ومن عتابه أيضًا: قلي بعد روحي علامك تصدي وش مزعلك يا قرة العين وش جاك حبك لخفاق الضمير امتعدي ولا همي الا من تزعلك وارضاك

ومن أجمل أبيات السديري عندي : قال السديري عقب ما خاطره ضاق بيتن يخلي ضامي القلب يشقا يا ليت ربي ما خلق حب وفراق والا خلق حبٍ على غير فرقا

الله لحد يا بعد حي نوده لعل يسقي ديرته كل رايح لعل يسقيها مزون مسده وفي كل صبح الما على القاع سايح ٥/١

ويقول السديري : لزيت نفسي مير عيت تلزا وقهرتها غصبٍ على غير ماجاز مير إنها شامت تبي درب عزا وتبي من الأحراز تظهر للابراز ٥/١

ويقول أبو زيد رحمه الله : حياتي كلها صبر وجلاده وغيري عايش عيشة سعادة انا اللي عاشق بالغي مغرم غريق في هوا راع القلادة ٥/١

يقول السديري : يقول من شرّف على روس الاقذال راس الطويل اللي نبا من رجومه رجـمٍ براسه للمشاكيل مدهال ميقاع سمح الريش من عقب حومه ٦/١

آه من دمع ٍ على خدي سفح من فراق اللي على غيري شحيح من فراقه بالحشا قلبي لفح ساكن ٍ وسط الحشا حبه صحيح ٣/١

لي صاحب يا حسين ليتك تشوفه ليتك تشاهد صاحبي بدر الانصاف حتى تعذر اللي تزايد صدوفه وروحه من الغالي على حال ميهاف ٥/١

يقول الأمير محمد السديري عن سهم طرفك لذت يا زين بحمالك باسم الذي سواك ترحم دخيلك ان كان لي ذنب فانا حب لاماك قلبي يبيك وناظري يرعوي لك ٦/١

ويقول السديري رحمه الله : وراك تورينا الجفا والقطيعه وحنالك اطوع من بنان اليديني نشري رضاك وكل شي نبيعه وحياة ربٍ يبعث الميتيني ٨/١

ويقول السديري : يا حبيبي ترى مالك بقلبي خشير لا تخون الموده واذكر اللي مضى كيف عقب الغلا منك العداوه تصير الزعل ما نريده منك نبي الرضا ٥/١

ومن تفكر السديري قوله لولا الهرم والفقر والثالث الموت يالآدمي بالكون ياعظم شانك سخرت ذرات الهوى تنقل الصوت وخليتها اطوع من تحرّك بنانك ٣/١

ومن حكمه رحمه الله قوله : كم قلت له يالقلب ما فيك خفه ومن جورهن للناس قامت تكشف وكم قلت له لازم يجي فيك عفه ومن صد عنك بنايباته عنه كف ٦/١

كل ما جريت ونات الحشا زادت الونات في قلبي جروح من هو اللي ما على الدنيا مشا مثل زوله لا ومنشي فلك نوح ٣/١

وللي عنده حبيب زعلان : قلي هلا وآقول صبحك بالخير وقل مرحبا واقول يا روح روحي يابو ثمان ٍ بالمبيسم مغاتير أغليك وانت اللي تسبب جروحي ٥/١

يقول السديري يا شن بقلبي منه صبحت مكظوم يعلم به اللي عن عباده غناوي وعديت من ورا العنا راس مزموم في راس مرقاب جديد المطاوي ٩/١

ومن جميل وصف السديري للبنات: المترفات الناعمات الرعابيب بيض النحور مليّنات المخده مثل المها الشرّاد رثم ٍ خراعيب عيون الوحوش وتوّها مستهدّه

كذلك من جميل قوله في الغزل يا مشرف المرقاب خله لمشطون حوّل وخل مولع القلب يرقا خله لمشطون تزايد به الكون على عشيرٍ زوّد الهجر فرقا ٢/١

يقول السديري : قالوا وحيد وقلت ماعندي اوناس قالوا غريب وقلت بأرض بعيدة ابعدت مابي شوف ناس من الناس بعدت عن بعض الملا وتعديده ١٢/١

وقال السديري: قالوا علامك باكين .. قلت مطعون شوفوا نزيف الدم مني تلالا قالوا من اللي صوّبك .. قلت عافون قالوا عدوّك .. قلت ياناس لا لا ٤/١