قامت سنين العمر تمضي عجوله وانا غفلت وراح من عمري اعوام اجمل محطه ذكريات الطفوله واللي بعدها مرحله مثل الافلام ولاكل حلم النفس تقدر تطوله الناس ماتت قبل تحقيق الاحلام وكلن على فاله اتدرهم ذلوله وترجع وتبرك غصب عقب التدرهام والله يبلغنا شفاعة رسوله والله يثبتنا على دين الاسلام ،

..... الكلمه اللي وقـعها بين الضـلوع حرفين لكن تخـتصر كل الجُـمل أخ .السّند. لا جنّبوا كل ..الربـوع مافيه غيـره بالبـشر .عــز وأمـل وأخ.. الألم لا قالها خـطو البـتوع في ساعــةٍ مافيه للفـزعـه عمـل وأخ.. الزمان أعطىٰ لها أمر الركوع لا قلتهـا يخـضع لها راس الجـمل غزاي الحربي

قال حبر الأمه عبدالله ابن عباس رضي الله عنه ثلاثة لاأقدر على مكآفأتهم ورابع لايكافيه عني الا الله جل جلاله فاما الثلاثه : رجل أوسع لي في مجلسه ورجل سقاني على ظمأ ،، ورجل اغبرت قدماه يمشي في حاجتي فأما الرابع رجل نزل به أمر فبات ليلته يفكر فيمن يقصد ثم رآني أهلا لحاجته فأنزلها بي

لاصرت رجّال بالافعال سامي لابد ماتطلع ارخوم تعذربك يطلع لك اللي مثل قول الزلامي لا فاعلن فعلك ولا هو مجنبك !! منقول ،، ًً

نعيش بالدنيا وننعان ونعين حنا بشر مااحنا مجرد هياكل !! نتعب لفعل الطيب والمنطق الزين مالله خلقنا بس نشرب ونآكل !!

نعزي أنفسنا وأسرة الفقيد الغالي : الشيخ مثقال الحلاف وأبناءه واحفاده وعسى الله يرحم هالوجه الطيب البسيط المتواضع الذي نعتبره والدنا ووالد الجميع من أبناء القبيله كافة وعزاءنا بالأخ الشيخ / جليّل مثقال الحلاف شيخ السعيد واخوانه ان يسيروا على خطاه ومثواك الجنه ،، #مثقال_الحلاف

اللهم كما أمطرت علينا من خيرك أمطر على قبور من رحلوا من سحائب رحمتك،اللهم ارحم أرواحًا صعدت إليك ولم يعد بيننا وبينهم إلا الدعاء ، اللهمَّ بعدد قطرات المطر أرحم موتانا وموتى المسلمين وأجعل لهم مع كُل قطرة مطر عفواً ومغفرة ياارحم الراحمين.

ربعك ولو مالو عليك احتملهم ماهي تميل الا على كل رجّال ولا اتثاقل حملهم ياجملهم لا صار يدعونك بشيّال الاثقال زدهم بكثر الطيب وارفا خملهم هم درع جنبك لازما كل عيَال ،،

يارب تحفظ بلدنا من كل حاسد وحاقد يارب تحفظ لنا حكامها وقيادتها وأسرة الخير يارب تحفظ لنا شعبها ومن سكنها من الطيبين يارب تستر عليها من نفوس المبغضين يارب تنتقم من كل عدو ومتربص وقليل وفاء للكويت وحكامها ،، الوفاء والمحبه للبلد من شيم العرب الانقياء ،، #عيد_الاستقلال

العافيه والستر مع راحة ،،،،، البال هذي الثلاث أعدها رآس مالي وياللي تقول الغالي اشريه بالمال اللي يجي بالمال ماهوب غالي ،،

لا جيت ذولا سولفولك بذولاك وذولاك قالوا لك سوالف بذولا ولاغبت عنهم هرجهم ماتعداك تصير في شذب العراقيب الآولا واليا تلاقوا بين مازح ، وضحّاك الإذن صقها سمع والعين حولا طنش مادام انه معك عقل وادراك وقفّل ملف الا ولالا ولولا

ماعاد يحتاج نقطع شكّنا باليقين الناس في هالزمن ماهي على ماتبي في عشره تحصل تسعة منافقين واقرب الاقارب عدوك والصديق اجنبي من طيبنا ودّنا ان كل العرب طيبين واثر العرب عندها الطيّب اكبر غبي !!

لاشفت حالات الأوادم على الواتساب تقول الأوادم كلهم من هل الجنه نصايح وكفارة مجالس وعتق ارقاب وتذكير بالواجب وتذكير بالسنه واليا شفت علومهم رمش عينك شاب وترجع تقول ان العرب صدق منجنه !!

لو زانت الدنيا على الناس أوقات ما تنومن والعمر فيها قصيري المسعد اللي يقضي الليل ساعات ساجد لربه يطلبه كل خيري رجواي عفو الله على كل زلاّت ربّ كريم في عباده بصيري ،،

وطن لا نحميه، لا نستحق أن نعيش فيه .. فالوطن ليس ترابًا فقط، بل كرامة ومسؤولية ومن لا يصونه وقت الشدة لم يعرف قيمته وقت الراحة ..

ما كل مايذكر عن الناس ينقال نوب نلاقي عكس مايذكرونه احيان تسمع لك مسبه لرجال وتلقاه في وقت الشدايد معونه اثر الحسد يعمي رديين الافعال من حسدهم ماودهم يمدحونه ،،

معالي وزير الداخلية أي قرار تتخذه يصب لصالح البلد نشكرك عليه ولكن قرار فتح التأشيرات الاكترونيه على مصراعيه سياحيه وغيرها لن ينشّط الاقتصاد خاصة بالصيف بل سيصبح عبأ عالبلد من الدول الفقيره الذين قاعدين نراهم يتسولون ويبحثون عن عمل عن طريق ربعهم المقيمين !! #فهد_اليوسف_الصباح

يالله انا طالبك يالحي العظيم الجليل يامنسنسن بالليل هاللي كاتمه ماريد عمر اطول من اعمار النخيل ولا سلطة سليمان والا خاتمه أبيك ترزقني الرضىٰ مع القناعه بالقليل ولا تصدّق بي الشامته والشاتمه وتدخلني الجنه عقب عمرٍ طويييل أبي أكسب الدنيا وحسن الخاتمه ،،،،

لاشفت خلق الله جماعات واحزاب خلك على عرش الكرامه مطرّف لاتقرب العقرب ولا تقرب الداب من شرّ مافيها يخون التصرف ترى ماترفع الهافي دعايات والقاب ولا يخفض الوافي كلام (ن ) محرّف الحر يبقى حر في كل مرقاب وكره على الرجم الطويل المشرّف !

بعض الخساير تعتبر شبه مكسب وبعض المكاسب ماوراها من أرباح وان كان تبغي لك نصيحة مجرّب اترك كلام الناس سايح وسوّاح من كان همّه يرضي الناس يتعب ومن كان همّه في رضى' الله يرتاح ،،، راقت لي ،،،