عملوا احتفالات وتكريمات للجندي المتهم باغتصاب الأسرى.

جورج حبش و نايف حواتمة غضبانين عليكي و على تياستك.

نقطة تانية انه كل ال lay offs يلي صارت من شركات التكنولوجيا لموظفينها مش لأن تم استبدالهم ب ai، بس عشان يحاولوا يغطوا المصاريف المهولة والخسارات المخبية الي صايبتهم من ورى استثمارات الai. ولكننن جودة ڤيديوهات الحيوانات المُنتجة من الai رح تتحسن ف صيروا اعملولهم skip احتياط 😄

آخر اشي، عدا عن ال mass surveillance واستخدامه في الأسلحة و الحروب، لحد الآن الذكاء الاصطناعي مش بس ما ترك أثر ايجابي، بل اثبت فشله في كتير مجالات و الشركات بتقلل و بتسحب استخدامها اله تدريجياً. ✨ If ai has no haters, that means i'm dead

بكل واقعية، المناشدات والتبرعات والمساعدات من الافراد وحتى الجمعيات، قد ما كانت كبيرة او صغيرة مش رح تقدر تحل مشكلة الخيام ل ٢ مليون انسان في فصل الشتا. الموضوع محتاج تدخّل دولي وبشكل عاجل. ضغط الشعوب على حكوماتها مفروض يكون حاضر للاسباب الانسانية متل حضوره للاسباب السياسية.

شو بيفرق خبر (السياح القناصة) الي كانوا يروحوا لسراييفو في التسعينات عشان يجربوا شعور يقتلوا ناس ابرياء، عن خبر انه جيش الاحتلال شارك فيه متطوعين من ٤٠ دولة بآخر سنتين عشان يقتلوا الابرياء بغزة؟ في واحد من الخبرين عمل ضجة كبيرة و التاني بيمرق كأنه اشي طبيعي و روتيني.

ايوا طبعاً عشان هيك وافقت تركيا على المقترح الامريكي الاستعماري لقطاع غزة يلي رح يصوتوا عليه يوم الثلاثاء.

شو احتمالية انه حكومة الجولاني سلّمته للامارات وخلّصت؟

هذه السيدة مش صهيونية! الفلسطينية الصحافية و صانعة الافلام أشيرة درويش.

المصريين (وغير المصريين) يلي حبو مرحبا دولة، احضرو مسرحية غربة

عندي مشكلة مع وصف اي شخص ب انه (عميل) بهالثقة حتى لو حدن تيس و ما بينطاق متل عزايزة. في اي مصدر غير هآرتس بيحكي عن قصة التهجير الي داخل فيها معتز؟ ولا الصحافة هاليومين بتكتفي بالقال و قيل؟

ما بين (لن يصيبنا الا ما كتب الله لنا) و ما بين (غرباء و لغير الله لا نحني الجباه)، انا بختار (كسخت الجزائر عرص).

خلينا متذكرين انه دول الخليج الي بتصرف بلايين الدولارات على أسلحة و طائرات عسكرية من اميركا، ما عندهم ناس مؤهلين بالجيش تعرف تتعامل مع هالمعدات، لذلك بتصفّي قوة الجيش حبر على ورق، وهاد الفرق بين جيوش الدول النفطية و جيوش الدول الحقيقية (متل الجيش المصري ايام عزّه).

"She left her books and a part of her soul, looking for a new beginning, again .."

تركت المدينة الي عشت فيها ٩ سنين بحلوها ومرها. المكان الي كنت مش حابة معظم الوقت الي قضيته فيه ومع هيك عندي اله هلأ شعور حزن وحنين مش مفهوم. الغربة صعبة و تركتها برضه صعبة، بس على قولة غسان كنفاني "لك شيء في هذا العالم .. فقم".